انا اسف جدا يا جماعة لأني حكمت على الزيت بسرعه النتيجة بعد تجربته اكتر من اسبوع ان الصوت رجع تاني وزيادة عن الاول بكتييير :b4_556: وبلاش تجربة يا كاريكا لحسن تدعي عليا انا قولت اقولكو عشان محدش يجربة ويزعل
اللهم بلغت
عرض للطباعة
أرجو الرد
البولونيز موديل 1991 أو 1992 الشكل الجديد تعمل في حدود كام لو حالتها كويسة
http://http://www........cars.com/Im...580qnftngq.jpg
أرجو الرد
بولونيز موديل 1991 أو 1992 الشكل الجديد لم ترش دواخل تعمل في حدود كام
http://http://www........cars.com/Im...580qnftngq.jpg
حسب الحاله يعنى لو جبت حاله نضيفه وفابريكا برا وجوا هتعمل 18 وطالع
شوف بقى اللى راشه برا بس البويا نضيفه تنزل الف لو محتاجه سمكره ودوكو تشوف تكلف كان وتنزل (وبتنزل اكتر من اللى هتدفعه ) لو الموتور محتاج شغل عفشه وهكذا
انت تشوف الحاله وتبدأ تحدد السعر
انت معاك كام للعربيه واحنا نقولك ايه افضل موديل بحاله تجيبها
أولاً: اعذروني إني غبت عنكم فترة و ده لأن والدي كان مصمم يبيع العربية
بس ربنا ستر و الحمد لله رجع في كلامه بعد ما الميكانيكي أقنعه
خصوصًا إنها ماكانتش هتجيب سعر كويس لمجرد إنها "بولونيز" فقط لا غير
إللي عندي ودنين يا سحس
دخل لسانك جوه يا كاريكا :d
مبروووك يا ريس
بس لازم لازم لازم تورينا الصور
أهلاً بيك يا ناجي
و إيه يعني صفر في العربيات؟ كلنا كنا أصفار و اتعلمنا
بالنسبة للبولونيز موديل 92 المفروض يكون سعرها 19 ألف أو 20 ألف لو فابريكة دواخل و موتورها سليم و مش محتاجه شغل
و لو فيها حاجات محتاجة تتعمل تخصم من تمنها
الكلام ده لو عايز تدفع حق العربية
إنما بقى شغل السوق المصري آخرها 15 ألف لو سليمة
و لو فيها مشاكل تنزل عن كده كمان
و بالطريقة دي مافيش واحد معاه بولونيز حالتها كويسة هيبيعها بالسعر المخزي ده
و إللي هيقبل بالسعر ده يا إما مضطر يا إما بلاوي الدنيا فيها و عايز يخلص منها
لو قارنت سعر البولونيز موديل 91 و 92 بسعر الشاهين موديل 95 و 96 1300 سي سي أو 1400 سي سي مش 1600 سي سي زي البولونيز
هتلاقي السعر ممكن يوصل للضعف
طب إيه السبب؟ مش عارف
هو السوق كده
موديل 91 تقل ألف جنيه عن الـ 92
و الموديلين 1600 سي سي
الفرق بينهم في وش العربية الأمامي و شكل الأكصدامات
أنا أقصد إن الفرق مش مستاهل
أهم حاجة تكون الأساسيات سليمة ثم آلات جر سليمة ثم موتور سليم
لو العربية راشة جوه سيبها (ربنا يبعد عننا الحوادث)
لو آلات الجر على قدها هيطلع عينك و بالذات الكورونة صوتها صداااااااع و سعرها غالي و اسأل كاريكا و سحس
أما بقى لو الموتور مفوت فده حله طقم شنبر أو عمرة كاملة على حسب الحالة بس ممكن تمشي بيه على حاله لغاية ما تعمله
لو في أي استفسارات تانية أنا تحت أمرك
مش هنبيع إن شاء الله
أنا أصلاً مش عايز نبيع العربية و يا رب ما نبيعها
يكفيك شرف المحاولة
و على الأقل إحنا كمان مش هنجربه
أنت حقاني يا كاريكا
أنا سمعت شوية أرقام تقرف في اليومين إللي فاتوا دول
الحمد لله انك مش هتبيع كنت هزعل اوى .... الف مبروك
ألف شكر علي الرد يجماعة وجزاكم الله خيرا