شكرا اخى زيكا على ردك لكن انا من ضمن المصاريف دى شيكت على العفشة وظبط زاوايا وعملت البارومة والعربية نضيفة وحلوة وعجبانى بس حكاية ال140 دى انا كنت عاوز اجيب اخر الموتور لكن انا كبيرى بمشى 90 او 100 وامبارح وانا رايح السويس كان الطريق فاضى وسايستها جابت ال140 وحاولت اجيب ازيد من كدة مارديتش المهم حصل معايا حاجة وانا رايح الشغل الصبح لما اجى اهدى على الاولانى او اتانى واشيل رجلى من على البنزين العربية تبطل من وهى ماشية اروح مدور مارش وهى ماشية وادوس سنة بنزين تمشى كويس ولما وقفت وبعد مشوار طويل وبطلتها جيت ادورها لازم ادوس سنة بنزين علشان تدور مع انها سخنة من المشوار وجربتها كذامرة لازم ادوس سنة بنزين وانا بادور وبعدين لما بردت خالص دورتها بقت تدور منغير مادوس بنزين يعنى مجرد مادور مارش تشتغل من غير ماحط رجلى على البنزين وفيه ملحوظة تانية العربية بتترج وهى دايرةوواقفة ولما ادوس سنة بنزين تثبت وتبطل رجرجة والارابى ام بين صفر والعشرة عن الستة كدة مش عارف هل الكهربا واطية ولا بيك السلانسية مسدود ولا ايه افيدونى افادكم الله وفيه ملحوظة اقولها لاخى زيكا انا لو فكرت ابيع العربية ان شاء الله سوف اقول للى هبيعهالة على قصتها بالكامل وانا كاتب كل حاجة عندى فى اجندة لانى هاروح فين من ربنا لو ضحكت على حد زى مضحك عليا والله العظيم لو هبيعها برخص التراب افضل لى من ان اغش احد لانه ساعتها هكون بضحك على نفسى مش على حد تانى ويارب كل واح بيبيع عربية يقول اللىفيها ويخسر شوية فلوس احسن مايقى غشاش فمن غشنا ليس منا خلى بالكو ربنا مابيسيبش والسلام عليكم ورحمة اللة وبركاته
المفضلات