تشيل إيه ياراجل ياطيب:10_1_102v[2]:
سيبها تهوى على وابور الزلط اللى وراها:Oc_sun1[1]:
عرض للطباعة
السلام عليكم شباب
عايز أعرف من فين أجيب الـ 4 كارتيرات إللي فوقت العجل علشان لما اشتريت العربية اكتشفت إنها بدون كرتيرات، وخصوصاً احنا داخلين على فصل الشتا والطينة والمياه ممكن تسرح في العربية
وجزاكم الله خيراً
عربية قمة فى الأحترام البولونيز لأن انا معايا واحدة الصراحة العربية دى احنا عندنا شاهين كل اللى يشوف دى يقول دى برقبة الشاهين وانا فعلا مقتنع بكدة بعد الثبات الغير متوقع على 150 غرزة فى منزل كوبرى وغرزة غبية جدا والعربية مزحفتش وكان اخويا كان واخد العربية مرة ودخل فى رصيف على 60 الرصيف رحل من مكانه ودى الرفرف اتعوج سنة بسيطة .
كارتيرات إييييييييييه يا أستاذ عمرو اللى عاوز تشتريها ؟!!! :O_stupid[1]:
يا باشا دووووووس ولا يهمك من شتاء ولا صيف :beatdeadhorse5:
البولونيز بتاعت بلدها أم الصقيع والثلج والأمطار فى بولندا نفسها نازلة من غيرها وأخرها دلايتين جلد ورا العجلات الخلفية لزوم الطرطشة :3mla:
عاوز تركب كارتيرات فى مصر اللى مافيهاش شتاء من أصله وبتمطر كل سنة مرة
ولما تبقى تمطر يا سيدى والعربية تتعجن خدها أعفنها بنزينة فى البلد وافتح عليها مسدس المياه ولا يهمك على ضمانتى :s1[1]:
يافندم لو عاوز تدلع العربية فى الشتاء وخايف من المطرة اشتريلها جوز مساحات جداد أو حتى كفاية كاوتش مساحات جديد بـ10 جنيه وحلو أوى على كده :satelite:
ههههههههه
ممكن أعرف ارتفاع العربية المناسب عن الارض لان العربية عندى عالية جداااا
وبتعوم على الطريق مع السرعة
أرجوكم افيدونى يا اهل الخبرة
لانى خايف من العومان دة و خايف اوطيها عند عفشجى زيادة عن اللزوم السيارة تحك مع المطبات
يا باشا زبط عربيتك على حسب مزاجك
فيه ناس بتحب تعليها زيادة عن اللزوم عن طريق تركيب كاوتش فوق اليايات او السوست الأمامية وبعدين ترفعها من ورا عن طريق تقويس اليايات الورقية ودول غالبا اللى بيحبوا يشيلوا حاجات كتيييييييير وأوزان فى العربية يعنى من الآخر عاملينها عربية نقل مش ملاكى
وناس تانية توطيها ع الآخر عن طريق قص لفة من السوست الأمامية وفرد اليايات الورقية فى الخلف ودول بقى هواة الجرى والغرز والتجنيط والتفحيط عشان يقضوا على التعويم
إنما يبدو إن حضرتك لا من دول ولا من دول
إذن خير الأمور الوسط
مع انى ماركبتش العربيه دى ولا املكها
الا انى بحترمها جدا