الموضوع: رأيكم ايه؟؟

اولا اشكركم على ردودكم وجزاكم الله كل خير
ثانيا في اوكتافيا ايه 5 موديل 2008 في الوكيل لون اسود وفضي شامبين ب 138 الف والفروق بينها وبين الايه 4 اللي ب 120 الف بالظبط الاتي
اير باج زيادة للراكب الامامي
4 سماعات ... الايه 4 فيها 2 بس
والفرق الجوهري طبعا هو الشكل والاتساع الخلفي في الايه 5
انا مش بقول ان الايه 5 متستاهلش ال 18 الف الزيادة بس ماظنش اني هقدر ازود الفرق ده والحمد لله طبعا
بالنسبة للبدائل اللي كنت بفكر فيها .. انا عمري مفكرت في جين 2 او اوبترا او نيسان صني ولا حتى الالنترا مع احترامي لرأي الجميع بس دول كلهم لا يقارنوا بالايه 4 خاااالص
اما التريوس عيبها سحبتها وحشة جدا مقارنة بوزن العربية كان لازم الموتور يكون 1.6 على الاقل
انا كنت بفكر مثلا في بيجو 207 على اساس انها فرنساوي وعربية معمرة بتفضل محتفظة برونقها لسنين طويلة على عكس اغلب العربيات الكوري والياباني
او المازدا 3 المانيوال الكاملة ب 112 الف
السيراتو فكرت فيها جديا بس برضه برجع اقول لنفسي الاوكتافيا سمعتها اقوى بكتير مش بس في مصر
The German automobile TV show Auto, Motor und Sport compared the Škoda Octavia with its cousin, the Volkswagen Golf Mk5, and concluded that the Škoda Octavia was slightly better than the Volkswagen Golf owing to a little more interior space and other specific ergonomics, better build quality, better drivability, and a lower price.
In their 2006 survey, the British automobile magazine and TV/radio show Top Gear placed the first-generation Octavia into 3rd place, and described it as a "masterpiece of dependability".
الناس بره بتقارن الاوكتافيا بالجولف والبيجو 307 والفورد فوكس
عشان كده سعر الايه 4 ده مشجع جدا
ميهمنيش اوي الشكل على قد ميهمني ان العربية ممكن تعيش معايا 10 سنين محتفظة بحالتها
انا بس عاوز اعرف كام حاجة كده عن الايه 4...
هل سحبها وحش لدرجة تخنق يعني في المشي العادي ؟؟؟ ولا بس للناس اللي بتحب الشد ... اصل انا مش بتاع شد وحرق فدي حاجة مش هتفرق معايا
هل الايه 5 اوسع بكتير من الايه 4 ولا حاجة بسيطة ؟ مجتليش فرصة اقارن بينهم بصراحة بس ناوي اروح الوكيل اتفرج ان شاء الله قريب

انا هقولك حاجه فى موضوع السحب دة
انا كان معايا لانوس S زيرو مانيول كنت بشد وبحرق بيها لغية 175 بس كانت عاجبانى فى الشد الاول بس تجميعا بعد ال 100 زى الزفت
بعتها واشتريت A4 اوتوماتيك 2003 والحمدلله ربنا كرمنى فى عربيه حالتها كويسه
اول ماطلعت بيها حسيت انى بجر بيت وراياااا العربيه تقيله جدا
ظبط الفلاتر والبوجيهات وكام حاجه كدة بقت معقوله بس بردة مش زى الانوس بس بعد ال 100 حاجه مختلفه تجميعا ماشاء الله
بص بصراحه انا لما ادوس على البنزين بتستجيب معايا جدا يعنى سحبتها مش وحشه فى الاول هدوس هتيديك الى انت عايزة و زيادة
وعلى العموم المانول هيفرق كتير اوى عن الاوتوماتيك
وربنا يكرمك للصح ويبركلك فى اى حاجه تجبها

السلام عليكم

يا ريت لو حد ممكن يساعدني في شراء عربية اوكتافيا a5 مانيوال كاملة موديل 2008 حالة كسر الزبرو بضمان ارتوك (الوكيل في مصر)

وجزاكم الله كل خير