الموضوع: حكم تاريخى لرفض إعادة سيارة معيبة - تغريم وكيل إسبرانزا 200 ألف جنيه

المشاركة الأصلية كتبت بواسطة Bossy_Fadl

بعتقد انو المشكلة مش بالمستهلك اللي اخد حقه

الفكرة في المستهلك اللي طالب بحقه

نحنا ابسط شي بنعملو اننا نحاول نصلح العربيه و نمشي شوية بعدين نزهق نقوم نبيعها

ما حد بيفكر يطالب بحقه و يشتكي

مع انو العيوب اللي اشتكي بيها المستهلك من عربيته عيوب عم بنشوفا كل يوم بعربيات كتير.

الاستسهال صار الحل الامثل النا كمستهلكين مصريين

و بما اننا فاقدين الامل بكل شي ببلدنا فببنسي احيانا انو مافي قاعده للاهمال

و انو في جهات مسئولة كمان ممكن تكون دايرة بالها منيح و شايفه شغلها علي اكمل وجه

ما ضاع حق ورائه مطالب

و الله يا بوسى ما حدش بيستسهل او بيسيب حقه ، المشكلة ان غياب الرقابة الحازمة بيضيع كل الجهود وراء المطالبة بالحق
ممكن الواحد يلف و يروح و ييجى و يعمل محاضر و غيره ، و فى الآخر تلاقى الوكيل مش راضى يغير او يصلح حاجة و يقول لك "اعلى ما فى خيلك اركبه" و بيطلع لك لسانه
لى تجربة مع موبايل و ماخدتش حقى الا لما اشتكيت للفرع الأم خارج مصر ، و آدى لنك للمشاركة دى
http://www.nilemotors.net/Nile/showthread.php?t=39473

و احيانا بتلاقى انك علشان تبتدى اجراءات الحصول على حقك بتكون تكاليفها اكبر بكتير من قيمة تحملك اصلاح الحاجة المعيبة ، و احيانا اكبر من قيمة شراء واحدة جديدة ، يبقى الحل ايه ؟؟؟

مرة كان عليا مخالفتين قيمتهم كبيرة ، واحدة فى ميدان الرماية و التانية فى الملك الصالح
المضحك ان المخالفتين فى نفس اليوم و الوقت و بينهم فقط 5 دقائق فرق (14/7/2000 الساعة 3:00 عصرا و 3:05 عصرا) و المضحك اكتر انى كنت و عائلتى فى التاريخ ده خارج البلاد بنعمل عمرة (و وريت الكلام ده كله لوكيل نيابة المرور) و كان الحل الوحيد انى ارفع قضية تظلم ، و برغم انى كنت اكيد هاكسبها لكن لما حسبت التكاليف لقيت ارخص و اسرع انى ادفع المخالفتين بعد التخفيض ، و للأسف عملت كده

و مرة اشتريت بنطلون و طلع فيه عيب و كان واضح و لما طلبت ارجعه و انا لسه فى المحل قلبوا الوش التانى و رفضوا و حاولت بكل الطرق و وصلت انى طلبت النجدة و طبعا معروف اصحاب المحل اتصرفوا معاهم ازاى (بدون تعليق) و كان الموضوع هاينتهى لولا انى اتصلت بواحد معرفة و بعث عربية تانية قاموا بالواجب و عملت محضر اثبات حالة و .. و ... و ... الخ الخ الخ ، و رجعت البنطلون و اخدت تمنه و لكن صرفت (اكراميات و خلافه... مفهوم طبعا) اكتر من ثمنه ، ده غير الوقت الضايع و حرقة الدم

المشاركة الأصلية كتبت بواسطة samcar

كفايه الدعايه السلبيه اللى حصلت - حيصرف ملايين على الدعايه علشان يعوض الصوره اللى اترسمت - لمنتجه

وعم ابو الفتوح بدل ما يسكت او يحاول يوضح - عمال يصرح انه اكبر توكيل واحسن عربيات- يمكن ايام ال bmw

بس دلوقت احسن له يبيع فديوهات - هههههههههههههههههههه

هما للأسف مش فارق معاهم دعاية سلبية او غيره
ماهم طالعين كل يوم فى الأعلانات فى الجرايد يقول لك احنا نمرة واحد فى توزيع اسبرانزا
هما بيلعبوا على نقطة ان المستهلك اللى معاه قرشين على القد ماعندوش اختيار تانى خالص غير سلعتهم فقط ...
و ان كان عاجبه ...