السلام عليكم

ده اول موضوع ليا بس انا بحب اشكر كل الناس اللي كتبت موضوع مهمة و فعلا استفدت منها

انا عندي عربية 127 فيه كمية مشاكل بس اللي مؤرق حياتي موضوع السخونة

العربية نصر 127 موديل 1982 الموتور معموله عامرة في شهر 7 الي فات (انا شاكك في الراجل)

انا الاول كانت ماشية معايا حلاوة في السخونة لحد 3 شهور فاتو فغيرت الرادياتير بواحد نحاس 3 ماسورة و غيرت الغطا عشان اللي فات كان بيسربز المهم و غير التيرموستات بواحد 82-68 و غيرت الزيت بواحد بترومين الترا 7 و بطلت احط مية عادية بحط كيا خضرا بس

المشكلة زي ما هية درجة الحرارة بتوضل 90 في خلال دقيقتين والمروحة مش بتطفي عشان الحرارة على طول عالية. الملاحظ اني لما بمشي بسرعة بتسخن اكتر و هي واقفة ساعات المروحة بتفصل لكن لو روحت مشوار 20 كيلو الساعة 4 الفجر و الهوا تلج و درجة الحرارة 16 عندي درجة الحرارة بتعدي التسعين و بتوصل ل 120 كمان.

الحاجة الغريبة اني لو طفيتها و سيبت المروحة شغالة 15 ساعة العربية بتبرد خالص ولما بشغلها مسافة ما بمسي دقيقتين تكون سخنت تاني. وكمان المي عمرها ما نفصت في الرادياتير ولا القربة و التقليب نوعا ما كويس


سؤالي ليه المشكلة دي بتحصل رغم ان الرادياتير القديم (كان مخروم بالمناسبة و مكسور و اللحامات فاكة منه) كنت بسافر بيها 170 كيلول مش بتقول بم.

لو محتاجة تصليح تنصحوني بحد معين جوه فيصل او الهرم؟ لو بعدي هروحلة بس تتحل المشكلة اللي مش عارف هعمل ايه لما الصيف يدخل.


الف شكر و آسف للاطالة