الموضوع: حادث قطار " كلاكيت المرة المليون "

فاكرين السنة اللى قبل اللى فاتت لما المفتى السعودى طلع و شاف الروءية غلط
"حتقولولى ايه علاقته بالموضوع "
ساعتها المفتى راح مقدم استقالته عشان شاف انه غلط غلط فظيع
بصراحة لو عندهم دم يعملو زى الراجل ده
فين المسئولين و لا هما يكلو و ينامو بس .
كام حادثة قطار و برده مبنتعلمش
و الله المفروض يستقيلو زى الراجل ده

المشاركة الأصلية كتبت بواسطة col. Eng. Khaled

معالي الباشا لم أقصد التشكيك في كلامك أبداً
كلامي عن المصرح بالكلام (كلام المصدر و ليس أنت).

يا باشا و لا يهمك

المشاركة الأصلية كتبت بواسطة kingtefa

كلامك صح و 100%
بس ليه محطتش كمان فى اعتبار حضرتك عسكرى المرور " عارف انه اكيد مكنش عارف "
بس لو كان مراعى شغله صح و بيفهم
لما يلاقى قطر ماشى بالسرعة الجنونية دى و مش ميعاد قطرات يروح موقف السكة بأى طريقة

يا باشا ..... ما هو أحنا أصلا مش عيال صغيرين علشان عايزين كل حاجة يبقى فيها واحد يرشدنا .

فيه مزلقانات كتيرة معليهاش عساكر زي مزلقانات الترام اللي في مصر الجديدة مثلا .

أنت كشخص و ناوي تعدي الشارع ....... المفروض بتعدي بعد ما تبص .
بس فيما يبدوا أن المشاة ......... و السواقين بيعدوا من غير ما يبصوا .
يبقى العيب على اللي عدى من غير ما يبص .......... و من غير ما يتأكد من سلامة الطريق .

معلش أعذرني ....... لأن أحنا عايشين في سيرك كبير و لازم نحدد مسئوليات الناس اللي غلطانة .
مش كل حاجة نرميها على الحكومة أو سواقين القطارات .
الناس لازم تفكر في سلامتها ...... قبل ما تعمل البلاوي اللي أحنا بنشوفها في الشوارع .

المشاركة الأصلية كتبت بواسطة mohammed_adel_amin

انا النهارده في واحد معايا في الشغل جاي بيقول ان الناس كانت متقطعة ومترمية على الأرض والدم كان منظره مرعب ...ربنا يستر .

حسبنا الله ونعم الوكيل فى كل من يتسبب بمثل هذه الكوارث
اللهم ارحمهم واحفظنا يارب العالمين

المشاركة الأصلية كتبت بواسطة tutankhamoun

يا باشا ..... ما هو أحنا أصلا مش عيال صغيرين علشان عايزين كل حاجة يبقى فيها واحد يرشدنا .

فيه مزلقانات كتيرة معليهاش عساكر زي مزلقانات الترام اللي في مصر الجديدة مثلا .

أنت كشخص و ناوي تعدي الشارع ....... المفروض بتعدي بعد ما تبص .
بس فيما يبدوا أن المشاة ......... و السواقين بيعدوا من غير ما يبصوا .
يبقى العيب على اللي عدى من غير ما يبص .......... و من غير ما يتأكد من سلامة الطريق .

معلش أعذرني ....... لأن أحنا عايشين في سيرك كبير و لازم نحدد مسئوليات الناس اللي غلطانة .
مش كل حاجة نرميها على الحكومة أو سواقين القطارات .
الناس لازم تفكر في سلامتها ...... قبل ما تعمل البلاوي اللي أحنا بنشوفها في الشوارع .

كلام حضرتك صح بس للاسف معظم السواقين بيكسلو و بيقولو مهو فى عسكرى اكيد شايف و عارف المواعيد

فيديو تغطية الحادث من قناة الحياة:

Rapidshare

http://short-link.110mb.com/223.htm

منقول

لا حول ولا قوة الا بالله

القطار كان بدون سائق القصة الحقيقيه
كالتالى
القطار كان تحت الأصلاح فى ورشه القبارى
واثناء تجربه القطار
تم أعطاء القطار السرعة الخامسة للتعجيل بشحن الهواء لتجربة القطار والفرامل مشدوده (فرامل القطار فرامل تعمل بالهواء)
انتهز السائق فرصة شحن الهواء ونزل للأطمئنان على الجرار من الخلف
وللأسف حلت الفرامل وتحرك القطار بالسرعة الخامسة
وحاول السائق اللحاق بالجرار ولكن دون جدوى
فما كان عليه الا أن يقوم بالأتصال بالمحولجيه على الطريق لتجنب كارثة محققه
وبالفعل أستجاب كل من محولجى مزلقان القبارى ومحولجى مزلقان محرم بك ومحولجى مزلقان المطار وتم غلق الأشارة لأفساح المجال للقطار الهارب ولكن لم يستجيب محولجى مزلقان جرين بلازا وحدثت الكارثة
وحاليا كل من السائق ومحولجى جرين بلازا رهن التحقيق
هذه القصه من على لسان أحد المقربين من السائق (قريبه من الدرجة الثانية)
الدرس المستفاد من هذه الكارثه
لا يوجد عندنا نظام مواجهة الطوارىء
الأهمال لا يولد الا كوارث