نصيحتي ليك متضيعش فلوسك علي الفاضي لانه الفلاتر دي بتجيب نتيجة عكسية لو ماتعملتش صح ولو عايز تحسن في الاداء فعلا يبقي التلربو او سوبر شارج بس ادفع بقي ياباشا
عرض للطباعة
نصيحتي ليك متضيعش فلوسك علي الفاضي لانه الفلاتر دي بتجيب نتيجة عكسية لو ماتعملتش صح ولو عايز تحسن في الاداء فعلا يبقي التلربو او سوبر شارج بس ادفع بقي ياباشا
ياباشا مين قال ان الفلتر مش بيجيب نتيجة انت فاهم
غلط دة لاعكس بيدى نتايج جامدة جدا
وفى واحد هنا فى المنتدى كان حاكى على واحد بتاع سيفيك
كان كل شوية واحد معاة سيفيك بردة يسبقة بفارق كبير
واكتشف فى الاخر انة الفرق عندة انة كان مركب فلتر
فراح اشترا للهوندا سيفيك
ببساطة شديدة انا قايل لو متركبش صح بيجيب نتيجة عكسية 100% ومصمم علي كلامي وده عن تجربة في اكثر من عربية منهم بي ام والفاروميو
وخاصة لو اتركب من غير(cold air intake) هيسحب هوا سخن من حوض الماتور وزي مانتو عارفين الهواء السخن كثافته عالية وكل مالكثافة زادت كل ماكانت الكمية الممكن سحبها وضغطها داخل البساتن اقل ......
في كمان جدال كبير ان فلاتر k&n تسبب سرعة خراب afm وده بسبب الزيت الخاص بفلتر الهواء
الفلتر ده بيجيب نتائج حلوة لو راكب انتر كولر ذى في حالة استعمال التيربو
وده رد موقع k&n علي المشكلة دي
http://www.knfilters.com/news/news.aspx?ID=422
هو طبعا مفيهاش كلام لو ركب تيربو لعربية مش متصممة من المصنع علي انها تيربو هي اثر عليها بالسلب طبعا حتي لو كان تيربو صغير ومحسوب صح وحتي التيربو عموما فلس في التصميم قصدي عندك مثلا عربية 2.0 L 155Hp بدون تيربو وعندك عربية ثانية 1.6 L تيربو 155 Hp يرده هاتختار اي واحدة من حيث الكفاءة انا عن نفسي اختار الي بدون تيربو وانا مغمض
بس عندنا في مصر ودول كثيرة بالعالم الضراءب والجمارك بتحسب علي اساس السعة اللترية في الحالة دي الافضلية ها تبقي نوعا ما لل 1600 التيربو لان جماركها اقل وضريبتها اقل
:rfds:
http://www.autoblog.com/2005/09/07/h...-filters-work/
ده كمان اختبار يبين ضالة الفائدة من الفلتر مقابل الضرر علي الماتور ده طبعا في حالة k&n+cold air intake
ومعلش طولت عليكم
كلامك هو الصح ياباشا انا عكست قصة الحجم والكثافة
يعني مفيش حد علق ثاني وقالي والله كلامك صح ولا يمكن غلط!!
بس انت بتتكلم عن حالة خاصة و هى تركيب الفلتر بشكل يخلية يسحب هوا سخن... الاصل ان انت بتركب الفلتر عشان تزود الاداء بالتالى من المنطقى انك تركبة بعيد عن مصادر الحرارة و بالتالى حتستفيد من الفلتر و اداء المحرك حيتحسن
MMamdouh
طب وايه رايك في
1- الفلتر الرياضي مابيفلترش بنفس كفائة فلتر المصنع
2- زيته ممكن يسبب تلف للafm
3-سعره غالي نسبيا
4-يحسن الاداء بنسبة ضئيلة
بعد كله ده ميتهيئلي هيدخل هواء اقل نظافة للماتور ولو ب10% زيادة
ولو المصنع شايق ان الفلاتر دي مطابقة للمواصفات ما كان ركبه علي العربية في علبة الهواء علي الاقل!!!!
:S_thum1[1]:
مهو دة السبب انه بيدخل هوا اكتر اضافة الى حجمة الاكبر... لكن الموديلات اللى فيها زيت بتفلتر كويس مقارنة بالانواع اللى مفيهاش زيت
ممكن... مش شرط... و انا عربيتى فيها MAP بالتالى معنديش مشكلةاقتباس:
2- زيته ممكن يسبب تلف للafm
horse power doesn't come cheapاقتباس:
3-سعره غالي نسبيا
و انا جايب فلتر ب 50 جنية
مقارنة سهولة التركيب و التكلفة... الموضوع مقبول... قارن تكلفة الهيدرات مثلا بالزيادة فى الاداء و الوقت المطلوب للتركيب مقابل الزيادة فى القدرةاقتباس:
4-يحسن الاداء بنسبة ضئيلة
فى مقابل زيادة فى الاداء... زى الشكمان بيبقى زيادة اداء على حساب الصوت و العفشة الرياضية بتبقى اداء على حساب الراحة و هكذااقتباس:
بعد كله ده ميتهيئلي هيدخل هواء اقل نظافة للماتور ولو ب10% زيادة
every thing in life is a compromise
المصنع يهمة فى الاساس ان العربية يبقى صوتها واطى على حساب الاداء بالتالى مش حينزل عربية بفلتر زى كدةاقتباس:
ولو المصنع شايق ان الفلاتر دي مطابقة للمواصفات ما كان ركبه علي العربية في علبة الهواء علي الاقل!!!!
و K&N عندها OEM replacements و بيعتمد على نسبة الزيت اللى فى الفلتر لتعويض المسام الاكبر
MMamdouh
ممدوح باشا عندي الرد علي كلامك كله بكرة ان شاء الله
بس مبدئيا احنا بنحاول ندوح الصورة عن تجربة وعلم وبعد كدة الي عايز يركب هيركب والعكس صحيح
بس عندك الكورفيت مع ان صوتها رياضي لكن مبتنزلش من المصنع بفلتر رياضي زي كي ان!!!!
http://www.bmwe34.net/E34main/Upgrade/Air_filter.htm
ايه رايك في السابت ده هاتقول ايه المرة دي
علي فكرة الموقع ده متابعه مت 10 سنين موقع جامد وموثوق به
طبعا يا باشا و انا سعيد بالمناقشة دى لانك بتقول كلام علمى موزون ووجهات نظر صحيحة 100%
الكورفيت اصلا مش عربية ركوب عادية... دى عربية رياضية و بالتالى الفلتر اللى فيها (كذلك الشكمان و نظام التعليق) يختلف تماما عن اى عربية عادية و حيبقى ميال اكتر للاداء الرياضى على حساب الصوت و الراحة
الفلاتر الرياضية مفيدة اكتر فى العربيات العادية لان التركيز بيبقى على عنصر الراحة و الهدوء على حساب الاداء
MMamdouh
الكلام اللى كاتبينة وجع بطنى :120146b بس رد K&N مقنع جدا برضة
و جزئية الK&N مع BMW بالذات انا سمعتها قبل كدة... واضح ان BMW عاملين حساب كل حاجة و اى تعديل فى اللى هما عاملينة بؤدى لنتائج عكسية...
بس فى العربيات الشعبية اللى عندنا اعتقد الموضوع مش دقيق اوى كدة و الفلتر حيعمل فرق ايجابى بشرط يركب بعيد عن مصادر الحرارة
على الاقل الواحد دلوقتى عرف ليه فلتر الK&N ب 450 جنية و الفلتر الصينى ب 50 جنية... و كدة حبداء ادور على فلتر K&N بدل الصينى الجربان اللى عندى
MMamdouh
يا جماعه لية تعب القلب دا كلة ....
التجربة خير دليل ....
مبدئيأ .... اكتر عربيات في الدنيا حساسة هي الفرنساوي ....
العبد لله مركب علي ميجان ( عربيتي ) ... وركبتة علي 307 وعلي 207 توربو وعلي ستروين سي 4....
كل العربيات دي عدت اللي 10.000 كيلو بالفلتر ....
مفيش فيهم مشاكل ... اداء اسرع من ال stock .. وشفت بعيني محدش قالي....
دا بخصوص العربيات الحساسة....
طيب الطبيعي ....
الهوندا ... اوكتافيا ... جولف 5 .... ليون الجديدة .... A3 2008 ... فكتيرا واسترا الجديدة .... واخيرا الاسبوع اللي فات علي 330 الجديدة ... وركبتة في صلاح سالم في الشارع قدام بريدجستون....
يا جماعه في فرق مش طبيعي ... انتوا بتتكلموا ازاي ... دا عن تجارب قبل وبعد ... وكلها فلاتر K&N واسعارها غالية....
بورسعيد كل الهوندات فيها مركبة فلاتر من سنين ... مسمعناش ان الكفاءة قالت او الموتور اتخنق ... والكلام دا..
مع كل احترامي وتقدير للكل ما تم ذكرة ... ولكن التجربة الشخصية علي العربيات المذكورة خير شاهد ودليل علي نتيجة تركيب الفلتر.
اسمحلي يابيه عملت قياس لاي عربية من دول علي الدينو للتاكد من الدياجرام لل ار بم مع العزم(torque)+hp مع ملاحظة درجات الحرارة المختلفة مع اخذ القراءات
وبعدين احنا قلنا حتي لو هيحسن الاداء هيكون علي حساب جودة الفلترة للهواء ودخول كمية اكبر من الاتربة والملوثات air intake +cylinders
طب ايه اللي بيخللي الكي اند ان يفرق في الاداء عن السيموتا مثلا او الفلاتر الصيني؟
ما الفكره واحده
بعيدا عن عامل السعر
هي النقطة الاهم هو ان الفلتر الk&N بيفلتر الهواء احسن من الانواع الصيني في الاغلب وفلتر المصنع هيفلتر اكثر من الاثنين
انا عارف ان اللى هقولوة هيخلى ناس كتير تهاجمنى...... لانى هتعرض لواحدة من ثوابت المنتدى بس هقول ورزقى على الله
انا ضد الفلتر الرياضى شكلا و موضوعا
وعن تجربة ......! ازاى ؟
انا وصاحبى اشترينا 2 موتوسيكل زيرو( نفس الماركة نفس السعة نفس السرعة ) وجيت انا شايل الفلتر الاصلى وركبت ذى مبيقولو رياضى وطلعنا جربنا الموتوسيكلين بتاع صاحبى سبقنى بمسافة كبيرة ( الموتوسيكل بتاعى مبقاش فية عزم خالص بقى هبطان بس صوت محصلش ) وعلى الفاضى ( ويمكن الصوت العالى هو اللى بيدى ايحاء بالسرعة ) رجعت ركبت الفلتر الاصلى تانى الموتوسيكل اتظبت تانى .
طيب حد هيقولى اية دخل الموتوسيكل فى العربيات ؟ فارد علية الاساس واحد ( واحد بستم او اربعة بستم ) مبتفرقش
ولاكن التجربة على بستم واحد اوضح فى النتائج
ولذلك اى حد شاكك فى كلامى يجرب على عربيتة من 0 الى 100 ك فى اد اية بالفلتر الاصلى وبعدين يجرب بالرياضى او من غير فلاتر خالص ( وقت التجربة) ويقولنا النتيجة
( طبعا ميكونش الفلتر بتاعك مكتوم اصلا ) .
لانى لما جربت على عربيتى لانوس 2008 لاقيت الفلتر عمل نتيجة عكسية ( صوت عالى ومفيش عزم خالص )
وايضا شيل الفلتر بتاعك بعد 10000 ك وبص على كمية التراب والسواد وتخيل ان كل دة هيبقى جوة الموتور لو مركب فلتر رياضى .
مستنى رايكم ولاكن اكرر بدون هجوم عليا .
آسف إني أقول لحضرتك إن كلامك الخاص بموضوع إن كثافة الهواء الساخن مرتفعة خطأ و متناف مع مبادئ و قوانين ال Thermodynamics بالعكس تماما إن الهواء البارد كثافته اعلي...عملية احتراق الوقود هي عبارة عن تفاعل كيميائي و نوعه تفاعل اكسدة طارد للحرارة. والمتحكم الرئيسي في التفاعل هو الHydrocarbon أي الوقود المستخدم ولذلك يتم الحفاظ علي نسبة الأكسجين الذي بالطبع مصدره الهواء الجوي بنسبة أعلي من الكمية الكافية للتفاعل و ذلك لضمان الإحتراق الكامل للوقود..و من هنا كلما زادت كمية الهواء زادت كفاءة الإحتراق (طبعا لحد معين) و يأتي دور كثافة الهواء..حيث كلما قلت درجة الحرارة زاد عدد المولات(Number of gas moles) لنفس الحجم تبعا للقانون العام للغازات:
P.V. α n.T , where:P: Gas pressureV: Volume of Gasn: Number of moles of gasT: TemperatureSo.. n α 1/Tولهذا السبب ايضا كانت حساسات الهواء (و ليس الAFM) في العادم اي بعد المحرك و ليس قبله و ذلك لقياس كمية الاكسجين الزائد..درجة حرارة الهواء ايضا لازم متكنش قليلة جدا بسبب ان تبريد الهواء الزائد يؤدي الي تكثف بخار الماء الموجود اصلا في الهواء مما يترتب عليه حدوث نحر للvalves أو المكابس نفسها..اتمني اكون وضحت الموضوع شوية
حضرتك ما قريتش الموضوع بالكامل!!
انا فعلا عكست كتابة المعلومة وتم تعديلها في الصفحة 2 والشكر
شكرا يا هندسة
اولا مينفعش تقارن موتورسيكل بعربية... صحيح النظرية الميكانيكية واحدة فى الاتنين بس فيه فرق شاسع جدا فى تصميم مداخل هوا الاتنين و فيه فرق اكبر بكتير فى كمية الهوا اللى بيسحبها موتور العربية و موتور الموتوسيكل... و هو دة السبب ان فلتر الهوا يفرق فى العربية و ميفرقش فى الموتوسيكل
لاحظ كمان ان الفلتر الرياضى ممكن ياثر شوية على العزم فى لفات قليلة و دة ممكن يكون السبب اللى اثر على اداء الموتسيكل بتاعك بشكل ملحوظ... موتور الموتوسيكل بيبقى السى سى بتاعة قليل بالتالى عزمة اصلا قليل و لما تقللة كمان حياثر بشكل كبير على الاداء
فى العربية الوضع مختلف لان العزم اكبر بكتير و بالتالى الفقد فى العزم تاثيرة بيبقى قليل مقارنة بالزيادة فى القدرة
MMamdouh
في الموتسيكلات الحديثة بالذات(injection) لو عملت اية تعديلات (فلاتر رياضية-هيدرز-شكمان) علشان تاخذ نتيجة كويسة لازم تضبط المابينج بقطعة مشهورة (power commander) ويفضل علي الدينو طبعا والموضوع ده بيبان تاثيره في الموتسيكلات وخاصة الريسينج ال4 سلندر علشان هو مضبوط من المصنع علي الشعرة زي العربيات عالية الاداء (بورش_فيراري)
على فكرة انا جربت الفلتر الرياضى على العربية وحسيت بفقدان العزم بطريقة ملحوظةاقتباس:
فى العربية الوضع مختلف لان العزم اكبر بكتير و بالتالى الفقد فى العزم تاثيرة بيبقى قليل مقارنة بالزيادة فى القدرة
لاكن ممكن نقول انة بيضيع العزم على عدد لفات موتور قليلة ( واللى هو ضايع اصلا فى اللانوس ) وعلى اللفات العالية بيعوض ؟؟؟؟؟؟؟؟؟؟
لآ برضة !!!
ازاى؟؟؟؟؟
بالتجربة
من 0 الى 100 ك بالفلتر الاصلى فى 14 ثانية
من 0 الى 100 ك بالفلتر الرياضى فى 15 ثانية
كلامك صحاقتباس:
في الموتسيكلات الحديثة بالذات(injection) لو عملت اية تعديلات (فلاتر رياضية-هيدرز-شكمان) علشان تاخذ نتيجة كويسة لازم تضبط المابينج بقطعة مشهورة (power commander) ويفضل علي الدينو طبعا والموضوع ده بيبان تاثيره في الموتسيكلات وخاصة الريسينج ال4 سلندر علشان هو مضبوط من المصنع علي الشعرة زي العربيات عالية الاداء (بورش_فيراري)
انا لما جربت اغير الهيدرز بواحد اكبر واوسع برضة حصل تأخر ملحوظ فى الادأ
ملحوظة الموتور 4 stroke
انما لما غيرت هيدرز لموتور فسبا 150 cc بواحد بتاع موتور 200 cc كان التحسن للافضل أقصى سرعة كانت 90 ك اصبحت 120 ك
بس توجد ملحوظة هامة وهى الفسبا موتور 2 stroke بكربراتير .