اقتباس:
طيب يا جماعة مش ممكن كده يكون الكنترول يونت بتاع العربية سجل خطأ معين مثلا انه حس ان الفيشة اتشالت علشان التلامس اللي حصل فكده اللمبة نورت
هو فعلا سجل خطأ .....وأحتفظ بيه فى ذاكرته .....والخطأ مش أن الحساس أنفصل ....ولكن أعتقد خطأ فى عملية التحكم نفسها .....وتحليلى اللى جاى اقتباس:
بس مش ممكن يكون الكنترول يونت قرأ الحساس غلط
الكنترول قرأ فعلا أن الحساس شغال ....وزى ماتكون البوابه على أقصى وضع فتح (لأن الميه لما وصلت الطرفين ببعض بقوا 5 فولت اللى رايحين كأشاره لوحدة التحكم .......هما مش 5 بالظبط أأقل شويه ....يعنى أربعه وكسور ).......والوضع ده بتاع أقصى وضع فتح للبوابه............وكده حصل خلل فى عملية التحكم وأعتقد ده العيب ( خطأ فى عملية التحكم )..............أزاى _ وحدة التحكم الأشاره راحتلها بتاعة أقصى فتح للبوابه .......وأدت بنزين كتير .............
_ مع العلم أن الهواء اللى داخل شويه على البنزين (لأنه داخل من بلف الأيدل فقط مش من البوابه )...........وبكده كان الخليط غنى جدا ......وعلشان كده السرعه كانت مش مظبوطه .......تعلى وتوطى ....لحد ما الميه نشفت بالتتابع......وتلاقى درجة التوصيل بين السلكين كانت بتقل كل شويه ( مع نشفان الميه ) طبعا الفيلم ده جوه الفيشه بتاعة الحساس......علشان السرعه كانت بتقل.....................
اقتباس:
لاني سمعت ان في بعض الأوقات عند فصل أي فيشة لأي حساس الكنترول بيسجل خطأ
ده صح اقتباس:
و لما توضع الفيشة يزول الخطأ ( تطفي اللمبة ) ولكن قراءة الحساس بتكون مش مضبوطة
ده نص ونص .......لما بتحط الفيشه اللمبه بتطفى فعلا........ولكن الخطأ بيتم تسجيله فى ذاكرة وحدة التحكم ......لحد مانطلعه بالأسكانر........وحتة قراءة الحساس بتتوقف على أن الحساس كان شغال كويس ولا لا ....._ لو كان شغال تمام ......فمفيش مشكله وأشارته حترجع طبيعيه عادى جدا ولكن عيب فصله مسجل زى ماقولنا بسبب فصله السابق......
_ ولكن لو كانت أشارته ماكنتش مظبوطه أساسا .....حتفضل مش مظبوطه .....لحد مانغير الحساس نفسه