تقييم السيفيك 2008 بعد 20 الف كم

**mshafik** · 06-07-2009 12:52 PM

سيد كيمو، معلش ما تزعلش منى، أنا لسه قارى الموضوع حالا و أنا عندى برده السيفيك ال 2008 لونها أبيض، و عندى تعليقين بس على تقييمك. 1- الجير بوكس الأوتوماتيك بتاعنا أربع سرعات فقط مش خمسه، ده بالتجربه وبالكلام اللى فى الكتالوج. 2- موضوع تجميع ال 100 فى 10 ثوانى ده صعب على شويه، أنا حسبتها أكثر من مرة و دايما حوالى 12.3 ثانيه، و اطمن العربيه مافيهاش عيب و مجربها مع هوندا سيفيك تانيه. و بالنسبة للشباب بتوع التويوتا ال mmt أنا لا أقصد أى شئ، التوكيل بينصب و يبيع العربية على إنها 142 حصان (يعنى 2 حصان أقوى من إدعاء الهوندا) علشان ينافس الهوندا اللى هى أصلا 125 حصان بس (مكتوب فى الكتالوج) مش 140 زى ما التوكيل بيخترع، و الكتالوج برده مكتوب فيه إن ال1800 قوتها 140 حصان. أخيرا أحب أرفع القبعه للكيا السيراتو الجديدة (جبنا واحدة أوتوماتيك) لأنها تباع على إنها 126 حصان بجد، عملنا سباق سرعة ما بينها و بين الهوندا حوالى خمس مرات، من ال 0 لغاية ال 140 الهوندا بالعافية بتسبق بحوالى نصف عربية، لكن السيراتو لما بتجيب الرابع عند 160 السحب بيكون أضعف بكتير.

**mshafik** · 06-07-2009 01:09 PM

أحب أضيف حاجه نسيتها (لأن تعديل الرسالة غير مسموح) إن التويوتا الكورولا الشكل الجديد على موقع تويوتا الرسمى 132 حصان لل1800، يعنى إدعاء التوكيل إن ال 1600 142 حصان ما هى إلا حيلة لمنافسة أول من بدأ الكذب وهم هوندا.

**kemo0o** · 06-07-2009 04:33 PM

المشاركة الأصلية كتبت بواسطة mshafik

سيد كيمو، معلش ما تزعلش منى، أنا لسه قارى الموضوع حالا و أنا عندى برده السيفيك ال 2008 لونها أبيض، و عندى تعليقين بس على تقييمك. 1- الجير بوكس الأوتوماتيك بتاعنا أربع سرعات فقط مش خمسه، ده بالتجربه وبالكلام اللى فى الكتالوج. 2- موضوع تجميع ال 100 فى 10 ثوانى ده صعب على شويه، أنا حسبتها أكثر من مرة و دايما حوالى 12.3 ثانيه، و اطمن العربيه مافيهاش عيب و مجربها مع هوندا سيفيك تانيه. و بالنسبة للشباب بتوع التويوتا ال mmt أنا لا أقصد أى شئ، التوكيل بينصب و يبيع العربية على إنها 142 حصان (يعنى 2 حصان أقوى من إدعاء الهوندا) علشان ينافس الهوندا اللى هى أصلا 125 حصان بس (مكتوب فى الكتالوج) مش 140 زى ما التوكيل بيخترع، و الكتالوج برده مكتوب فيه إن ال1800 قوتها 140 حصان. أخيرا أحب أرفع القبعه للكيا السيراتو الجديدة (جبنا واحدة أوتوماتيك) لأنها تباع على إنها 126 حصان بجد، عملنا سباق سرعة ما بينها و بين الهوندا حوالى خمس مرات، من ال 0 لغاية ال 140 الهوندا بالعافية بتسبق بحوالى نصف عربية، لكن السيراتو لما بتجيب الرابع عند 160 السحب بيكون أضعف بكتير.

أولا احب احييك على لون عربيتك الاول
ثانيا و ردا على حضرتك ... انا على الدائري جريت مع السيراتو الجديدة وكان الفرق تقريبا عربية ونص ! انا مستعد اجرب عربيتي مع السيراتو بتاعتك .... تاني حاجة الجير بوكس 5 سرعاااااااااااااااااااااا ااااااااااااات وهصورها لك فيديو يبين انها 5 سرعات وبعدين ياريت تقول لي صفحة كام في الكتالوج بتقول انه 4 سرعات ؟؟؟
شوف الرابط ده
http://www.honda.com.sg/cars/civic_spec_16.htm
نسيت اقول لك انك لو حارق على الغيارات كلها العربية مابتنقلش خامس
انما لو ماشي مع العربية واحدة واحدة بتنقل خامس عادي

عاوز تشوف سحب السيفيك بجد جرب مع السيراتو وانتوا ماشيين وخاصة بعد 70 مثلا تفاديا للجير الاول
موضوع التسارع ماعرفش ازاي 12 ثانية ؟؟؟ انت بتنقل عند 4 ولا ايه ؟؟؟
ببنزين 92 بالضبط 10,2 ثانية
بنزين 95 بالضبط 9,78 ثانية

ولله الحمد مافيش عربية في فئة ال 1600 قدرت تطلع مني الا مرة واحدة كانت التيدا بس رجعنا تاني وطلعت منه

اه نسيت اقول لك ان تسارع السيراتو هو اللي 12 ثانية

المشاركة الأصلية كتبت بواسطة mshafik

أحب أضيف حاجه نسيتها (لأن تعديل الرسالة غير مسموح) إن التويوتا الكورولا الشكل الجديد على موقع تويوتا الرسمى 132 حصان لل1800، يعنى إدعاء التوكيل إن ال 1600 142 حصان ما هى إلا حيلة لمنافسة أول من بدأ الكذب وهم هوندا.

كلنا عارفين الكلام ده وعلى فكرة المستهلك مش أهبل ولا حاجة والنت موجود و كلنا عارفين ان القوة اللي بتتكتب هي القوة الاجمالية للمحرك مش الخرج الصافي ودي سياسة التوكيل عشان يبيع أكتر

تيجي نجرب عربياتنا مع بعض ؟؟؟؟

وهرفع لك الفيديو من 0 - 100 مع فيديو اللي بيبين الغيارات ! ان شاء الله بكرة بالليل

اتمنى تاخد كلامي بصدر رحب وبعدين انا شايف ان لسه حضرتك جديد فأهلا وسهلا بيك في عائلة الهوندا

**mshafik** · 07-07-2009 12:02 AM

تشكر يا كيمو و مستنى الفيديوهات، و أوعدك بكره هادور فى الكتالوج، بس تعرف هابقى فرحان أوى لو أنا طلعت غلطان و بتجيب ال 100 فى 10 ثوانى بس فعلا. و متشكر على الترحيب، و متقلقش أبدا على موضوع الصدر الرحب ده. بالنسبه للسيراتو ممكن نجرب تانى معاك، زى ما قولتلك من الصفر تماما لغاية ال 140 الهوندا بتكون سابقة بس بفرق بسيط أوى. شوف عندك بقى السيراتو المانيوال بتعمل إيه: http://www.youtube.com/watch?v=CIvms...eature=related

**kemo0o** · 07-07-2009 12:15 AM

الالنترا المانيوال كده كمان !! ولو انت شفت السيفيك المانيوال هتتوهم برضه انا جربتها (ال 1800 المانيوال) وكانت خراااااااااافة وكمان طلعت من الالتيما 2300 سي سي مانيوال برضه

هات السيراتو الاوتو وانا هجيب سيفيكتي
ونجرب مع بعض

عامة يا كبير انتظر الفيديوهات بكرة عشان انا خارج بكرة بالليل
وأهلا بيك كمان مرة في عائلة الهوندا

**mshafik** · 07-07-2009 01:57 PM

المشاركة الأصلية كتبت بواسطة kemo0o

تاني حاجة الجير بوكس 5 سرعاااااااااااااااااااااا ااااااااااااات وهصورها لك فيديو يبين انها 5 سرعات وبعدين ياريت تقول لي صفحة كام في الكتالوج بتقول انه 4 سرعات ؟؟؟
شوف الرابط ده
http://www.honda.com.sg/cars/civic_spec_16.htm

بص بقى يا سيدى، لما تبص فى الكتالوج هتلاقى فى نوعين من الأوتوماتيك، العادى بتاعنا و التانى فيه "سبورت" و فيه بدالات للنقل عند الدركسيون، ده اللى 100% خمس سرعات، وده متوافر بس فى ال 1800 وال 2000.
أما بتاعنا فهو أربع سرعات زى ما هتشوف فى الصور اللى تحت، إن لما بتنقل على ال D3 بيمنع التأرجح ما بين الثالث و الرابع (اللى هى أعلى نقله)، و إن الثالث آخره 167 كم/ساعه و الباقى بالرابع بس، مافيش خامس.

حاجه كمان، أنا عارف قصدك بإحساسك بإن فيه نقله خامسه لما تكون ماشى بسرعه من غير ما تكون حارق، و ده هتلاقيه فى معظم السيارات الأوتوماتيك الأربع سرعات (عندنا أوبل فيكترا 94 و السيراتو برده أربع سرعات)، ده ناتج من ال locking و ال unlocking بتاع ال torque converter، و صدقنى زمان فى الأوبل كان دايما بيخلينى أشك إن فيه نقله خامسه، و اللينك اللى إنت حاطتها دى بتاعة سنغافوره علشان كده ممكن تلاقى الحاجه مختلفه هناك. و بالمناسبه مش هتلاقى على موقع الهوندا الرئيسى الموتور ال 1600 نهائى، ده نازل بس مخصوص لمصر و سنغافوره و هو نفس موتور الموديل السابق.

أخيرا بقى، التوكيل بيدعى إدعاءات وهميه و كل المواصفات اللى مذكوره عنده بتاعة ال 1800 و مافيش منها فى ال 1600 خالص (زى الإير باجز الجانبية مثلا)، و حتى شوف بنفسك:

http://www.hondaegypt.com.eg/civic_modeloverview.asp
http://www.hondaegypt.com.eg/images/...ifications.pdf

**kemo0o** · 08-07-2009 03:47 AM

بص بقى يا سيدى، لما تبص فى الكتالوج هتلاقى فى نوعين من الأوتوماتيك، العادى بتاعنا و التانى فيه "سبورت" و فيه بدالات للنقل عند الدركسيون، ده اللى 100% خمس سرعات، وده متوافر بس فى ال 1800 وال 2000.
أما بتاعنا فهو أربع سرعات زى ما هتشوف فى الصور اللى تحت، إن لما بتنقل على ال D3 بيمنع التأرجح ما بين الثالث و الرابع (اللى هى أعلى نقله)، و إن الثالث آخره 167 كم/ساعه و الباقى بالرابع بس، مافيش خامس.

لا ياباشا عندنا موديلات 2009 فيها الفئة VTI فيها الفتيس (سبورت) بخمس أوضاع اللي فيها البدالات وراء الدركسيون

تمام الكلام ده مضبوط لان d3 اخرها التالت والتارجح هيحصل مابين التالت والرابع والخامس مالهوش علاقة هنا !

بالنسبة للسرعات المكتوبة هي صحيحة ولكن تقدر تجيب اكتر من كده
انا عندي الاول 67
التاني 112
التالت 175

و اللينك اللى إنت حاطتها دى بتاعة سنغافوره علشان كده ممكن تلاقى الحاجه مختلفه هناك. و بالمناسبه مش هتلاقى على موقع الهوندا الرئيسى الموتور ال 1600 نهائى، ده نازل بس مخصوص لمصر و سنغافوره و هو نفس موتور الموديل السابق.

العربيات اللي هناك هي هي اللي هنا بالضبط
ونفس النسخة بتكون موجهة ل : تركيا وتايلاند وسنغافورة وماليزيا ومصــر

أخيرا بقى، التوكيل بيدعى إدعاءات وهميه و كل المواصفات اللى مذكوره عنده بتاعة ال 1800 و مافيش منها فى ال 1600 خالص (زى الإير باجز الجانبية مثلا)، و حتى شوف بنفسك:

لا يا استاذنا المواصفات دي بالفعل موجوده في الفول اوبشن اللي هي ال VTI موجود بها side airbags

ده فيديو بيبن ان العربية 5 غيارات

http://www.youtube.com/watch?v=O3BVaaNhH70

للاسف ماعرفتش اوضح أكتر من كده

وللاسف ماقدرتش اصور لك النهاردة من 0-100 عشان كنت عاوز انام وانا راجع بس اوعدك هصورهولك اليومين اللي جايين واحتمال بكرة

**mshafik** · 10-07-2009 02:07 AM

إزيك يا مستر كيمو، متأسف على التأخر فى الرد، بس بعد ما شفت الفيديو بتاعك قلت لازم أنزل اجرب، و ماجتش فرصه غير النهارده!

أنا مش مصدق نفسى، معاك حق النقلات فعلا خمسه. صحيح أنا كنت غلطان و بأقاوح بس أنا مبسوط إنى طلعت غلطان.

أما بالنسبه للكماليات المذكورة فى الموقع، أنا كنت أقصد الهوندا ال 2008 بتاعتنا، موديل ال 2009 ماعرفش عنه حاجه إطلاقا.

فاضل بس تقنعنى بموضوع ال 10 ثوانى ده، أنا حاولت النهارده أكثر من مره و الفيديو ده لأحسن مره، برده حوالى 12 ثانيه.

http://www.youtube.com/watch?v=F8YNHooP2Ac

**kemo0o** · 10-07-2009 02:50 AM

المشاركة الأصلية كتبت بواسطة mshafik

إزيك يا مستر كيمو، متأسف على التأخر فى الرد، بس بعد ما شفت الفيديو بتاعك قلت لازم أنزل اجرب، و ماجتش فرصه غير النهارده!

أنا مش مصدق نفسى، معاك حق النقلات فعلا خمسه. صحيح أنا كنت غلطان و بأقاوح بس أنا مبسوط إنى طلعت غلطان.

أما بالنسبه للكماليات المذكورة فى الموقع، أنا كنت أقصد الهوندا ال 2008 بتاعتنا، موديل ال 2009 ماعرفش عنه حاجه إطلاقا.

فاضل بس تقنعنى بموضوع ال 10 ثوانى ده، أنا حاولت النهارده أكثر من مره و الفيديو ده لأحسن مره، برده حوالى 12 ثانيه.

http://www.youtube.com/watch?v=F8YNHooP2Ac

ولا يهمك ياباشا كلنا هنا بنتعلم من بعض
اتأكد ان الكاوتش بتاعك ضغطه 30 او 28 وجرب وانا هرفع لك الفيديو ان شاء الله بس لما تسمح الفرصة لان انتقالاتي كلها داخل البلد وماخرجتش على طريق يسمح خالص

وبعدين انا ملاحظ تأخير عندك في الاول وكمان نقل عند 6500 المفروض عند 6700 !!
وماشاء الله الصورة واضحة انت مصور باية ومثبت الكاميرا ازاي ؟؟

**mshafik** · 10-07-2009 02:51 PM

- بالنسبه للكاونش هاكشف عليه إن شاء الله مع صيانة ال 10000كم اليومين الجايين.
- بخصوص تأخير الأول، تقصد إيه؟ أنا ماسحبتش من أول الفيديو (لو هو ده قصدك)، أنا بادئ التصوير قبل ما أدوس بنزين.
- موضوع بقى النقل عند ال 6500 ده فى الأول بس، لو بصيت على الفيديو تانى هتلاقى الثانى بينقل على ال 6700، و على فكره باجيب برده على الأول 68 و الثانى 112، بس ممكن ماتكونش واضحه هنا أوى، بتبقى باينه لما أستعمل ال D1 و ال D2.
- أخيرا الكاميرا بتاعتى Sony DSC-T10، هى كاميرا منتشره بس أنا كنت مصور على VGA 30fps، و كنت ماسك الكاميرا بإيدى اليمين و ساند إيدى على الدركسيون من فوق، و طبعا ماسك الدركسيون بالإيد الثانيه.

الموضوع: تقييم السيفيك 2008 بعد 20 الف كم

LinkBack

أدوات الموضوع

عرض

-

-

-

-

المواضيع المتشابهه

تابلوة السيفيك 2008

بنزين السيفيك 2008

عيوب السيفيك 2008

الحمد لله استلمت السيفيك 2008

السيفيك 2008 مخنوقة ليه؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة