الخبر حلو جدا بس آليه التنفيذ.. ازااااااااااي؟؟
لان كل الطرق ليها ثغرات لاي واحد عنده شويه خبرات it
الخبر حلو جدا بس آليه التنفيذ.. ازااااااااااي؟؟
لان كل الطرق ليها ثغرات لاي واحد عنده شويه خبرات it
ماتنساش ان من اهم العوامل اللى ادت الى كل الكلام اللى بتقوله ده
انتشار المواد الجنسيه بين الشباب
واحد مش لاقى ياكل ويشرب وبيروح مع واحد صحبه يتفرج عل فيديو او قناة من اللى هم على القهوه
عيل لسه فى المدرسه وبياخد معاه مجله يفرجها لصحابه
وواحد سايب مذكرته ومركز فى مواقع اللى من النوع ده
حتى فى الشغل يا راجل
والناس بتاعت ال it تكذبنى
الناس مش هاممها انها فى مكان شغل وبرده بتدخل على المواقع دى
اعتقد لو حجبنا المواد دى كلها عن الشباب حالهم هيتعدل
عشان دول بالظبط زى واحد مش لاقى ياكل وبياخد فاتح شهيه
اكيد هيمشى فى الشارع عايز ياكل اى حاجة حتى لو فار معدى من قدامه:049:
انا مش بقول كلامك غلط
بس بقول دى خطوه فى تعديل الموقف مش نقدر ننكر مميزاتها واعتقد مش ليها عيوب
ماهو كلامك معناه ان الجنس مش غريزه اساسيه فينا زيها زي الاكل بالظبط, كلامك مركز كله ان الواحد بيشوف او يتفرج و ساعتها غرايزه بتتحرك
طيب ماهي غريزه اساسيه فينا كبشر يعني مش محتاجه مؤثرات خارجيه علشان تتحرك , مش شرط يعني
و عيوبها طبعا ان ولا حاجه من كلامك هيتحقق
لا الشباب هيعقل و يمسك نفسه و الاغتصاب يقل و كدا
و العيب الاساسي بتاع الخطوه بتاعتهم دي انها مسمار جحا اللي هيتحكمو بيه في النت علي راحتهم
و بعد ما الواحد كان بيلاقي مجال للتفاعل مع الناس مباشره ( علي عكس التلفزيون مثلا اللي بيعتبر وسيله اتصال وحيده الاتجاه)
و النقاش معاك ممتع و بتمني الناس برضو تشارك
يا جماعه الغرض من حجب المواقع دي مش إصلاح حال الشباب و لكن المحافظه عليه, انا شوفت بعيني اطفال دون سن البلوغ بيتفرجو على افلام إباحيه إيه رأيكم بقه؟ والله العظيم بتكلم بجد و انا الموقف ده مش قادر انساه, بالمناسبه الانترنت ده سلاح ذو حدين ممكن يبقى مفيد جدا و ممكن يبقى هادم, و مفيش حاجه زي دي تدخل بلد زي بلدنا صدفه, الحرب مش بالأسلحه خلاص بدليل موضوع الأطفال الي ذكرتهم و شكرا
نص الهم ولا الهم كله خطوة كويسة
يا جماعة انا ليا رأي ... اذا كانت الحكومة قد قامت بهذه الخطوة بهدف تهذيب و اصلاح احوال الشباب .. فيجب ان تكون هذه الخطوة هي خطوة اولى ضمن برنامج شامل لاصلاح احوال الشباب ... و هنا نسأل الحكومة :
-اين باقي خطوات الاصلاح ؟؟؟
-اين توفير فرص العمل للشباب ؟؟؟
-اين توفير السكن و نفقات الزواج للشباب ؟؟؟
- اين توفير اماكن ممارسة الرياضة للشباب لاخراج طاقة الشباب في الطريق الصحيح ؟؟
- اين قوة القانون الرادعة لمسلسل حوادث الاغتصاب و التحرش؟؟
- اين برامج التوعية الدينية و الاخلاقية للشباب و للبنات ؟؟؟
-اين اشياء كثيرة لا يسع المقام لذكرها هنا ؟؟؟
هذه الخطوة مشكوك في نواياها و كلنا نعلم السيناريو المرسوم بعدها جيدا ... و لكن على اي حال من الاحوال فأنا أؤيد بشدة هذه الخطوة لعل و عسى تصبح دافع للبعض للاقلاع عن الاباحية
يا جماعة انتوا بتعاملوا الحكومة إنهم كلهم كلمة واحدة و أهداف واحدة
أنا فعلا عارف إن فيه إهتمام (حقيقى) فى وزارة الإتصالات بالموضوع ده, و ده فعلا لمنع المواقع الإباحية
يا ريت بقى ماحدش يقول طب و القنوات الفضائية و البطالة و مش عارف إيه!!!
كويس إن فيه خطوة حلوة حصلت, يا ريت ندعمها بدل الهجوم و التشكيك فيها
لا مش هنبطل يا سيدي الفاضل
الخطوه مش حلوه ولا اي حاجه
حتي في هدفها المعلن عنه ( لاستغلال حماسه و سذاجه البعض )
ليه بقي؟!
لأن الهدف المعلن و هو منع المواقع الاباحيه هيكون غير ذو قيمه مادام في قنوات فضائيه بتجيب جنس صريح او متضمن في الافلام سواء الاجنبيه او مؤخرا الافلام العربيه المصريه ده غير الاغاني المصوره اللي مستواها تقريبا كلها بقي منحط اخلاقيا
طبعا البطاله كسبب مش عاجبك ده سبب غايه في الاهميه و التأثير
لو انت عندك شغل تروحه الصبح و بترجع منه كل يوم
لو انت نفسك في الجواز و الاستقرار و بتسعي لتحويش الفلوس اللازمه
هل هيكون اساسا عندك دافع للدخول للمواقع الاباحيه؟!!
اكيد اكيد لأ
الفراغ ذات نفسه مدمر و الرسول صلي الله عليه و سلم حذرنا منه, فمابالك بقي بفراغ زائد بطاله و احساس بعدم قيمه الفرد في المجتمع؟!!
نرجع تاني للهدف المعلن للموضوع ده
هنلاقي انه الهدف و هو منع المواقع الاباحيه لم يحقق نهائيا
الواقع بيقول كده و مينكروش الا جاهل او احمق او واحد بيسعي لاهداف اخري غير معلنه
و الهدف لو فعلا كان منع الشباب من الانحدار الاخلاقي و الحفاظ عليهم بجد يبقي كان في حاجات كتير ممكن تتعمل لو النيه فعلا الاصلاح
محاربه البطاله و توفير فرص عمل جديده
توفير الشقق للشباب ( مش المشاريع التوسعيه زي الرحاب و الشروق و كافه المدن الجديده اللي تحولت من مشاريع سكنيه للشباب الي مشاريع استثماريه لزياده ثروه البهوات اصحاب الملايين و زياده فقر و معاناه محدودي الدخل الشرفاء)
اصلاح اداري اجتماعي
سياده القانون و تطبيقه علي الجميع و اختفاء المحسوبيات و الرشاوي و الفساد
فيا سيدي الفاضل مش بعد كل ده و تحاول توصلنا ان الحكومه بتسعي للاصلاح ﻷنك لو بتعالج مرض فأنت بتحاول توصل لسببه و تحاربه مش بتروح تجري ورا نتايجه و تسيب المسبب الرئيسي
و بعد الكلام ده كله
الخلاصه ان السبب ورا القرار ده هو محاربه الاراء و المجتمع الحر الكامن في الفضاء الالكتروني
هو ده السبب الوحيد
و ارجع لمشاركتي في الموضوع ده و اقراها كويس
اللى بيدخل على المواقع الإباحية يا إما مدمن يا إما هاوى ، المدمن دة اللى عنده هوس يمكن تلاقى الهوم بيج عنده موقع سيكس رسمى ، ودة بقى مش هيأثر فيه الحجب لأنه هيلاقى الموقع محجوب يدور ويدعبس ويدور على حل ولازم يحل المشكلة دى وهتتحل يعنى بس هياخد منه وقت بس مش أكتر وهيرجع تانى يفتح المواقع دى عادى جدا ً.
النوع التانى الهاوى دة مش بيفرق معاه أوى يعنى هيلاقى الموقع محجوب هيكبر دماغه وهيدور على حاجة تانية تشبع رغبته.
المهم يعنى أيا ً كان الحجب دة ولا ليه أى تلاتة لازمة ، سواء كان عندك هوس جنسى أو مجرد عاوز تشبع رغبة جواك وخلاص الحجب مش حل إطلاقا ً.
هى ايه المواقع الجنسية دى أصلا ً يعنى بتعرض ايه !! مش مثيرات جنسية؟ ، هى خلاص وقفت عالمواقع يعنى؟ حاجة غريبة جدا ً ما عندك فيلم حين ميسرة والريس عمر حرب ملىء بالمشاهد المثيرة جنسيا ً ، فين الحجب على دول بقى ؟؟
أى كلام !!
تانى أرجع أقول إن فيه إهتمام "حقيقى" فى وزارة الإتصالات, و دى مالهاش دعوة بالشقق و لا سيادة القانون و لا مش عارف إيه
أنا قلت الكلام ده بناء على معلومات أكيدة, و لو مش عاجب حضرتك, إتقضل هاجم لغاية ما يلغوا الفكرة
لو قدامك فرصة حلوة إستغلها, مش تقول و الله يا إما كل حاجة تبقى زى الفل يا إما بلاش