توكيل بالبيع للنفس والغير - ممكن أطلع بيه شهادة مخالفات ؟

**أبومعاذ** · 15-05-2009 10:17 PM

المشاركة الأصلية كتبت بواسطة banboty

كلمة التعامل مع المرور فقط , لا تجيز لك ان تجدد او ترخص العربية باسم صاحبها مرة تانى عند انتهائها

انا معلوماتي عكس ذلك وعن تجربة

**amr_elrashidy** · 16-05-2009 12:01 PM

المشاركة الأصلية كتبت بواسطة أبومريم

اللي بيبيع هو اللي بيحدد عايز يديلك ايه في التوكيل ومش عايز ايه
لأن كلمة التعامل مع المرور معناها انك تفضل راكب العربية وهي باسمه وتجددها باسمه ودا ليه مساوئ كتير منها ضريبة الرفاهية ومنها ان صاحب العربية الاصلي بيتجاب لو العربية عملت حادثة وموتت حد لا قدر الله

كلام مظبوط بس دلوقت بقى اول توكيل فقط مباشرة من المالك صاحب الرخصة هو اللى يقدر يرخص باسم صاحبها اذا كان التوكيل فيه كلمة الترخيص و ليس التعامل مع المرور...كلمة التعامل مع المرور قاصدين بيها المخالفات و اى حاجه تانية غير الترخيص باسم صاحب الرخصة..معلش انا اتمرمط فى الموضوع مرة و حفظته تماما...بس فى الاخر كله بيمشى بالرشاوى..اما موضوع انه يتجاب فى حادثة تبقى غلطته طالما مكتبش اللى اشترى منه اقرار استلام سيارة لان ده اهم الف مرة من اى حاجه

**amr_elrashidy** · 16-05-2009 12:04 PM

المشاركة الأصلية كتبت بواسطة Ahmed Hamdy

العربية معايا بتوكيل مكتوب فيه له حق البيع للنفس والغير - ومش مكتوب كلمة والتعامل مع المرور - ينفع أطلع بيه شهادة مخالفات وبيانات ولا حيقولولى لازم كلمة التعامل مع المرور ؟؟

طالما مفهاش كلمة التعامل مع المرور يبقى مش حينفع قانونيا..انما من تحت لتحت ينفع اى حاجه تتعمل

**Ahmed Hamdy** · 16-05-2009 12:50 PM

أنا رحت النهاردة المرور والحمد لله الموضوع مشى عادى خالص ..
اديت الموظف الرخصة قالى البطاقة اديتهاله طبعا لقى الاسم مختلف قالى هات التوكيل اديتهوله بص فيه راح مدبسه مع الرخصة وقالى استنى لما يندهوا عليك .. شوية وندهوا رحت دفعت وبعد شوية استلمت شهادة المخالفات مع الرخصة والتوكيل والبطاقة ...

**gouda** · 16-05-2009 06:54 PM

هى ايه ضريبه الرفاهيه دى

**amr_elrashidy** · 17-05-2009 11:10 AM

المشاركة الأصلية كتبت بواسطة gouda

هى ايه ضريبه الرفاهيه دى

ضريبة بتدفع اما يكون ملكك عربيتين او اكثر تقريبا بتبقى 50% زيادة على ضريبة العربية لكل سنه

**Drift_Lover** · 17-05-2009 01:50 PM

ضريبة بتدفع اما يكون ملكك عربيتين او اكثر تقريبا بتبقى 50% زيادة على ضريبة العربية لكل سنه

50% ولا 30% يا عمر...
انا سألت السؤال ده قبل كده والناس قالت 30%.

ياريت تأكد لي المعلومه لان العربيه التانيه لسه باسمي.

**amr_elrashidy** · 19-05-2009 01:03 PM

المشاركة الأصلية كتبت بواسطة drift_lover

50% ولا 30% يا عمر...
انا سألت السؤال ده قبل كده والناس قالت 30%.

ياريت تأكد لي المعلومه لان العربيه التانيه لسه باسمي.

و الله يا أبا يوسف اللى اعرفه 50% لكن طبعا مش أكيد لانى سمعتها من واحد واقف على الشباك بتاع التراخيص و انت عارف اننا بنموت فى الفتى فممكن اوى تكون المعلومة خطأ.