فلتر الهوا الرياضى .... استفسار؟

**running_man** · 26-09-2007 08:39 PM

برجاء من الباشمهندس MMamdouh الرد أنا معايا الأفيو 2006 و موتورها شبه اللانوس اللى مع حضرتك..حجمه أصغر شويه...

بالنسبه لموضوع فلتر الهوا الرياضى ده.....

هل كله مقاس واحد ؟يركب لأى عربية؟

هل فعلا بيحسن الأداءبشكل محسوس؟ يعنى حوالى كام hp؟

أنا ماعرفش الأفيو ram intake وللا cold air intake فهل بيرفع القدره فى الحالتين وللا فى حاجه أحسن من التانيه؟

بيزود ال acceleration بس وللا كمان ال top speed ؟أنا سمعت انه بيكتم السحب شوية في السرعات العاليه؟

و ايه أثاره الجانبية؟ غير موضوع التراب؟

هل المفروض يتغير على فترات أقل من الفلتر العادى؟

هل هيسخن الموتور لأنه بيدخل هوا أكتر فدرجة حرارة الاحتراق هترتفع؟

هل هيزود استهلاك البنزين وللا هيوفر؟ و ليه؟

هل هيقصر عمر الزيت(موبيل1) بسبب التراب اللى داخل؟

وموضوع التراب ده .......لو الزيت اتوسخ و غيرته يبقى أنا نضفت التراب........ ولا بتبقى رواسب مثلا فى الموتور؟

وهل يمكن تجنب موضوع التراب ده؟ ازاى؟

.........مع جزيل الشكر مقدما......... :?:

**HNaga** · 26-09-2007 10:06 PM

انا كمان محتاج حد مجرب الموضوع ده وطبعا المهندس ممدوح خير من يفيدنا
عامة اللى أعرفه وده خاص بالأوبل ان فاتر الهوا الرياضى وفى حالة الأوبل بيرشحوا K&N مفيد فى زيادة الباور حوالى 15 حصان
بس مطلوب برضه حاجات تانية
De-Restrict air box
وتركيب Air-box بتاع الفكترا

بالنسبة للفلتر الرياضى اللى أعرفه انه مش بيتغير لكن بيتنظف كل فترة
هو مش بيستخن الموتور لكن هو بيحسن علمية الإحتراق للإستفادة بكل نقطة بنزبن

اللى مش متأكد منه كل لازم تركيب شكمان جديد او لا؟

الموضوع مش مربط فى دمااغى لكن اللى قريته هو الفلتر و البوجيهات و الأسلاك و الشكمان بيعملوا تأثير رهيب فى أداء العربية

فى إنتظار راى المهندش ممدوح للتوضيح والربط

**MMamdouh** · 27-09-2007 11:49 AM

المشاركة الأصلية كتبت بواسطة running_man

برجاء من الباشمهندس MMamdouh الرد أنا معايا الأفيو 2006 و موتورها شبه اللانوس اللى مع حضرتك..حجمه أصغر شويه...

موتور الافيو هو هو موتور اللانوس بس الافيو تزيد حساس شكمان و كتالتك و حساس كامة

بالنسبه لموضوع فلتر الهوا الرياضى ده.....

هل كله مقاس واحد ؟يركب لأى عربية؟

الفلتر الرياضى مقاسات و اشكال مختلفة... فى الافيو و اللانوس انت مش محتاج فلتر كبير

هل فعلا بيحسن الأداءبشكل محسوس؟ يعنى حوالى كام hp؟

بشكل محسوس دى بترجع لكل واحد حسب عربيتة و سواقتة و طريقة تركيب الفلتر... الزيادة فى عربياتنا الصغيرة دى بيبقى بتاع 3 الى 4 حصان

أنا ماعرفش الأفيو ram intake وللا cold air intake فهل بيرفع القدره فى الحالتين وللا فى حاجه أحسن من التانيه؟

الافيو لا رام ولا كولد اير... دى مسميات طريقة تركيب الفلتر فى العربية

الRAM air intake بيبقى فلتر و ماسورة قصيرة داخل الحوض... ميزتة انه بيبقى مفيش فيه اى مقاومة للهواء و بيدى اسجابة ممتازة على لفات موتور عالية و عيبة انه بيسحب هواء سخن من الحوض فا الاداء بيبقى وحش على لفات قليلة خصوصا لو شغلت التكييف

الcold air intake بيبقى فلتر و ماسورة طويلة ممتدة لحد الفراخ اللى بين الاكسدام و الكارتيرة و بكدة بيسحب هواء بارد و الاداء مبيتاثرش على لفات قليلة بس النظام دة بيبقى فيه شوية مقاومة نتيجة طول الماسورة و الفلتر بيتوسخ اسرع لانة معرض لتراب اكتر خصوصا لو انت شلت غطاء الفوج لايت من الاكسدام

زى ما شفت كل نظام له ميزة و عيب و انت تختار اللى يناسب طريقة سواقتك و استعدادك لتنضيف الفلتر

بيزود ال acceleration بس وللا كمان ال top speed ؟أنا سمعت انه بيكتم السحب شوية في السرعات العاليه؟

الفلتر بشكل عام بيقلل مقاومة الهواء و بالتالى الاداء بيتحسن كل ما لفات الموتور تزيد و بالتالى بيفرق فى السحب و السرعة... ممكن لو ركبت ram السرعة القصوى تقل لان سحب الهواء السخن حيبقى عامل مؤثر بس العربية اللى فيها ram حتوصل للسرعة القصوى اسرع من اللى فيها cold air

و ايه أثاره الجانبية؟ غير موضوع التراب؟

الصوت لو انت مش بتحب الازعاج و التنضيف... بالنسبالى الصوت حلو بس ممكن ناس تانية تشوف انه ازعاج و الفلتر حيحتاج يتنضف كل فترة و دة ممكن يكون موضوع مزعج عند بعض الناس
هل المفروض يتغير على فترات أقل من الفلتر العادى؟

هل هيسخن الموتور لأنه بيدخل هوا أكتر فدرجة حرارة الاحتراق هترتفع؟

لا لان الكونترول بيحس بالهواء الزيادة فا بيدى بنزين زيادة عشان يحافظ على نسبة الهواء/الوقود الصحيحة و بالتالى العربية مش حتسخن

هل هيزود استهلاك البنزين وللا هيوفر؟ و ليه؟

اه و لا

اه لو انت بتحرق بالعربية فبالتالى بقيت دلوقتى بسحب هواء اكتر و مع الهواء الاكتر فى بنزين اكتر و استهلاك اعلى... بس دى ضريبة الاستمتاع بال performance :twisted:

لا لو انت مبتحرقش... بالعكس الفلتر حيوفر بنزين لان دلوقتى الموتور بيتنفس اسهل و بقى محتاج وقود اقل عشان يطلع نفس القدرة اللى انت محتاجة

يعنى من الاخر استهلاك البنزين بقى مرتبط بطرقيقة القيادة اكتر من اى حاجة تانية

هل هيقصر عمر الزيت(موبيل1) بسبب التراب اللى داخل؟

مش عارف :roll:

خلينا نقول ان الافضل انك تجيب فلتر من ماركة محترمة عشان تقلل اى احتمال لتسرب التراب و بعدين لو انت بتغير الزيت فى مواعيدة يبقى مفيش مشاكل ان شاء الله.

انا جايب فلتر صينى عيان و بعد اول 1000 لقيت فى تراب فى الماسورة فا قمت حاطت علية زيت باور عشان يمسك التراب... الماسورة دلوقتى بقت نضيفة بس الفلتر بقى زى الزفت... انا حعرف افك الفلتر و انضفة بس مش حعرف افك الموتور انضفة :lol:

وموضوع التراب ده .......لو الزيت اتوسخ و غيرته يبقى أنا نضفت التراب........ ولا بتبقى رواسب مثلا فى الموتور؟

التراب اللى بنتكلم علية بيبقى ذرات رفيعة جدا مش وى ما انت متخيل... عنى مش حتيجى فى يوم تفك كارتيرة الزيت حتلاقى فى قعرها عربية رمل :D

فلتر الزيت بينقى الزيت من اى شوائب دا غير ان معظم التراب حتلاقية اترسب على جوانب المنافولد انه اتقل من الهواء و مبتحركش بسهولة و جوانب المنافولد مزيتة من خرطوم البخار

وهل يمكن تجنب موضوع التراب ده؟ ازاى؟

اشترى فلتر من نوعية محترمة

.........مع جزيل الشكر مقدما.........

:?:

اى خدمة

MMamdouh

**MMamdouh** · 27-09-2007 12:03 PM

المشاركة الأصلية كتبت بواسطة HNaga

انا كمان محتاج حد مجرب الموضوع ده وطبعا المهندس ممدوح خير من يفيدنا
عامة اللى أعرفه وده خاص بالأوبل ان فاتر الهوا الرياضى وفى حالة الأوبل بيرشحوا K&N مفيد فى زيادة الباور حوالى 15 حصان
بس مطلوب برضه حاجات تانية
De-Restrict air box
وتركيب Air-box بتاع الفكترا

بالنسبة للفلتر الرياضى اللى أعرفه انه مش بيتغير لكن بيتنظف كل فترة
هو مش بيستخن الموتور لكن هو بيحسن علمية الإحتراق للإستفادة بكل نقطة بنزبن

اللى مش متأكد منه كل لازم تركيب شكمان جديد او لا؟

الموضوع مش مربط فى دمااغى لكن اللى قريته هو الفلتر و البوجيهات و الأسلاك و الشكمان بيعملوا تأثير رهيب فى أداء العربية

فى إنتظار راى المهندش ممدوح للتوضيح والربط

فى نوعين من الفلاتر الرياضية

cone filter و دة اللى معظم الناس عارفاه و OEM replacment و دة بيركب مكان الفلتر الاصلى و فى الحالتين الزيادة فى القدرة بتبقى 4 الى 5 حصان مش 15

الفلتر الرياضى بيتنضف مبيتغيرش و فى انواع بتبقى عليها زيت و ليها كيت تنضيف مخصوص اما موضوع الشكمان فا هو حيفيد العربية اكيد بس هو مش مرتبط بالفلتر

MMamdouh

**CryptonX** · 27-09-2007 03:02 PM

الي اعرفو , وأشهرهم هيا K&N
و شوفتو في شارع دمشق ب 430 جنيه ( الفلتر بس )

و في نوع استاذ ممدوح كان قالي عليه اسمه Simota و لقيته عند امبير , ب 130 وانا خادته ب 90 علشان انا زبون عندهم . بس انا شاكك انه سموتا فعلا الصراحة , علشان العلبة بتاعته لا تمت ب simota بصلة . بس هو الطرف بتاعه ستانلس و محفور عليه Simota .

الكيت بتبقى اغلى شوية , بس بصراحة اما مش شايف انك لازم تشتري حاجة غالية اوي , يعني استاذ ممدوح عندك مركب الصيني حتى , لآن ال 3-4 حصنة الزيادة دول مش حيخلو لانوس تطلع من اي حاجة و لا حيخلوا عربية دي بتاعتي 1300 تقرب من اي سيارة 1600 .

بس 50% الصوت الي بعتبره جميل بعد تركيب الفلتر , 40% اقتناع نفسي ان عربيتك بقت احسن , و 10% اداء زايد فعلا :)

انا ببالغ طبعا , ده رأي الشخصي .

**MMamdouh** · 30-09-2007 11:51 AM

المشاركة الأصلية كتبت بواسطة Adham

اعتقد ان الفرق بيبقى نسبة من قوة العربية يعني لو العربية 80 حصان و ادالك 4 حصان فبالتأكيد لو العربية 150 حصان فاحيديك 7 او 8 حصان

1+

انا ليا سؤال: حد جرب الفلاتر دي على عربيات 4*4 و هل السعه اللترية الكبيرة للمواتير دي و القوة الحصانية العالية و الاحتياج لسحب كمية هواء كبيرة محتاج حجم معين من الفلاتر الرياضية و للا هل بتنفع؟؟

اكيد حتحتاج فلتر اكبر بكتير من العادى لان السعة اكبر بكتير... بس خلينا نفكر كدة هل العربيات ال 4*4 عربيات اداء عالى عشان تحتاج فلتر؟

هل هى بتشتغل فى ظروف تسمح باستعمال فلتر بيسمح بنسبة اعلى من الطبيعى للاتربة بدخول المحرك؟

MMamdouh

-

الموضوع: فلتر الهوا الرياضى .... استفسار؟

LinkBack

أدوات الموضوع

عرض

-

Re: فلتر الهوا الرياضى .... استفسار؟ -

-

-

المواضيع المتشابهه

فلتر الهواء الرياضى

سؤال عن فلتر الهواء الرياضى

استفسار عن معاد تغيير فلتر الهوا والبنزين

فلتر الهواء الرياضى هيجننى !!

فلتر الهواء الرياضى

الكلمات الدلالية لهذا الموضوع

المفضلات

المفضلات

ضوابط المشاركة