مبنحسش بقيمة الحاجة غير بعد فوات الأون
النهاردة عند مطلع كوبري العمرانية شفت منظر:N_no[1]:
لقيت ميكروباص الناس ملمومة حوالية وطالع منه دخان من كل حتة
ولا كإنه محطوط بيتشوي عالفحم
كان منظر فظيع فعلا:B4_556::B4_556:
وحسيت انه خلاص علي وشك الإنفجار... وصوت طقطقة جمدة من كل حتة فيه
الراجل السواق كان عمال يدور علي اي طفاية مش لاقي
وقف حواليه فوق العشر ميكروباصات
وهو بيجري زي المجنون
ياناس طفاااااااااااااااية...أكل عيشي:stink[1]::stink[1]:
ولاحد معدي كان معاه طفاية
بصراحة كان صعبان عليه جدا جدا
بس من جوايا كنت عاوزة اقله احسن عشان تبقي تعرف بقيمة الطفاية
بس سكتت شوية واتكسفت من نفسي أوي
اصلي افتكرت ان انا كمان طفايتي في الضياع
إحنا شعب كدا
مبنحسش بقيمة الطفاية غير بعد الحريقة
ولا بنحس بقيمة السرعة المقررة والرادار غير بعد أول حادثة
ديما مبنفهمش غير لما بتكون it's too late
ومبنتعلمش من أخطاء غيرنا
لا لازم الواحد تحصله مصيبة عشان يفكر أنه يبتدي يتعلم