الموضوع: انا جددت عضويتى فى العصابه !!!

انا عارف انها جت متأخرة شوية ...بس الف الف مبرووووك يا خلود ... انا كان ليا الشرف انى اجرب العربية دى والصراحة انبهرت ... حسيت انى راكبc class ولا حاجة ..والفرش الاسود فيها هلامى
اية دا ... انا بقر ولا اية .. ههههههه

الف الف مبروووك

المشاركة الأصلية كتبت بواسطة KHALED AYMAN

كده بقى انت مش محتاج لفه ..
مهو انت مجربها بقى ههههههههههههه
و على فكره انا جايبها فرش اسود برده ...

لأ لأ انتا هتشتغلنى بقا ولا اية انسى الرد الى فات خالص .... ان مجربتش العربية قبل كدا (دلوقتى بس عرفت لية ادارة المنتدى من مش عاملة تعديل بعد 7 دقايق )ههههههه
الف مبروووك تانى يا باشاا ... وكويس ان انتا جبت الفرش الاسود جامد جدا ...

المفاجاة الكبـــــــــــــــــــــ ــــرى
تجربة الساحرة ( المفروض يعنى ) اوبل فيكترا الجديدة كليا.

نبتدى منيييييييين

بسم الله

اول حاجة شكل العربية من برة لا يختلف عليه اتنين انها طوووووويلة وعرييييضة وتحسسك انك قاعد فى اوضة النوم ولللللللللكن بمجرب فتح الباب تحس انك قاعد فى 127 او ماروتى على اقصى تقدير.


تقفيل العربية ولا اللادا الروسى مش المصرى كمان.


لو من هواة الجرى والشد وكدة يبقى تعمل حسابك تأجر ناس عشان او لما تحب تقرص يعملوا فيها آل ايه بيشدوا بس يسبوك تعدى عشان منظرك قدام صحابك لان الموتور اكاد اجزم ان الخواجة نسى يحطه فى الكبوت واستبدله بمارش كهربائى 2 سرعة.

الفتيس : يقولك مش عارف Easy Tronic والكلام القاضى دا - بص من الاخر انت اتضحك عليك يا خالد فى حكاية الفتيس دى.

استهلاك البنزين : على الرغم من اعتقادى ان المارش الكهربى ثنائى السرعات المفروض انو كهرباء بس العربية غووووووووووووووووووووول بنزين تقولش 7000 سى سى.

بصراحة لسة فى اكتر بس انا مش عايز اكتب لحسن خالد يحس انو اتضحك عليه ( مع انو فعلا اتدحك عليه بس يلا نعمل ايه النصيب ).

بس فعلا العربية لا تساوى اكتر من ربع تمانها شوف انت بقى اتضحك عليك فى كام.

ارجو يا خالد انك متزعلش بس فعلا فعلا انت اتضحك عليك يا راااااااجل حد يسيب الماروتى ويروح يركب اوبل توكتوك.

بس الحق يقال العربية مرتفعة جدددددددددا عن الارض ودا بدوره يؤدى الى فقدام الثبات بعد سرعة 40 كم وإنعدامه تماما بعد سرعة 45 كم - يا رااااااجل مش كنت تجيب فيرنا.

وفى النهاية يا خالد معلش انا عارف احساس لما يبقى حد ضاحك عليك فانا بعرض خدماتى انا ممكن اخلصك منها ومن قرفها - تخلص على 70 جنيه وعلبه مرلبوره حمرا ؟؟؟

المشاركة الأصلية كتبت بواسطة khaled ayman

كلامك مظبوط يا اسلام ...
بس اعتقد ان الكبوت محطوط فى الشنطه ورا ...
و الثبات انت اثبتلى انك ظااااالم..
انا مجربها يا عم واخد ملف بزاويه 2 درجه ..
على سرعه 15 كم / يوم ..
و ما شاء الله قمه الثبات ..
و ده بيرجع لنظام ثبتنى ثبت الى اوبل بتستخدمه فى موديلاتها من بعد 2005 ....

كبوت ايه الى فى الشنطة !!! احنا كدة حنهزر

وبعدين ايه جاب نظام الثبات للى بعد ال2005 هى مش العربية موديل 1726 ؟؟؟