تحذير لمالكي تويوتا : الانتظار بشارع دمشق مشكلة

**Samir Elshahawy** · 15-05-2009 10:37 AM

السادة الاعضاء الكرام ...
أسعد الله صباحكم بكل خير....

بالامس كنت في شارع دمشق (عند أبناء عرفة) لتركيب ستارة خلفية و أثناء وجودي داخل المحل و جدت الصنايعي بيقولي أخلي بالي من الطاسات و عندما سألته أخبرني بأن عدد من السيارات "التويوتا" فقدت الطاسات و المرايات بهذا الشارع

يبدو و الله أعلم أن هناك من يسرق هذه الاكسسوارات لبيعها بنفس الشارع علي أنها مستعملة

خلوا بالكوا من عربياتكوا

**د.محمود صلاح** · 15-05-2009 03:32 PM

يااااه عينى عينك كده !!!!

**محمد ابراهيم 1** · 16-05-2009 06:50 PM

جرائم السرقات فى ازدياد ملحوظ ربنا يستر

**khpopo** · 16-05-2009 07:18 PM

المشاركة الأصلية كتبت بواسطة محمد ابراهيم 1

جرائم السرقات فى ازدياد ملحوظ ربنا يستر

+1000000000000000

ربنا يرحمنا

**wahba87** · 16-05-2009 09:19 PM

اسف انى هخرج برة الموضوع

هى الستائر الخلفية مخالفة ؟؟ و بكام ؟

**sab3aawy** · 17-05-2009 10:18 AM

من قديم الأزل وكل العربيات اللى بتقف فى شارع دمشق بتتقلب، من ايام اللانسر الكريستالة وكانوا بشدو منها الطاسات وجرايد السقف والمساحات والعلامات وكله

واللى بيشدهم هم صنايعية المحلات اللى هناك وبيبقوا شايفين بعض وعارفين بيعملوا ايه وبيطنشوا على بعض انطلاقا من مبدا(سيبه ياكل عيش) ، ده على اعتبار يعنى ان اللى شارى عربية حديثة ده انسان سافل ومفترى وبالتالى دمه وماله حلال للصنايعى الشريف اللى بياكل عيش من مص دماء السفلة المفتريين اصحاب السيارات الجديدة

استحلال مال الآخرين بشتى السبل ليس جديدا علينا، لكن الجديد هو ان بقى فيه انترنت وناس بتتكلم وتكشف المستور، زى بالظبط الأمراض اللى اكتشفها الطب فى المئة سنة الأخيرة، هى ليست امراضا جديدة كما يظن البعض لكن الناس كانوا يموتون بها دون ان يعرفوا ما علتهم قبل اكتشافها ، نفس الحال هنا، العربيات بتتقلب فى شارع دمشق من ساعة ما شارع دمشق فتح لكن حاليا الأمر ده بقى معروف بفضل الانترنت