ده يا جماعه فيلم عملوه جماعه صحابي
اتفرجو عليه ومستني رأيكم
http://www.youtube.com/watch?v=BjOPgcZ7aQ8
عرض للطباعة
ده يا جماعه فيلم عملوه جماعه صحابي
اتفرجو عليه ومستني رأيكم
http://www.youtube.com/watch?v=BjOPgcZ7aQ8
شغاااااااااااااال
هما الصراحة عاملين شغل حلو وشوية حركات جامدة
بس زعلت لما (بعد الشر عليهم) ماتوا فى الاخر
وعجبنى التصوير جدا على فكره
هما هواه ولا طلبه فى معهد تمثيل؟
جامد جدا جدا كبدايه
الصراحه الموسيقى جامده جدا...وطريقه التصوير وحركه الكاميرا جامده جدا
وتقطيع الفيلم كمان جامد .... والاضاءه جميله ومناسبه
لا بجد فنان ...وليه مستقبل ان شاء الله
ايه الموسيقى المرعبة دى
برافو عليهم
ايه جو الرعب ده اللي عملته في المنتدى
كان صعبان عليا اصحابك بجد هههههههههههههههه
فيلم كويس ربنا يوفقهم
كويس جدااا
مش وحش خالص كبدايه مثلا
بس مش هو الزومبي لازم تتقطع دماغو عشان يموت ؟!!!
في حاجه انا اخدت بالي منها وهما لسا بيفتحو الباب
الكهرباء اعدت تطفي وتنور بسرعه
جميل جدا بس في مشكله ان في الوش كدا في لمبتين فضلو والعين فأثروا على التقطيع بتاع النور
الحته اللي فيها بيرمي السكينه وبتيجي في رقبة الزومبي هايله جدا
ولو في حاجه تاني هقولها
بس عموما الشغل حلو جداااا والاضاءه كويسه نوعا ما وأشكل الشخصيات حلوه اوي والميك اب بتاعهم كويس
شكرا يا نجم علي ردك
ودول علي فكره مش في معهد تمثيل ولا حاجه الي نظم القصه كلها
مخرج الفيلم ايمن عبد الحميد والشخص ده بسم الله ما شاء الله عليه
وعلي فكره هوا بينتمي في شغله لمدرسة شريف عرفه لانه بيعتبره مثله الاعلي
قريب بأذن الله هيدخل وهيتناقش معاكم في الاداء عموما
اولا يا باشا بشكرك علي ردك
تاني حاجه المتعارف عليه ان الزومبي لازم تضربه في اي مكان من الاعضاء الحيويه (المخ - القلب - شرايين الرقبه)
بالنسبه لموضوع الاضاءه لو علي كلام حضرتك يبقي كده كان لازم يطفي انور التوضه الي كانت قدام برضه في نفس الشوت بس هوا كان شغال علي مكان واحد بس ولعب في الاضاءه بتاعة المكان ده بس
علي فكره الفيلم في بعض الاخطاء الثانويه ودي كان سببها ان المكان نفسه الي فيه التصوير كان فيه شوية صوعوبات بس الحمد لله قدرو يتغلبو علي بعض الصعوبات دي
وكمان كان صعب يلاقو بديل عن المكان ده
واي استفسار او راي انا في الخدمه لغاية لما [overline]ايمن[/overline][overline][/overline] صاحب العمل يدخل بأذن الله :shine[1]:
برافو عليهم واللهى :)
فكرتونى باللعبة Resident Evil اصلى من مدمنى هذه اللعبة
عقبال مانشوف فيلم مصرى عن مصاصى الدماء او اكلى لحوم البشر
شغل جميل جدا ً فعلا ً ...
كانوا بس محتاجين كاميرا أفضل ، وإضاءة أفضل
لكن المونتاج تحفة ، والخدع تحفة
يا ريت بقى بتابعوا أى مسابقات من بتاعة الأفلام القصيرة زي الي mbc كانت عاملاها .. وأكيد هياخدوا المركز الأول عن جدارة
والله انا لي رأي تاني انا شايف انها فكرة مكررة و مافيش ابداع في الموضوع . ايه اللي انا استفادته من السبع دقايق دول
وجهات نظر معلش استحمل نقدي و ارجو اني اكون مازعلتكش
حلو يا باشا و ميه ميه و بداية رائعة :B4_388:
بس سؤال كدا خطر ببالي بما اننا في منتدي عربيات هو انتوا مش بتقوله ان البيت دا مهجور اومال العربية اللي ظهرت دي بتاعت اي زومبي من الزنبايق اللي في الفيلم بس انا بصراحة معرفتش نوع العربية دي ايه انا افتكرتها لوجان و انبسطت و انشكحت اوي قلت اكيد الزنابيق دي بتفهم :w6266d بس العربية ما طلعتش لوجان :ma(30):
كمان كان فيه صويت ستاتي كدا في اخر الفيلم قبل ما الشاب الأولاني ينقتل من العفاريت ؟؟ ممكن نعرف مين البنت او الست دي :makeup:
و هل هي مخطوفة و لا زنبوقة تبع الزنابيق
المهم الفلوووووووووووس المدفونة فيييييييييين ؟؟؟؟؟؟؟؟؟؟ :majd(4):
اولا انا شايف ان الفيلم ده رائع من حيث انه يطاع كده مع ان التصوير كان بيتم بكاميرا واحدة و كمان متهيألى انها ديجيتال..
ثانيا المونتاج انا شايف انه كويس قوى ......
الصوت حلو قوى...فيه تأثيرات طلعة حلوة جدا ..
انا اللى مضايقنى شوية حركة البطلين بس انا عاذرهم علشان انا شايف ان المكان بتاع التصوير صعب..و ضيق كمان..
الاضاءة فى مشاهد كانت كويسة و مساهد كانت مش واضحة "الكاميرا الديجيتال محتاجة ضبط اضاءة مختلف"..
حلو جدا المشهد بتاع البطل التانى و الكاميرا بتلف حوليه ...
حلو قوى الخدع بتاعة الدم و السكينة اللى بتتحدف ..فيه مشهدين لدم بيتطاير من الزومبى واحد فعلا كويس و التانى الدم فعلا كنت حاسس انه كاتشب..
حلو قوى الفيلم بالنسبة للامكانيات.. بس المخرج محتاج سيطرة أكتر على كل حركة من حركات الممثلين و الزوبيز (لو نقدر نقول عليهم المجاميع بتوع الفيلم )
1000000000 مبروك و عقبال ما تعمل فيلم كامل بميزانية حقيقية .......
علي فكره دا اول فيديوا اتفرج عليه من غير ما اجري ولا ثانيه منه
بجد بجد بجد مشاء الله عليهم
امال لو معاهم كاميرتين ولا تلاته كانوا عملوا ايه
لما هما بالامكانيات الضعيفه دي عملوا الرائعه دي
فعلا الفيلم جبار
بس السكاكين كانت عاوزه شويه دم لانه مينفعش يسحب السكينه من بطنه وهي مغسوله برضه
كان المفروض تدبحوا اتنين من اصحابكم بجد وفعليا علشان تعوضوا نقص الامكانيات وتضيفوا جو الرعب
المؤثرات كانت روعه
الموسيقي والتصوير وكل حاجه كانت جامده جدا
ربنا يباركلكم ونسمع عنكم خير قريب باذن الله
اهلا وسهلا بحضرتك الاول
ثانيا انا مرحب باي اراء حتي ولو كانت عباره عن نقد وانا شايف انه من حضرتك نقد بناء
حضرتك ممكن تكون مش واخد بالك من المجهود الي اتعمل
حضرتك بتقول انها فكرره مكرره بصراحه يمكن حضرتك شوفت عمل قبل كده بطريقة الشورت فيلم
من اداء مجموعه من الطلبه بعضهم موهوب والاخر هواه يمكن انا مشفتوش وياريت حضرتك تقولي عليه بحيس اشوف فيه الابداع الي حضرتك تقصده
وجه الاستفاده بقي ده بتاع كل واحد وكل واحد بيبص ليه من وجهة نظره
اشكرك علي مرورك الكريم وتقبل تحياتي
كنت لسا مستني اعرف رايك يا كوداك
اهلا وسهلا بحضرتك
نتكلم بالنسبه للمكان هوا فعلا المكان ضيق وده كمان الي كان عامل مشكله مع المخرج
تقريبا الفيلم اخد يومين تصوير
كان وجود اكتر من 21 (الكاست بتاع الفيلم) في مكان واحد ده بيصعب العمليه اكتر
وفي الاخر الف شكر علي مرورك
استاذ شونري اهلا بيك في موضوعي المتواضع
بأذن الله ايمن هيدخل قريب يتكلم عن العمل الخاص بتاعه بس هوا حاليا في امتحانات ربنا معاه
موضوع نقتل اتنين فعلا من اصحابنا دي تسئل فيها المخرج اكيد هتتوصل معاه لفكره ولو اقنعته اوعدك هينفذ :b4_282:
التصويير جامد مووووووت انا بصراحه عجبني اوييي ..... و الموسيقى جامده جدااااااااا ياريت تقولنا اسم التراك ايه
و الحركات اللي الشباب عملوها حلوه جدا .... بس النهايه هي اللي زعلتني
بالتوفيق ان شاء الله
رائع بجد
التصوير تحفة
اختيار الموسيقى التصويرية عالى
تمثيل الزومبيز جامد كلهم ليهم مستقبل فعلا
المشكلة الوحيدة النهاية المأساوية للفيلم
شغال طبعا
بس أول مرة اشوف مصاص دماء ينضرب بالروصية ويقع ههههههههههه