استفسار بخصوص جلد البيبان للنوبيرا

**zocor742** · 15-05-2009 03:43 PM

السلام عليكم
كان ليا استفسار كدة كنت عايز اغير جلد الباب الى محاوط الباب الى هو الكاوتش العازل الى لما بتقفل بيحكم الهواء والاتربة هو مش باظ دة واحد ربنا يكرمة سرق من عندى الشماسات الى بتركب فى الباب من فوق وطبعا شدها بعنف فطلع الكاوتش من مكانة ومش عايز يرجع زى ماكان ياترى هلاقى الكاوتش دة بسهولة وهيكون جديد ولا استعمال وهل مقاس البيبان فى النوبيرا 1 هى بيبان النوبيرا 2 يعنى لو اشتريتهم جداد بتوع نوبيرا2 هيركبوا عندى ولا اية اصل المشكلة ان الحاجات دى فى النوبيرا 1 صعب تلاقيها جديد بالله عليكم لو حد يعرف اعمل اية ينصحنى وربنا يجازية خير وربنا ينتقم من الى كان السبب

**samirayad** · 15-05-2009 03:58 PM

بالله عليكم لو حد يعرف اعمل اية ينصحنى وربنا يجازية خير وربنا ينتقم من الى كان السبب

لا اله الا الله .......................

_ شوف أنا كان ليا تجربه مع الموضوع ده فى عربيتى الأوبل الأولى ......وروحت أجيبه أستيراد معجبنيش .......لأن أما بيفورو العربيه ويقطعوها نظام المدبوح فى الغالب بيبوظ منهم ..........

_ علشان كده أنصحك بشراء الجديد من هذا الصنف لأنه كاوتش .........وممكن تسأل عليه الجماعه بتوع قطع الغيار والأكسسوارات عندك ...............

_ وفيه أنواع بتباع منه بالمتر ( وبتستخدم مع بعض السيارات الفيات )..............

_ علشان كده أعتقد أن ممكن تشترى بالمتر وبيتركب ويدور عادى على حسب شكل وبروفيل الباب .................

_ ولو كان القطع اللى عندك بسيط ......حاول تعالجه ومش حالك وخلاص ........لأن أنا أما لقيت الموضوع كده ......قلت كبر الليله وعدت .................يعنى حسب وضع القطع عندك ممكن تتصرف.............

**hossam_elwani** · 15-05-2009 06:21 PM

بص هو الكاوتش ده بيبقى راكب بكلبسات
قادمك حل من اتنين يتروح تجيبة استعمال كويس بس يتفك قدامك بحرص عشان الكلبسات الاصلية متتكسرش يا تقطع حته من الكاوتش وتروح تجيب زيه بالضبط بالمتر وجيب الكلبسات لوحدها ومش شرط تغيره كله ممكن تقطع الحتة الى فيها الجزء المقطوع وتجيب على قدها وعلى فكرة سعرة بالمتر مش غالى حوالى 5 جنية للمتر والكلبس بـ نص جنيه

**zocor742** · 15-05-2009 07:46 PM

طيب يا جماعة انا جتاى فكرة بس لو بيبان النوبيرا 1 زى النوبيرا 2 بس هو الاول جلد البيبان والكاوتش دة بيتباع جديد عند بتوع قطع غيار واكسسوارات الدايو يكون اصلى بالكلبسات بتاعتة او حاجة زى الاصلى المهم يكون بتاع العربية عشان اكيد الى بيتباع بالمتر مش هيكون زى الاصلى دة لو بيتباع اصلا جديد
لو حد عندة خلفية الاقية جديد بنفس المقاسات ولا اية

**ahmedsrs** · 15-05-2009 09:39 PM

فى منه جديد واصلى عند بتوع قطع الغيار والباب الواحد جلده ب 70 جنيه

**ahmedsrs** · 15-05-2009 09:41 PM

وكمان فى عتب الباب البلستك والدواير الى حوالين اكر الأبواب فى منها جديد

**zocor742** · 15-05-2009 10:00 PM

فى منه جديد واصلى عند بتوع قطع الغيار والباب الواحد جلده ب 70 جنيه

طيب كويس انة فية جديد منة وال70 جنية ثمن كاوتش الباب كلة بالجريدة بتاعت الزجاج وكدة ولا كاوتش الاطار بتاع البيبان بس على كدة بقى ممكن الاقى البلاستكة السوداء الى بتكون نصها فى اول الباب الخلفى والنصف التانى فى اخر الباب الامامى لوكدة بالمرة اجدد الكاوتش كلة مرة واحدة لو النتيجة زى الفابريكة

طبعا الكاوتش دة جديد بتاع نوبيرا 2 هيركب على باب النوبيرا 1 ولا اية انا شايف ان البابين واحد فى الابعاد والمقاس مش كدة ولا اية

**ahmedsrs** · 18-05-2009 07:12 PM

المشاركة الأصلية كتبت بواسطة zocor742

فى منه جديد واصلى عند بتوع قطع الغيار والباب الواحد جلده ب 70 جنيه

طيب كويس انة فية جديد منة وال70 جنية ثمن كاوتش الباب كلة بالجريدة بتاعت الزجاج وكدة ولا كاوتش الاطار بتاع البيبان بس على كدة بقى ممكن الاقى البلاستكة السوداء الى بتكون نصها فى اول الباب الخلفى والنصف التانى فى اخر الباب الامامى لوكدة بالمرة اجدد الكاوتش كلة مرة واحدة لو النتيجة زى الفابريكة

طبعا الكاوتش دة جديد بتاع نوبيرا 2 هيركب على باب النوبيرا 1 ولا اية انا شايف ان البابين واحد فى الابعاد والمقاس مش كدة ولا اية

انا كنت سالت عن الكاوتش بس من فترة وده كان للعلم بالشى لكن مهتمتش بالتفاصيل

الموضوع: استفسار بخصوص جلد البيبان للنوبيرا

LinkBack

أدوات الموضوع

عرض

استفسار بخصوص جلد البيبان للنوبيرا - انشر الموضوع فى :

-

-

-

-

-

المواضيع المتشابهه

استفسار عن مساعين للنوبيرا 2

استفسار عن بلى nsk للنوبيرا

استفسار ضروري من اهل الخبرة للنوبيرا

استفسار بخصوص المساعدين للنوبيرا

استفسار بخصوص فلتر الهواء للنوبيرا

الكلمات الدلالية لهذا الموضوع

المفضلات

المفضلات

ضوابط المشاركة