المشاركة الأصلية كتبت بواسطة mosso
طيب يا جماعه معلش هو ليه منبصلهاش على انها رياضه؟
ما كل رياضه ليها مخاطرها برضه
ممكن واحد راكب خيل برضه يقع بيه رقبته تتكسر و يموت في لحظتها
و ممكن سباق سيارات شرعي على حلبه منظمه و اتنين يخبطوا في بعض و يموتوا (هل ده حرام؟)
و ممكن واحد بيلعب كوره الكوره تخبط في راسه يقوم يبلع لسانه و يموت (هل ده حرام؟)
و ممكن واحد في استعراض طياات يخبط في طياره تانيه و يموت,
و ممكن مركب في سباق زواق سريعه يخبط في مركب تاني,
الناس هناك في السعوديه او في الخليج عموما و المسابقات الي بتكون فيها اعداد كبيره من الناس كده يكونوا عاملين حسابهم و واخدين سيارات اسعاف و مطافي و بينظموها كويس
و وارد جدا ان يحصل حوادث كتير و خطيره
بس لو كل الناس قالت دي مخاطر اكيد مكنش حد اخترع اي رياضه في الدنيا
يمكن دي بداية النظر في رياضه زي دي او ينقصها المزيد من التنظيم بس مش لازم نحاسب الي عملها على انه موت نفسه بايده و موت الناس و ان هو السبب في كل حاجه
لان معروف ان الرياضات الصحراويه بتكون خطيره جدا زيها زي الرياضات البحريه زي الرياضات الجويه زي الرياضات البريه
في الاخر عايز اقول ( الله يرحمهم لو توفوا ) او ( الله يشفيهم لو لسه عايشين )