الموضوع: مقارنة عنيفه بين ال frv والجين 2

المشاركة الأصلية كتبت بواسطة mido_soliman

حضرتك مع احترامى الكامل ليك عندك العربية دى ؟ frv ؟؟؟
لية انا بسال السوال دة لان لو هية عند حضرتك واللى بعهالك قالك ان موتورها موتور الانسر ال 1600 يبقى تروح ترميها فى وشة وتبلغ عنة كمان
يا حضرت عايزين نبقى بنتكلم صح وعن تجربة مش بنقول اى كلام وخلاص
الموتور لو فتحت الكبوت حتلاقى مكتوب علية mitsobishi technology وبس حتى العلامة بتاعة متسوبيشى مش موجودة دة معناة اية ؟؟؟؟ الموتور صينى من الالف للياء ولكن باشراف من ميتسوبيشى لكن اللى يقول انة موتور البومة ومش عارف اية دة كلام عار تمام من الصحة لان حتى مكونات الموتور مش يبانى
(طبعا دة مش معناة ان الموتور وحش العربية انا جربتها وعجبتنى جدا جدا لانها مع اعز اصدقائى وكان لازم احبها لانى بحبة :) ) بس انا بتكلم عن المعلومات المغلوطة مش اكتر
وطبعا لو جينا النهاردة نعمل مقارنة ما بين العربيتين نظرا لاسعارهم المتقاربة الاتنين اوتو ب 90000 تقريبا
حقول الجين2 لانى شايف ان كتير جدا السعر دة على عربية فى الاول والاخر صناعة صينية يمكن لما كانت ب 75000 اول دفعة نزلت فيها كانت منافسة شوية بس بردوا كماليات السعر دة كانت وحشة جدا تقريبا العربية كانت بازاز كهربا امامى وسيدى وتكييف وباور وشكرا وبردوا السعر كان عالى ( مانوال طبعا) لكن انا معرفش كماليات اللى ب 90000 اوتو دى اية بس اعقد ان كماليات ال جين2 اكتر بكتير
تحياتى

الصورة دى من موقع البريليانس الصينى نفسها
وبتوضع ان المحرك المستخدم محرك متسوبيشى


ودة الموقع ادخل بنفسك واختار الموديل وشوف
http://brilliancefrv.com
وعلى اول لما العربيه نزلت كانت ب 69 وبعد كده وصلت ل 74 وبعد كده بدأت تغلى لغايه لما وصلت للسعر الموجوده عليه النهاردة

المشاركة الأصلية كتبت بواسطة eng_ahmedryad

ياباشا أنا قولت كونتاكت من باب الدليل ليس إلا

لكن أنا كنت قريتها أول السنة دي في أخبار السيارات أهنا نازلة فعلا بموتورين 1500 سي سي و 1600 سي سي

وأنا مش بنفي وجود الموتور 1600 سي سي من ميتسوبيشي خالص

لكن بضيف أنه نزل موتور تاني مش من متسوبيشي ، وده شايفه من وجه نظري عيب مش ميزه

انا فاهم والله , انا اسف ما اقصدش اقول انك بتتكلم غلط , ووجهه نظرك فعلا صح انا مش بقول حاجة
واكيد فعلا نزلت بموتور 1500 سى سى وانا ماعرفش لأن انا مش من متابعينها اصلا ومش متابع كونتاكت لان فيه حاجات مش صح فى بعض العربيات المعروضه عليه
انا بقول على الاخبار اللى شفتها , لأن انا اخر مرة شفتها فى المصريه جرين بلازا فى الاسكندريه واللى شفتها 1600 ماشفتش ال 1500 دى خالص وحتى على النت ماشفتش حد بيتكلم عن الfrv 1500 غير كونتاكت
عموما شكرا على التوضيح ووجهه نظرك المحترمه واسف على اى ازعاج, وياريت تقبل اسفى