لانوس ولا افيو؟؟
برجاء عمل مقارنة مفصلة
وفى النهاية تحديد الافضل مع الاهتمام ب استهلاك البنزين واسعار قطع الغيار وقوة السحب فى تحديد الافضلية.
عرض للطباعة
لانوس ولا افيو؟؟
برجاء عمل مقارنة مفصلة
وفى النهاية تحديد الافضل مع الاهتمام ب استهلاك البنزين واسعار قطع الغيار وقوة السحب فى تحديد الافضلية.
أنا ركبت اللانوس وسافرت بيها مرة
وركبت الأفيو زيرو
فرق السماء عن الأرض لصالح الأفيو من حيث :
العزل & التقفيل & الخامات & المتانة & الشكل & التوكيل
والله أعلم
اشكرك على الرد , وفى انتظار ردود باقى الزملاءاقتباس:
المشاركة الأصلية كتبت بواسطة ahmed1981
+1اقتباس:
فرق السماء عن الأرض لصالح الأفيو من حيث :
العزل & التقفيل & الخامات & المتانة & الشكل & التوكيل
بدون تجربة للأفيو
بس أكيد أفيو طبعا ، كفاية شكلها و صالونها ،،،،
+1اقتباس:
فرق السماء عن الأرض لصالح الأفيو من حيث :
العزل & التقفيل & الخامات & المتانة & الشكل & التوكيل
ياراجل
طبعاً الأفيو هى لانسو معدل تم تلاشى العيوب الموجوده فى اللانوس
أفيوووووووووووووووووووووو ووووووو
طبعا
أفيو طبعا الافضل
دا زى ما بتسال اجيب لانسر 99 ولا لانسر 2008... اكيد 2008
بس الفكرة ان الافيو بقت شفروليه و بالتالى قطع غيارها بتتعامل باسعار مختلفة و توكيلها مختلف
من الناحية الميكانيكية فالافيو فيها نفس موتور اللانوس بس الmanagment بتاعه مختلف... الافيو فيها حساسين شكمان و اتنين علبة بيئة و حساس كامة و بالتالى بقى عندك حساسات زيادة عن اللانوس و من ناحية القدرة الافيو بتعمل 83 حصان و اللانوس 86... اعتقد ال3 حصان دول ضاعوا بسبب علبة البيئة الزيادة اللى فى الافيو
الفتيس فى العربيتين واحد و هو الD16 اما الفرامل فا هى فى الافيو اكبر و بالتالى فرامل الافيو احسن من اللانوس اما العفشة فا مقصات الافيو الامامية خليط من تصميم مقصات اللانوس و النوبيرا و بالتالى ممكن يكون فيه احتمال ظهور مشكلة الجلب الشهيرة للنوبيرا... بس الافيو فيها جلبة واحدة من اللى بتتقطع مش اتنين زى النوبيرا و بالتالى ممكن تكون بتستحمل عن النوبيرا بس الاكيد ان اللانوس بتعمر اكتر
العفشة الخلفية مختلفة كتير اوى عن اللانوس و هى اسبة لعفشة الكورسا السيدان... مسمعتش حد اشتكى من العفشة دى و بالتالى مش شايف سبب لاى شكوى فى الافيو... بس و انا ببص على عفشة ورا لقيت فلتر البنزين تحت العربية... انا بكرة الحركة دى اوى :evil:
انا طبعا مش حتكلم على الشكل الخارجى او الصالون لان دى فروق كلكم شفتوها و مش محتاجة تعليق اساسا اما عن تجربة القيادة فا انا مسوقتش الافيو بس انا متوقع انها على اسواء اسواء الفروض لازم تبقى احسن من اللانوس لانها بتنزل ب جنوط 14 و كاوتش 14/60/185 و فيها فرامل اكبر و عفشتها الخلفية احدث (عفشة اللانوس اللى ورا هى عفشة اوبل استرا 92)... اللى ممكن يفرق السحب لان موتور الافيو اقل 3 حصان و عجلها اكبر بس طبعا الوزن له عامل و انا معرفش وزن الافيو كام
من ناحية قطع الغيار فا انا شايف ان الافيو مكلفة... جوز الطنابيرالكورى الاصلى ب 400 جنية فى حين ان طنابير النوبيرا (نفس الحجم و الوزن تقريبا) ب 280 جنية ايطالى... قيس على كدة باقى الاجزاء و اكيد قطع غيار الدايو منتشرة اكتر من الشفروليه على الاقل فى الوقت الحالى
MMamdouh