شكرا يا غالي على الإقادة
عرض للطباعة
السلام عليكم ورحمة الله وبركاته أصحاب الرابطة الكرام أحب اقولكم ان مشكلة المارش الحمد لله اتحلت وسوف اكتب لكم تجربتي حتى يستفيد منها الجميع بإذن الله وقبل ان ابدأ أحب أن اشكر كل من ساعدني في حل المشكلة
( المشكلة بدأت منذ شهور كنت بعد مشوار طويل ابطل العربية واجي ادور مفيش حاجة خالص الكونتكت ينور ومفيش اي صوت تكة ولا الهوا استنى شوية كتير وبعدين احاول معاها تدور بدأت خطوات العلاج بعد معرفة ان سبب ذلك هو اوتوماتيك المارش المهم فكيت وركبت اوتوماتيك استيراد ومششيت مشوار عادي على امل انها خلاص اتصلحت بطلت وجيت ادور لقيت صوت تكة ومفيش درواة الموضوع كان وهيه سخنة المهم رحت للافندي الكهربائي حل تاني وقالي كان في سلك بيسخن جنب الشكمان وبيشربن وبيفصل انا ظبطته قلتله شكرا وطبعا كل شوية ادفع فلوس المهم مشيت ونفس المشكلة زي ما هية رحت لواحد تاني غيره فك وقالي فيه صاجة بتاعت الفتيس بتعض في الاوتوماتك وبيعلق روح للميكانيكي خليها يشيلها او يغيرها روحت للميكانيكي استغرب قالي ملهاش دعوة للمهم قلت اتعامل مع الوضع كده وخلاص واثناء ما انا بدور في النت عن المشكلة قريت عن حاجة اسمها كتاوت تقوية للمارش روحت لكهربائي جديد قلتله عايز اركب كتاوت تقوية بدون شرح للمشكلة قالي حاضر ركبت الكتاوت وشتغلت تمام جربتها كذا مرة الحمد لله تمام فاضل مشكلة رائحة العادم مع السرعة لما تتحل هنقل التجربة باذن الله
النتيجة واللي استفتدته كلاتي : التشخيص السليم يؤدي إلى علاج سليم وفيه فايدة كويسة تانية ان 6 اكتوبر قلما تلاقي حد صنايعي بيفهم خلو بالكم
وشكرا للجميع
تحياتى للجميع و كل عام و حضراتكم بألف خير
اسمحوا لى أن أسأل الأخوة عن واقعة حدثت معى و هى ان السيارة بعد سرعة 70 كم فى الساعة بدأت "تنتش معايا و تترج " و طبعا نزلت بالسرعة تحت السبعين و بعد ما وصلت و خلصت مشوارى بفضل الله قمت بفك البوجيهات و صنفرتها و تركيبها تانى , و قمت بحل البيكيهات و تنضيفها و مشيت بالسيارة تانى , لكن مع الأسف تكرر العيب
فكرت فى أن المشكلة ممكن تكون فى الكربيراتير أو طلمبة البنزين
ياريت اسمع مقترحاتكم .... و لكم منى خالص ىالشكر
مشكلتك يا mahdymegahed ان عوامة البنزين داخل الكربراتير مستواها منخفض علشان لما بتدوس العربية بعد ال70 بتنتش لانها بتحتاج كمية بنزين اكبر
راجع مستوى عوامة الكربراتير و ان شاء الله سهلة
السلام عليكم ورحمه الله وبركاته اخى العزيز اكشف على اسلاك بوبينه التكرير ممكن تكون بتهرب كهرباء اواسلاك الكهرباء الموصله من البوجيهات الى الاسبراتير لان هذا العطل حدث معى وكان تهريب كهرباء وانا اكتشفته شخصيا وقمت بأصلاحه
شكرا يا جماعة للاهتمام و الردود السريعة و اعتبرها فرصة جيدة لتبادل الخبرات
بداية أنا لاحظت ان خرطوم البنزين الواصل من ال " طرمبة " مسرب بنزين و قمت بربطه جيدا , أما بخصوص اقتراحات حضراتكم فأضيف الآتى :
أولا : أنا استبعدت مشكلة الأبلاتين و الكوندنسر لأنى قمت بتغييره و تكرر العيب
ثانيا : أستبعدت الكابلات باعتبار أن الكابلات لو بتهرب كهرباء فالعيب ممكن يظهر مع أى سرعة بدلا من ظهره مع السرعات العالية
ثالثا : يبقى مشكلة البوبينة و الكربيراتير و أنا اميل للكربيراتير , و لكن أفضل اننا نحاول مع بعض شرح طريقة مبسطة للتعامل مع الكربيراتير و حل مشاكله لأنه من الأجزاء الفنية فى السيارة و عادة بنخاف نتعامل معاه و نلجأ دايما للصنايعية اللى بيتعاملوا معانا أحيانا و كأننا بنشحت منهم - مع الأسف
عايز اسأل عن تكلفة سمكرة العربية و عي فيها بدايات بارومة في السقف و تكلفة الرش ؟
يا جماعه عندي بولونيز 88 فابريقة بركه بالكامل هبيعها لظروف السفر كا حاجه فيها جديده مطلوب 19 الف نهائي للجادين تليفوني 01220285892