الموضوع: خواطر قبل الحادثه

حمدالله على سلامتك وربنا ستر
حفظك الله دائما ان شاء الله

الحمد لله عدت على خير

انا متخيل كل اللى حصلك وكل اللى انت حسيت بية لأنى حصلى موقف أنيل من كدة من حوالى 8 سنين وفاكرة زى ما يكون امبارح

كنت بوصل واحد الموقف وخارج من الموقف كنت ابتديت اخد سرعة عالية و وانا فى الميدان عربية على جنب خالص على شمالى بتنزل ركاب و فى أقصى الميدان يمين قبل الصينية عربية ميكروباص تانية بتتحرك و تخيل بقى واحد نازل من العربية دى بيجرى يقطع الشارع علشان يلحق العربية التانية اللى بتتحرك .. مسافة حوالى 15 أو 20 متر

من ستر ربنا طبعا انى شوفتة اول ما طلع من ورا العربية اللى نزل منها وايدى على الكلاكس ورجلى فرامل على الأخر وهوا منة لله بقى فضل يجرى يجرى زى ما هوا وعلى ما خد بالة راح واقف قدام العربية بالظبط بالرغم من صريخ العجل وصوت الكلاكس و يدوب سند على كبوت العربية مشيت بية حوالى نص متر لكن محصلوش حاجة الحمد لله

العربية زحفت بتاع خمسة متر ولا حاجة مش فاكر بالظبط

بس فى الثانية ولا اتنين دول جالى كمية خواطر رهيبة زى ما حصل معاك كدة

خبطتة والراجل حصلة حاجة روحنا القسم مصيبة وانا اصلا كنت مكسل اطلع الرخصة وكمية خواطر بصراحة مش ممكن ، سبحان الله والله

وكل ما احكى لحد كمية الخواطر دى ميصدقنيش لحد ما يحصل معاة نفس الموقف ويقولى كان عندك حق

ونزلت انفجرت طبعا لا اراديا صوتى كان جايب اخر الميدان وقعدت اشتم فية بدون وعى ، الراجل بقى مرعوب لدرجة انى برفع ايدى اسند على الباب افتكرنى هضربة وراح قاعد فى الأرض مع انة كان هضبة

لكن بمجرد ما ركبت ومشيت كنت هنهار

والله سبحان الله ، حتى الناس اللى كانو معايا مبقوش مصدقين انى صوتى بيطلع كدة وفضلو متنحين لحد ما نزلو لأن عمرهم ما شافونى بزعق لكن الواحد مع كل الأفكار اللى بتجيلة فى لحظات بيبقى بنى أدم تانى