مشكلة بسيارتي الشارك

**superhacker** · 13-05-2009 08:35 PM

انا عندي لانسر 2008 الشارك وحصلتلي مشكلة غريبة أوي فجأة ظهرت علامة الموتور ومفيش سحب وكأن العربية مفيهاش بنزين حصلت كذا مرة وساعات الموتورز يهز جامد جدا والعربية تكركر وابطلها ربع ساعة وبعدين ممكن تشتغل عادي فاروح للميكانيكي قاللي ده سنسور و شكمان لأن العادم بيطلع ناي من الشكمان وواحد تاني قاللي العيب من الكمبيوتر بتاع العربية وواحد قاللي دي بوابات الشكمان وواحد قاللي دي رشاشات الانجكشن بتاعة البنزين انا احترت يا ريت تقولوا لي ايه المشكلة ارجوكوا واعمل ايه

كتابة الفرانكو أراب ممنوعة والمفروض ان يقوم مشرف القسم بحذف المشاركة فورا

لكن هذه المشاركة بالتحديد نظرا لأنها تبليغ عن مشكلة بالسيارة سيتم ترجمتها للعربية مع تحذير العضو لضرورة الكتابة باللغة العربية او الانجليزية اما الفرانكو اراب فهو ممنوع

مشرف القسم

**mohamedway** · 13-05-2009 09:07 PM

وديها التوكيل هيحطوها على الكمبيوتر و فى ثانيه الكمبيوتر هيطلع كود العيب اللى عند هيطلع سنسور أو قطعه غيار معينه عاوزه تتغير هيغيروها بواحده أصليه و العربيه هترجع زى الفل..................على فكره مفيش حاجه إسمها بوابات الشكمان......عربيتك جديده و فيها كمبيوتر هيخبر التوكيل بالعيب لما يتوصل بيه و إبعد عن فتى الميكانيكيه الأى كلام دووول.

**مصراوي جدا** · 14-05-2009 10:16 AM

حرام تبقى عربية 2008 وتتعرض لافتاءات الميكانيكية بالمنظر ده

يا ريت تجبها التوكيل فورا للحفاظ عليها

**Ahmed Samy** · 15-05-2009 04:33 AM

فعلا انت راكب عربية مزودة بكمبيوتر اعطال علشان هو يشخص بدل الميكانيكي و الفتي بتاعهم
انت عليك و على التوكيل و ربنا يوفقك
و ماتقلقش ....مادتم بتشتغل ساعات و تهبل ساعات معناه انها بتشتغل بس في حاجه مهيسة

وان شاء الله تطلع حساس هايف