http://videohat.masrawy.com/view_vid...b576d20a86ec03
ما هى الخدمة دى فيه شركات مصرية كتير بتقدمها و بالمجان أحيانا
www.familyinternet.net
دى خدمة مجانية من تى إى داتا
و برضه لينك عاملاها و أعتقد فودافون
و برضه مايكروسوفت منزلة برامج مجانية لغلق المواقع الغير مرغوب فيها
اعتقد ان الحكومة ح تطعن في القرار ده .... و ح تطلب ايقاف تنفيذه ...
لأن الحكومة كلها بتتفرج ع المواقع دي :S_thum1[1]:
بدون الدخول فى تفاصيل مخجلة...هل الفرق كبير بين "شوال" القنوات المحملة على النايل سات بغبار الأخلاق الذرى و بين ما تحمله تلك المواقع التى سوف ينالها الحجب.....
الواحد مش محتاج الحكومة تعمل control على إللى ولاده ممكن يشوفوه...هو إللى لازم يوجع قلبه شوية علشان يقوم بالدور الرقابى...
ده بغض النظر عن الأسباب الخفية للمنع...
أو إذا قرار المحكمة ملزم من عدمه...
و فى حالة عدم التزام الحكومة بقرار المحكمة...إيه إللى هيحصل ؟؟؟
ثم إن ممكن يكون فيلم أو مسلسل أو كتاب وفيه أفكار أكثر شرا و تدميرا للعقول من ما تحمله تلك المواقع موضوع الحجب و تمر على الرقابة السطحية بسهولة ...لإنها فى واقع الأمر رقابة على المعارضة السياسية أكثر من أى شىء....
أسلوب الحجب ليس حلا...و لا جزئيا حتى....بس هتبتدى لعبة القط و الفأر و التى لا نهاية لها و فى الدول المجاورة عظة لنا...
الحل هو حل المشكلة من جذورها و معالجة أسبابها و مواجهتها بشجاعة و الاعتراف بالمشكلات التى تؤدى إلى سلوك متابعة المواقع دى ...مثل إزاى تفتح بيت و تتجوز و إزاى الشغل واخد وقتك و مش قادر تقوم بواجباتك كأب و كزوج و إزاى الأم لازم يكون لها تدخل و إزاى نربى أولادنا و نقنعهم بالسلوك الفضيل و نكون قدوة لهم و ما إلى ذلك...
و على الأقل لما نقول نحجب...بس نكون صرحاء و نحجب الإنتاج المحلى المعروض بكل ثقة فى عز الظهر داخل بيت و كل مكان عام...أنا بأكون مكسوف جدا لما الأغانى دى تكون شغالة فى مكان عام...مش عارف الناس إللى أسهمت فى إخراج العمل الحقير ده مش بيفكروا هيقولوا إيه لولادهم ؟؟؟...يعنى لو قفش ابنه مثلا بحاجة مش تمام...ما هو الواد هيرد يقوله " ما انت يا بابا بتعمل حاجات زيها "....
على رأى أحد أساتذتى....Think More , Calculate Less ..
بلاش نفرح أوى كده بقرار المحكمة لإنه فى رأيى ينم عن عجز عن اتخاذ التصرف اللازم الواجب فبالتالى دى سكة أسهل نحجب و نمنع و نضحك على أنفسنا....
هى دى انطلاقة الافلام الاباحية المصرية :) :) ..
يشوفوا الناس اللى مش لاقية تاكل الاول و بعدين يفرقعوا اخبار براحتهم ..
حجب ايه وازاى
الكلام دة فات اوانه من زمان
الحجب مش هيبقى مؤثر وفيه بدل الطريقه الف للجخول
بدل ميحجب مواقع اباحيه عد زوارها اكيد مش بحجم عدد زوار الكباريهات ولا معاهد الرقص اللى بيفكرو يعمبوها ولا بلاوى كتيرة تحت سمع واشراف الحكومه
بلاخيبه
اى كلام وخلاص بنسيب المشاكل الاساسية ونمسك فى التفاهات
يعنى هما لو اهتموا بالتعليم والتربية اللى بقت نادرة مش هنقابل
المشاكل ده مالناس برة عندهم كل حاجة متاحة بس متقدمين عننا بمراحل كتييييييييييييييييييييييي ييييييييييييييير
مالكش حق يا دكتور ....
انت عاوزهم يقفلو معاهد الرقص ؟؟؟؟....
طيب والناس يتعلمو الرقص فين ....
كدة مستوى الرقص ح يبوظ خالص
ودينا وفيفي و دوللي و باقي الشلة ح يزعلو من الكلام ده ع الآخر
....
لأ مالكش حق ابدا ...
ده شعار البلد دلوقتي ...
لو بطلنا نرقص نموت :
:120146b:120146b
.................
والله انا خايف بعد كدة يقفلو المساجد .... والله ممكن يعملوها
انا عايز كل المتشدقين بغرام تراب الوطن يتلقو الصفعه دي علي وجوهم من سكات
ما بين ناس مش فاهمه حاجه هتفرح و تهيص و ترفع القبعه للحكومه اللي بتحافظ علي اخلاق الجيل الصاعد من الافلام و المواقع الاباحيه
و بين ناس تانيه طبعا القرار بيمثلها ضربه قاتله في حجب مصدر ترفيه و تنفيس
بس في حاجات تانيه خافيه علي البعض:
1- فين معتدين و متحرشين وسط البلد
2- فين متحرشين شارع جامعه الدول
3-اين عقوبه الاعدام العلني لكل حيوان سمح لنفسه بالاعتداء علي عرض فتاه في دوله يفترض انها مسلمه, جرائم الاغتصاب و الاغتصاب الجماعي بقت تجيب القرف و الغثيان و لعل السيده اللي خطفوها من بيتها و شهيد الشرطه اللي استشهد و هو بيدافع عن البنت اللي كانو بيخطفوها علي الدائري لعل الحوادث دي متتنسيش
4- معاكسات الشوارع و اعتراض الطريق علي كل انثي محجبه او منقبه او حتي طفله!!!
5- برامج الدعاره المقنعه في قنوات فضائيه زي ميلودي و مازيكا, بتاعت البنت اللي بتتقصع و تتنطط علشان نتصل و نربح
6- قنوات الاغاني الفيديو كليب اللي بعضها فاق في محتواه الجنسي بعض افلام البورنو ده غير الاغاني ذات الكلمات و التلميحات الجنسيه
7- الافلام بتاعت السينما سواء من قصتها او محتواها اللي بقت بتدعو الي الجنس خارج اطار الزواج و غير طبعا المخدرات و السرقه و القتل و الانحدار الاخلاقي
8- قاعات الديسكو و الخمر بشارع الهرم و الفنادق
9- معهد الرقص الشرقي اللي بيفكرو فيه
10- عاشرا و ليس اخيرا فاكرين لما قناه الجزيره تطاولت شويه علي رموز مصر؟!
الدنيا قامت و هاجت و ماجت علشان يعملو رقابه علي القنوات الفضائيه و ما تقدمه من برامج و معلومات,, و بنفس الاسلوب انا شايف ان خطوه محاوله حجب المواقع الاباحيه علي الانترنت ما هي الا غطاء كبير و محاوله لكسب التأييد المحلي لاقامه جهاز مراقبه و فلتره الانترنت و المواقع و لو رجعنا بالذاكره للوراء ايام 6 ابريل هنعرف الغرض الحقيقي من اللي هم عاملين ظيطه عليه
نسيت اقول عن نقطه التعليم الديني و المناهج الدينيه اللي اتحجبت هي كمان من قبل
لو النيه صادقه في الحفاظ علي اخلاق البلد يبقي التعليم التعليم التعليم
مش الحجب و المنع و الاستبداد
مصر مصر تحيا مصر