الموضوع: بخصوص / حل نهائى لسخونة الاوبل ( والله اعجاز ) هدية الصيف

انا معاك يا باشا الصنايعية بيقولوا الألمانى عربيات حامية بتمسك حرارة و انا كنت سايق يابانى و لما استلمت الأوبل اللى معايا من صاحبها و الحرارة وصلت ل 92 وقفت فى وسط الشارع و كنت هاعيط و اتصلت بصاحبها ضحك عليا و قللى لغاية 95 العربية فى العادى جداً و مصدقتش غير لما شوفت الورقة اللى متعلقة فى مقار
الحاجة التانية هناك ما يسمى بحرارة التغيل المثالية و دى بتختلف من عربية لعربية يعنى الأوبل العادى من 80-92 و المرسيدس العيون من 92-95 و البى ام من 90-92 و اليابانى بقى حدوتة تانى من 50-80 و لغاية 90 او بالأصح نص أمبير الحرارة بتبقى كدة الحرارة عادى لو 91 تبقى مشكلة و مصيبة سودا
الحاجة الثالثه بالنظر إلى عداد حرارة السيارات الألمانى هتلاقى المسافة من العلامة الزرقا إلى منتصف الأمبير ( 80 فى الفيكترا بى - 90 فى الفيكترا أيه 2000 سى سى - 95 فى المرسيدس و البى ام برضوا 90 صغيره جداً جداً و ارتفاع الحرارة فى بداية التشغيل سريعة جداً و أول تبريد و دخول مايه بعد فتح كوعة الترمسات سريع جداً و المراوح على سرعتين عالية و واطية و الناس دى مبتهزرش فى شغلها - اعلى مكن فى العالم الألمانى ) و لو بصينا للمسافة من منتصف الأمبير للشرطة التالية هما خمس او عشر درجات بس مسافة طوييييييييييييييييله و ده معناه صعوبة الوصول اليها فى الظروف العادية اى كان نوعها مالم تكن قصور فى دورة تبريد الموتور فتبدأ درجة الحرارة فى الأرتفاع العشوائى
و بالنظر إلى الأمبيرات اليابانى خصيصاً نجد ان المسافات متقاربة جداً يعنى من 50-70 ثم من 70-90 ثم من 90-110 ثم من 110-130 أو الرد زون علامة الخطر الكبيرة الله يعفينا جميعاً فنجد ان ارتفاع الحرارة ابطأ بكثير للوصول إلى حرارة التشغيل المثالية و أرتفاع الحرارة قد يحدث لأهون و اهيف الأسباب
على سبيل المثال قربة المانى فاضية و الماية نقصه 20% من دورة التبريد الحد الأقصى للحرارة مع سلامة باقى الدورة 95 - 98 أما فى نفس الظروف فى اليابانى جابت جوان وش سلندر و عمرة موتور كاملة و الحالتين عن تجربة و ليس كلام بدون أدلة
ده رأى متواضع عن تجربة و ما علمى الا بالله و الله ولى التوفيق
محمد الطنانى