:واحد صاحبى اشترى عربية نيو اكسنت زيرو عاملة 90 كيلو اكتشف بعد لما مشى بيها ان عداد السرعة مش شغال رجع للتوكيل قالوا له انهم حيصلحوها فى صيانة ال1000 كيلو ":36_1_2[1]:
وطبعا انتو عارفين هما فصلوا العداد ليه؟:colsmil:
عرض للطباعة
:واحد صاحبى اشترى عربية نيو اكسنت زيرو عاملة 90 كيلو اكتشف بعد لما مشى بيها ان عداد السرعة مش شغال رجع للتوكيل قالوا له انهم حيصلحوها فى صيانة ال1000 كيلو ":36_1_2[1]:
وطبعا انتو عارفين هما فصلوا العداد ليه؟:colsmil:
اه طبعآ بيفكوا و يعملو بالعربية مشاوير براحتهم يعنى ممكن تكون العربية اتلينت اصلآ و اللى واحد العربية فاكرها ماشيه 90 كيلو بس هما عايزين مننا ايه مش كفايه بيبيعولنا عربيات زبالة و غالية على الفاضى يقومو كمان يغشوا فى العداد
وازاى يقبل بيها كده كان لازم يطالب بحقة ده واحد شارى عربية زيرو المفروض و صيانه الاف دى صيانه مش اصلاح
و دا برضه كان حاصل معايا في الفيرنا ... أنا كنت شاريها من معرض في المنصورة ... هو بيكون فاصل سلك بيوصل للعدادات ممكن انت توصله لوحدك ... طبعا بيتفصل عشان ميعدش هي مشيت كام بالظبط( بتاعتي كان مكتوب 72 كم )
وهو ليه يوافق ويسكت لازم يتمسك بحقه هم مش هيبطلوا بقا
طيب ماتعرفونا المعرض ده اسمه ايه. وفين في المنصورة.اقتباس:
هو فعلا المعرض كان فى المنصورة:fdsa:
السؤال منطقي و محتاج اجابة .........
ده بيحصل فعلا ..للأسف
مفيش غير معرضين بس اللي ممكن يجيبولك العربية على ونش لو طلبت
EGypt Car أحمد البلقاسي
Royal Automotive عادل جودة
انا برده حصلت مع واحد صاحبي و كنا شاريين العربية من معرض في المنصورة
و كانت عاملة قرب 100 كيلو
و انا يوميها كنت شاكك انها جاية من القاهرة ماشية
بس مرضيناش نزعله و نبوظ عليه فرحته بالعربية
المشكلة ان أصحاب المعارض أغبياء عاملة الجريمة مش يخبو وراهم عملتهم
لاء بيسيبو العداد مفصول :@
ياعنى صباح الغباء
معنى كده ان حتى لو العداد شغال فى شك كبير
انه كان مفصول واتلعب بيها لعب
اولا يا ريت محدش يدخل يشتم فى الكورى واليابانى لانى شامم اساسا تهجم على الكورى و حاجات من دى ..
عموما يا جماعة مش لو العربية اتلعب بيها بيبان على الكاوتش برده ولا ايه !!
هو الكاوتش الزيرو زى الكاوتش اللى هيعملو بيه مشاوير و لعب .! كلامى صح ولا خطا ؟
انا مرة شايف حوالي 12 عربية لانسر بومة ماشيين ورا بعض على طريق سريع و كلهم بالإستكر الأبيض و من غير نمر...اقتباس:
دة الطبيعى
انا اعرف واحد كان شغال فى معرض وبيحكى انهم كانو جايبين كام عربية اوكتافيا وراجعين بيها على الطريق ماشيين على 250 وعمال يتريق على اللى بيشترو العربيات ويطلعو يحسسو عليها على اساس انها لسة أول مرة تنزل على الأسفلت
انا استلمت العربية عاملة 150 كيلو
من الغلبان ولو حد بيروح ناحية منطقة
مقابر المسيحين ها تشوف عربيات زيرو
بيتعمل فيها شغل سمكرة والعربيات لسا
باللزق الابيض وبيركبه تاني
اكتر ناس بيجروا في المنصورة بتوع
معرض المصرية اللي عندنا وحتي
انتا بتفرج علي العربية عندهم بتحس
انها مستعملة مش زيرو
وعلى الامانة السلام
من غشنا فليس منا ... طب احنا من مين
سبحان الله
بصراحة لازم يروح هماية المستهلك ويعمل شكوى
يمكن تجيب نتيجة
إعملهم داوشة مع شوية دعاية سلبية و متسكتش على حقك
و إبقى خد ميكانيكى معاك يفحص العربية
انا عندي اشتري العربية و عاملة 100 200 ان شاء الله 100000 بس اكون عارف اصلها و فصلها و ماخدش حاجة علي عامايا و لكن الموضوع ده بيحصل كتير خصوصا مع غبور و برضه طبعا انتو عارفين ليه
قلنا اللى يشترى من غبور او معارض بتتعامل معاها يستحمل - الناس بتسترخص- خلاص - خليهم يشربوا
أنا حصل معايا نفس الموضوع وأنا بستلم عربية أختي الماتريكس، وكنت مضيت محضر الإستلام و بعدت عن المعرض يجي ٢٠٠ متر ، و حاولو يقنعوني إن ده موضوع عادي و ركبوا الفيشه ، بس أنا رفضت إستلام العربية واصريت على تغييرها و فعلاً بعدها بكام يوم جبولي عربية تانية.
طيب وهو صاحب العربية حيعرف ازاى ان العداد وصل ل 1000 كم مش العداد بايظ اصلا؟
تبقي انته اكيد في مصر
اشمعنى الهيونداى اللى بيتعمل فيها الحركة دى؟
انا كنت اعرف واحد شغال فى معرض فى مدينه نصر ... كانوا بيفصلوا العداد وبيجيبوا العربيات من اكتوبر او من اى حته ومش هيا دى المشكلة ... المشكلة ان اللى بيجيب العربيه بيبقى مفترى وقلبه طبعا مش على العربيه وبيقولى انهم بيفحتوا العربيه وبيجيبوا اقصى سرعه وكأنهم فى سبق لان كمان بيبقى مطلوب منه تسليم كذا عربيه فلازم يلحق يخلص ... مفيش بقى حوار التليين والكلام ده
طبا الغلط على اصحاب المعارض اللى عايزين يوفروا وخلاص دهحتى بيبقى مفيش عربيه كانت بتطلع وفيها بنزين الراجل كان لازم يسحب البنزين من اى عربيه طالعه ..يادوب بس العربيه تمشى بيها حته صغيره
كل ده طبيعى و عادى جدااااااااااا و كل المعارض بتعمل كده
يا باشا انا اشتريت عربيتى من معرض واحد قريبى وعند الأستلام فى المعرض لقيتوا بيقولى تحب ارجع لك فيشه العداد ولا تحب تمشى بيها كده شويه :whtauwant:
انا استغربت جدا وقلتلوا رجعها وسألتوا انتو ليه بتعملوا كده فقاللى ان كل المعارض بتعمل كده لما بيستلموا العربيات من المصانع بيقصلوا العداد وهما سايقينها لغايه المعرض وساعات بيكون النقل من محافظه لمحافظه وبيرجعوه تانى فى المعرض علشان العربيه تبقى ماشيه كيلومتر قليل وقالى كل المعارض بلا استثناء بتعمل كده
شكل الموضوع دة مالوش حل وللأسف بردك مش هانقدر نعرف العربية دة مشية قد اية
وفى نفس الوقت هاتبقا نصيبة لأنك واحد عربية المفروض انك هاتمشى بيها 1000 كيلو علشان تغير زيت كدة هاتبقا مش عارف العربية دة عملت قد اية بالزيت المنيل الى فيها
على جهاز حمايه المستهلك
شكوى عاجله بعد ازنه يعنى
علشان المفروض كل واحد يتلكك للشركات الزباله دى
حرام الى بيحصل فينا دا
سمعة الهيونداى بتضيع
فى بعض الاحيان السيارة بتنتقل من معرض الى اخر وهى لسة زيرو
فى العادة المعرض بيفك سلك السرعة علشان يريح بالة وتفضل السيارة زيرو ادام الزبون
طبعا الحكاية دية بتحصل علشان مش يجيبوا ترلا نقل سيارات بالشئ الفولانى لغرض نقل السيارة يقوموا يجيبوا سواقين ينقلوا العربية ويريحوا بالهم ويوفرو فلوسهم
فعلا نحن بلد انعدام الضمير .
انا اشتريت نيو اكسنت من غبور الاسكندرية- السلطان حسين ولما كنت لسه بتفرج علي العربية لقيتها سخنة جدا فسئلت ليه قام رد مسئول المبيعات واسمه نور الدين ان العربية جاية من المخزن وكان العداد عامل 39 كيلو ( هو فين المخزن)؟
وقالي ان العربيات المتباعة بس هي اللي بتيجي المعرض وكلام كده ميخوشيش العقل علشان العربيات اللي انا شوفتها هناك موجودة زي ما هي
المهم ان بصراحة كنت مضطر اتعامل معاهم لان مراتي كانت عايزة العربية وشيفاني اني باحب احبك كل حاجة وبشك في كل بتوع التوكيل اللي اسمه غبور ( والله الهيونداي ممكن تون العربية رقم واحد في مصر لو بعيد عن غبور)
مراتي قالتلي ان العربية بتفصل منها لما تكون بتغير في الزحمة وانه لازم تدوس بنزين شوية علشان العربية بتلين.....والله انا خايف انهم يكونوا طلعوا عين العربية وال 39 كيلو كانوا موجودين كده وكده
العربية كان شكلها عامله كام مشوار مش جايه من المخزن.
المهم ان في انتظار تقرير مراتي بعد ما عملت بيها كام مشوار علي السريع علشان العربية تشم نفسها ونشوف ليه بتبطل منها لما بتكون بتاخد غيار وهي في الزحمة ( جوه البلد بس)
الواحد مش عارف يعمل ايه في الناس اللس مش بتتقي ربنا فينا
و آه لو شوفتوهم بيسوقوا العربيات ازاى
انا مانساش منظر 4 عربيات النترا موديل السنة دى باللزق الأبيض عليهم و التراب و ورق المصنع على الزجاج طايرين فى ش جامعة الدول و هات يا غرز بين العربيات و كل غرزة و التانية تبقى فارقة على شعرة او يضربوا اجدع فرامل مع كسر بغباوة على اللى جنبهم لو الطريق قفل فجأة
و المصيبة ان كل ده غالبا بيعتبروه لعبة لأنى شفتهم بيضحكوا و بيشاوروا لبعض لما بييجوا جنب بعض
آدى العربيات الزيرو
و لا تعليق
انا شوفت عربية نقل شايله بتاع 10 عربيات بس شكلهم أصلا مستعمل و ودتهم على المخزن الى بيبعد بتاع 5 كيلو عن المعرض المخزن دا عباره عن إيه حته أرض فضية أمام فيلا مرمية العربيات فى الشمس دا حتى من غير سور طوب مجرد سور سلك
الكلام دا فى شبين الكوم عندنا و لو حد من شبين هيشوف المخزن دا و هو رايح طنطا على طريق جنزور