القضاء الإدارى يقضي بحجب مواقع الإنترنت الإباحية في مصر

**aratux** · 23-05-2009 09:06 AM

المشاركة الأصلية كتبت بواسطة ahmedgen2

اللى بيدخل على المواقع الإباحية يا إما مدمن يا إما هاوى ، المدمن دة اللى عنده هوس يمكن تلاقى الهوم بيج عنده موقع سيكس رسمى ، ودة بقى مش هيأثر فيه الحجب لأنه هيلاقى الموقع محجوب يدور ويدعبس ويدور على حل ولازم يحل المشكلة دى وهتتحل يعنى بس هياخد منه وقت بس مش أكتر وهيرجع تانى يفتح المواقع دى عادى جدا ً.

النوع التانى الهاوى دة مش بيفرق معاه أوى يعنى هيلاقى الموقع محجوب هيكبر دماغه وهيدور على حاجة تانية تشبع رغبته.

المهم يعنى أيا ً كان الحجب دة ولا ليه أى تلاتة لازمة ، سواء كان عندك هوس جنسى أو مجرد عاوز تشبع رغبة جواك وخلاص الحجب مش حل إطلاقا ً.

هى ايه المواقع الجنسية دى أصلا ً يعنى بتعرض ايه !! مش مثيرات جنسية؟ ، هى خلاص وقفت عالمواقع يعنى؟ حاجة غريبة جدا ً ما عندك فيلم حين ميسرة والريس عمر حرب ملىء بالمشاهد المثيرة جنسيا ً ، فين الحجب على دول بقى ؟؟

أى كلام !!

سيادتك أكيد شفت أطفال بيطلعلهم مواقع من دى من غير مايكونوا قاصدين يدخلوها
تفتكر دول المفروض يتسابوا كدة؟؟
الإعلانات اللى بتيجى على الإيميل و يقولك كليك هنا علشان مش عارف إيه و تلاقيه موقع متنيل بستين نيلة, تحب الدنيا تتساب كدة؟؟
أنا عندى أطفال و أكيد مش هامون سعيد إنهم يدخلوا على أى حاجة "بدون قصد" ممكن تخرب لهم تفكيرهم

**hamdy** · 23-05-2009 10:34 AM

المشاركة الأصلية كتبت بواسطة abdo_eldesokey

يا جماعة الخبر مجرد فرقعة إعلامية

وقرارات القضاء الإدارى لا يتم تنفيذها في مصر

طب ما القضاء الإدارى ده قضى بوقف تصدير الغاز المصرى لاسرائيل .. وطبعا ً إحنا سمعنا الحكم لكن التنفيذ بقى حسب مزاج الحكومة

وبالنسبة لحجب المواقع الإباحية فهى خطوة فاشلة 100 %

لو الحكومة خايفة على الشباب بجد يبقى تحارب الفضائيات الي بوظت الشباب ، وتسيب الدعاة يشوفوا شغلهم وميضيقوش عليهم

فهلا هو دا الكلام المزبوط

**bassemali** · 23-05-2009 10:46 AM

ياجماعه أنا هنا في السعوديه من 4 سنين والمواقع دي هنا محجوبه ولا يمكن الوصول اليها الا من خلال برنامج ملعون عاملينه اليهود هو الطريقه الوحيده لفتح تلك المواقع وطبعا وقت تطبيق نظام الحجب ماكانش البرنامج ده إتعمل لكن دلوقت بيحاولوا يتغلبوا عليه حاليا شوقتوا الناس اللي عايزه مصلحة شبابها وبناتها وبلدها بتعمل ايه ......

**AhmedGen2** · 23-05-2009 03:44 PM

المشاركة الأصلية كتبت بواسطة aratux

سيادتك أكيد شفت أطفال بيطلعلهم مواقع من دى من غير مايكونوا قاصدين يدخلوها
تفتكر دول المفروض يتسابوا كدة؟؟
الإعلانات اللى بتيجى على الإيميل و يقولك كليك هنا علشان مش عارف إيه و تلاقيه موقع متنيل بستين نيلة, تحب الدنيا تتساب كدة؟؟
أنا عندى أطفال و أكيد مش هامون سعيد إنهم يدخلوا على أى حاجة "بدون قصد" ممكن تخرب لهم تفكيرهم

عندك حق فاتتنى ، الحجب هيكون إيجابى جدا ً فى حالات معينة زى اللى انت ذكرتها دى.

**amir** · 23-05-2009 03:53 PM

المشاركة الأصلية كتبت بواسطة AhmedGen2

عندك حق فاتتنى ، الحجب هيكون إيجابى جدا ً فى حالات معينة زى اللى انت ذكرتها دى.

في خواص معينه في معظم محركات البحث و برامج التصفح
الخواص دي بتحدد نوع المواد اللي بيتم تصفحها ( عن طريق كوكيز )
و بعد كده بيتم اظهار الاعلانات اللي لها علاقه بالمواد اللي تم تصفحها
اظن بالكلام ده الموضوع بقي واضح قوي و مفيش حاجه تاني تتقال
لو انت بتدخل علي مواقع معينه فابالتالي الاعلانات هتجيلك بعد كده علي نفس المنوال
و بالنسبه للمهندس محمد
اكيد انت و انا و كل واحد فينا كلنا مهتمين بحال البلد عموما و اطفالنا و قرايبنا خصوصا
و دخول الاطفال علي المواقع دي و لو عن طريق الغلط حاجه مكروهه
انما لو اتمنعت علي النت
مش هتفرق كتير
هيفتحو التلفزيون هيلاقو مناظر جنسيه في افلام او اغاني فيديو كليب اقذر بكتير من بعض المواقع المسماه بالاباحيه
و لو تحب فممكن تنزل برامج family filters
البرامج دي بتمنع المواقع المحدده من الظهور و بيبقي ليها باسوورد

**فادى محمد** · 23-05-2009 04:00 PM

+111111111111111111

**amir** · 23-05-2009 08:57 PM

المشاركة الأصلية كتبت بواسطة aratux

و لو حضرتك كتبت إسم موقع و غلطت فى حرف؟؟ مش ساعات بتدخل موقع جنسى؟؟
أ

مش فاهم كلامك بالظبط تقنيا لكن عمرها ما حصلت معايا
نصيحه :
فرمت c: و اعمل اعاده تنصيب للويندوز (لو ليك نفس فيه من اصله)
غالبا الكمبيوتر عندك لو بيعملك اعاده توجيه للمتصفح يبقي عليه العوض في الويندوز ده
و اول ما ينزل الويندوز ادخل علي اي محرك بحث و نزل برنامج انتي فايروس (avg-kaspersky-or anything you can imagine(
و بعد كده صطبه و اعمل سكان للهارد كله
الفكره من عدم تصطيب برامج الفايروسات اللي علي الجهاز عندك انها ممكن تكون مصابه
بس متنساش تعمل تحديث لبرنامج الفيروسات قبل السكان
و ان شاء الله الشكوي بتاعتك تنتهي علي كده