اقتباس:
ربنا يبارك فيك يا بشمهندس ويجعله في ميزان حسناتك
الله يخليك يافادى باشا............
اقتباس:
استاذنك في سؤال بخصوص الزيت
ياباشا أنت تأمر ........وححاول فى التفكير معاك على قدر ما أستطيع
اقتباس:
انا عندي في الموتور كستبان صوته عالي شويه نظفته مع غيار الزيت بفلوش اويل علي اعتبار انه ممكن يكون لامم وسخ ومفيش فايده فتاكدت ان سوستته ضعفت وعايز يتغير وبما اني مش هفتح الموتور لاول مره عشان كستبان فانا سايبه لما يجيب اخره
طيب عرفت أزاى أن سوست الكستبانات ضعفت ( علشان أنت بتقول أنك مفتحتش الموتور قبل كده )
اقتباس:
معلش طولت عليك استحملني
يا باشا متقولش الكلام ده .....طيب معلش أستحمل أسئلتى أنت علشان نفكر مع بعض صح.......
اقتباس:
لما بكون لسه مغير الزيت مابسمعش صوته لان اللزوجه بتبقي عاليه
كلام جميل .....وده معناه أن مع أنهيار اللزوجه مع شغل الزيت بيظهر صوت الكستبانات ..................كده تمام
اقتباس:
السؤال بقي هل لو سمعت صوت الكستبان بعد فتره من السير بالسياره هيكون ده دليل علي احتراق الزيت وفقدانه للزوجته ولا مش شرط ؟
أولا أحتراق الزيت بيجى من تعرضه للحرارات العاليه جدا ......وبالذات مع وجود تفويت بغزاره لغازات الأحتراق من غرف الحريق الى الكرتير (الزيت بيسود لما بتزيد نسبة التفويت للكرتير )................وصوت الكستبانات ملوش دعوه بأحتراق الزيت واللى ممكن يحرق الزيت غازات الأحتراق ( وحسب كلامك السابق ....أن صوتها بيظهر مع أنهيار اللزوجه مع شغل الزيت )........_ علشان كده ياريت تقوللى على لزوجة ونوع الزيت اللى بتستعمله ....وممكن نفكر فى أتجاه تانى ( زى الكشف على مصفة الزيت اللى تحت الطلمبه مثلا ....لأنها قد يكون بها سدد قليلا ) وتكون هى السبب مش لزوجة الزيت .....لأن ممكن يكون فيه رواسب عندك على مصفة الطلمبه ( والزيت على الرغم أن بيكون لزوجته عاليه فى أول تشغيله ومعدل تصريف الطلمبه ضعيف .....بس الحبه دول بيشيلوا الصوت بتاع الكستبانات مثلا ) ومع أنخفاض اللزوجه ومعدل تصريف الطلمبه القليل بسبب سدد المصفه هواللى بتظهر الحاله دى ...........................عامة ده حيكون أجراء وقائى ولو أدانا نتيجه كويسه ( حيكون أفضل بكتير من موضوع الكستبانات وسوستها ......وأهى محاوله )......وبرضه قول على نوع الزيت وهكذا
اقتباس:
اسف مره تانيه علي الاطاله ومنتظر رد ك يا باشمهندس .
يا أخى مفيش مشاكل وكلنا تحت أمرك .......يمكن مع النقاش نلاقى حل كويس ...........وفى أنتظار تعليقك