محافظ القاهرة يصرح بخلط لحوم الخنازير بمنتجات اللحوم!!!

لسه من حوالي 10 دقايق شوفت في برنامج العاشرة مساءا للجريئة في الحق منى الشاذلي تصريح خطير عن محافظ القاهرة ان لحوم الخنازير يتم خلطها بمنتجات اللحوم البقرية مثل اللانشون وغيره من اللحوم المفرومة والمصنعة من قبل ظهور مرض انفلونزا الخنازير
وفي سؤال وجهته للدكتور عبد الله البدوي وكيل وزارة التموين نفى ده في مافظة الجيزة وبعدين رجع ونفاه على مستوى مصر
يا ترى نصدق مين
طبعا مفيش دخان من غير نار
ومحافظ القاهرة شخصية لا يستهان بها
انا سجلت جزء من اخر الحوار بين منى الشاذلي ودكتور عبد الله على الرابط التالي
http://www.myoneplan.net/images/10masaa.rar

وحسبي الله ونعم الوكيل

اهلا وسهلا

يعنى على كده ممكن الواحد يكون كل 50 خنزير على سهوه وهو مش عارف

انا اساسا مبحبش اللانشون ده

وعمرى ما بدخله البيت لانى كنت سمعت زمان انه بيبقى فيه فيران فى المكن اللى بيصنعه وبيكسلوا يطلعوه

انما خنازير ربنا ينتقم منهم

لا حول و لا قوة الا بالله العلى العظيم.

يعععععععععععععععععععع

لا حول ولا قوه الا بالله يعنى دوله مسمله يحصل فيها كدا!!
انا اصلا مش باكل الانشون خااالص
بس الامر لا يسلم من البرجر و السوسيس و الكفته !!!دول كمان فيهم ايه!!

انتوا اكيد بتهزروا
ازاي الكلام ده يحصل ؟
ده تهريج .............امال وزاره الصحه بتفتش علي المصانع ازاي
و بعدين انا سمعت اشاعه ان لحم الخنزير لا يمكن خلطه باللحوم الاخري لانها عند طهيها تنفصل عنها اي لا تمتزج بها - مش عارف - ده تخريف وللا ايه
ربنا هيحاسب السبب
انا عن نفسي معنتش عارف اكل ايه .........فراخ انفلونزا الطيور
لحوم ابقار جنون البقر ......سوسيس و هوت دوج و لانشون .....لحم خنازير
العيش الحاف لسه قايلين انهم مستوردين قمح مسرطن من روسيا
قولولنا ناكل ايه ؟

رأي الشخصي ان دة كلام غير منطقي لان في حاجات ارخص و اسهل يغشوا بيها اللانشون و البولوبيف و الله اعلم.
المصيبة هتكون علي مرضي السكر لان الانسولين الي هو علاج مرض السكر المستديم بيوستخرج من كبد الخنازير و طبعا بعد انفلونزا الخنازير في العالم كلة سيتم اعدام اعداد كبيرة من الخنازير, و طبعا الانسولين هيغلي جدا.

حسبي الله ونعم الوكيل

بس محافظ القاهرة ( بناءا على كلام منى الشاذلي) مش هيقول كلام خطير زي من فراغ
انا عن نفسي عندي اكل طيور بانفلونزا الطيور ومش اكل خنازير سليمة

دي تبقى مصيبة

اقتباس:

---

المشاركة الأصلية كتبت بواسطة smax

رأي الشخصي ان دة كلام غير منطقي لان في حاجات ارخص و اسهل يغشوا بيها اللانشون و البولوبيف و الله اعلم.
المصيبة هتكون علي مرضي السكر لان الانسولين الي هو علاج مرض السكر المستديم بيوستخرج من كبد الخنازير و طبعا بعد انفلونزا الخنازير في العالم كلة سيتم اعدام اعداد كبيرة من الخنازير, و طبعا الانسولين هيغلي جدا.

---

مصر وسوريا فقط هما اللي بيعدموا الخنازير.
منظمة الغذاء العالمية اساساً معترضة على اعدام الخنازير في مصر. العالم كله مستغرب اننا اعدمنا الخنازير.

انا لا استبعد اي فضيحة اخلاقية و دينيه للمسئولين في البلد دي:B4_039::I_angr1[1]:
بس ممكن تعرف لحم الخنزير ببساطه يا جماعة:S_thum1[1]:
سيبك من اللون او غيره
هوا ببساطه لحمه بدون نسيج يعني اي لحم ممكن تقطعه زي الفتل - القماش- كده
ما عدا لحم الخنزير قطعة واحده زي السمك كده
و بكده مش ممكن تتلخبط :rolleyes2:الا لو كان مفروم اكيد مش هيبان:stink[1]:

لا حول ولا قوه الا بالله ....
انا اساسا مش باكل لحمه خاااااااااالص (والى يشوفنى هيعرف كده على طول)..
بس كنت باكل لانشون ...
هبطل اكل لانشون ...
يا ترى ماكلش ايه كمان انا قربت اختفى !!

اقتباس:

---

المشاركة الأصلية كتبت بواسطة khaled Ayman

لا حول ولا قوه الا بالله ....
انا اساسا مش باكل لحمه خاااااااااالص (والى يشوفنى هيعرف كده على طول)..
بس كنت باكل لانشون ...
هبطل اكل لانشون ...
يا ترى ماكلش ايه كمان انا قربت اختفى !!

---

إيه ده مكنتش أعرف إنك نباتى !!

اقتباس:

---

المشاركة الأصلية كتبت بواسطة Relentless_mayhem

إيه ده مكنتش أعرف إنك نباتى !!

---

و مين قال يا باشا انى نباتى ؟؟
حتى الخضار مش باكله !!!
انا مش عايز اطول فى الكلام عشان مقلبش الموضوع طبيخ بس ملخص الكلام انى عايش على الشيبسى و الحاجات دى و الوجبات السريعه (فراخ بس)..
و عصير رانى !!!!!!خوخ
ووزنى 45 كج (انا 18 سنه على فكره)..

هههههههههه ايه رأيك

و انا اقول الرجالة مالها دلوقتي سايبين الستات تلبس زي ماهي عايزة و تعمل اللي هي عايزاه .. الله يرحمك يا رجولة .. الغيرة انتزعت من قلوب الرجال .. كل دة من اكل لحمة الخنزير .. ماهو البني ادم له نصيب من صفات الاكل اللي بياكله .. و حسبي الله و نعم الوكيل في اللي بيغشونا

لا حول ولا قوة الا بالله احنا ناقصين قرف ربنا ينتقم من كل واحد خلط لحوم خنازير ويحمله ذنب كل واحد اكل منها

اقتباس:

---

المشاركة الأصلية كتبت بواسطة nazaryia

انتوا اكيد بتهزروا
ازاي الكلام ده يحصل ؟
ده تهريج .............امال وزاره الصحه بتفتش علي المصانع ازاي
و بعدين انا سمعت اشاعه ان لحم الخنزير لا يمكن خلطه باللحوم الاخري لانها عند طهيها تنفصل عنها اي لا تمتزج بها - مش عارف - ده تخريف وللا ايه
ربنا هيحاسب السبب
انا عن نفسي معنتش عارف اكل ايه .........فراخ انفلونزا الطيور
لحوم ابقار جنون البقر ......سوسيس و هوت دوج و لانشون .....لحم خنازير
العيش الحاف لسه قايلين انهم مستوردين قمح مسرطن من روسيا
قولولنا ناكل ايه ؟

---

ناكل فى نفسنا :biggrin:

اقتباس:

---

المشاركة الأصلية كتبت بواسطة khaled Ayman

و مين قال يا باشا انى نباتى ؟؟
حتى الخضار مش باكله !!!
انا مش عايز اطول فى الكلام عشان مقلبش الموضوع طبيخ بس ملخص الكلام انى عايش على الشيبسى و الحاجات دى و الوجبات السريعه (فراخ بس)..
و عصير رانى !!!!!!خوخ
ووزنى 45 كج (انا 18 سنه على فكره)..

هههههههههه ايه رأيك

---

45 كيلو ازاي؟!!

كده خطر عليك. لازم تشوف اخصائي تغذية. ولازم كمان تتمرن عشان تكون الحد الأدنى من العضلات. التمرين ورفع الاوزان بالنسبة لك علاج ضروري
وليس للمنظرة كباقي الشباب.

اقتباس:

---

المشاركة الأصلية كتبت بواسطة itsonlyme

45 كيلو ازاي؟!!

كده خطر عليك. لازم تشوف اخصائي تغذية. ولازم كمان تتمرن عشان تكون الحد الأدنى من العضلات. التمرين ورفع الاوزان بالنسبة لك علاج ضروري
وليس للمنظرة كباقي الشباب.

---

ايوه مهو ده الى انا بعمله حاليا بس بصراحه مروحتش لدكتور
انا روحت جيم
بس بطلت عشان الوقت مش مساعدنى..
بس متخافش
انا شغال يعنى بمشى و كده
انا والله عايز اركب عداد فى رجلى عشان احسب انا بمشى اد ايه فى اليوم ههههههههه
و شكرا يا باشا على اهتمامك ...

اقتباس:

---

المشاركة الأصلية كتبت بواسطة khaled Ayman

ايوه مهو ده الى انا بعمله حاليا بس بصراحه مروحتش لدكتور
انا روحت جيم
بس بطلت عشان الوقت مش مساعدنى..
بس متخافش
انا شغال يعنى بمشى و كده
انا والله عايز اركب عداد فى رجلى عشان احسب انا بمشى اد ايه فى اليوم ههههههههه
و شكرا يا باشا على اهتمامك ...

---

ربنا يرزقق بالصحة والعافية

حسبي الله و نعم الوكيل
اللهم ان نبت في جسدي مما حرمت على

فأسألك باسمك الأعظم الذي الذي رفعت به عرشك و خلقت به أدم و حبيبك محمد

أن تنتقم ممن فجر في أرضك و خان أمانتك و أعان على معصيتك

و أدخل في أجسادنا ما حرمته في كتابك و ما اتقيناه خشية اغضابك

اللهم صب غضبك عليه و أذقه هوانا ما بعده في الدنيا هوان

و احشره مع من أعانهم علينا يوم يقوم الحساب

و اغفر لنا ما لا نعلم ولا نقصد ومالا نستطيع دفعه

و أخرجنى و أهلي من هذه البلد الظالم أهلها

و أقبضنى على الإحسان يا أرحم الأرحمين