كيف انظف دورة البنزين

**ahmedshehata45** · 17-05-2009 11:35 PM

الف تحية لكل الاخوة ارجو ان تخبرونى كيفية تنظيف دورة البنزين عشان كل شوية العربية عطلانة بعد اما تنك النزين اتفك عشان كنت بشد العربية مع العلم اننى لم افعل بالمحرك الا اشياء بسيطة مثل تغيير جوانات فقط حيث كان الموتور شغال عشرة على عشرة ولم تحدث هذه الاعطال الا بعد عملية تجديد العربية اللى استمرت 3 شهور حيث ان دورة البنزين بها الكثير من الشوائب الان فما الحل عشان كل شوية الواحد يفك عمة الموتور ويسحب البنزين بفمه لتسليك دورة البنزين ثم اضع بعض البنزين فى الكربرتير ثم تشتغل العربية فما الحل

**ahmedshehata45** · 18-05-2009 10:03 PM

ايه يا جماعة مفيش ولا رد واحد متعودناش على كدة فى منتدانا الرائع

**samirayad** · 18-05-2009 10:12 PM

لنظافة دورة البنزين لعربيه ذات كربوراتير عادى ( طالما كنت لسه فاكك التنك فيبقى نظفته ) وكده مفيش قدامك غير تغيير الفلتر ونظافة الكربوراتير

**medohai510** · 19-05-2009 11:04 AM

لنظافة دورة البنزين لعربيه ذات كربوراتير عادى ( طالما كنت لسه فاكك التنك فيبقى نظفته ) وكده مفيش قدامك غير تغيير الفلتر ونظافة الكربوراتير
الكلام تمام لو العربية كربوراتير أما لو كانت أنجكشن يا باشمهندس سمير أفضل أسلوب لتنظيف دورة البنزين يكون أية؟ وشكراً

**ahmedshehata45** · 19-05-2009 12:17 PM

الف شكر للجميع بس ان لسة منظف الكربرتير والمشكلة زى ما هى وكل شوية العربية عطلانة

**mohamed_rhem** · 19-05-2009 04:31 PM

بص يا باشا
يتفك الخرطوم اللي داخل الكاربرتير اللي جاي من التانك ويتحط فيه كمبريسور هواء وطبعا لو عندك خرطوم فايظ نفس الكلام بس الكلام ده تعمله وانت فاتح غطاء التانك

وبكده تكون نضفت الخراطيم

ارجو ان اكون افدتك

**samirayad** · 19-05-2009 11:47 PM

طيب ماتراجع على رباط خراطيم البنزين اللى رايحه من التنك للكربوراتير تانى ( يمكن الميكانيكى مربطهاش كويس .....بعد ماركبت التنك ....وده وارد جدا )

**ahmedshehata45** · 20-05-2009 12:20 AM

الخراطيم متربطة كويس بس ل من الممكن ان تكون هذه الاعطال المستمرة بسبب طرمبة البنزين يا ريت تفيدونا يا ايها المتخصصون او من لديه خبرة وشكرا

**nabaster** · 20-05-2009 01:48 PM

المشاركة الأصلية كتبت بواسطة ahmedshehata45

الخراطيم متربطة كويس بس ل من الممكن ان تكون هذه الاعطال المستمرة بسبب طرمبة البنزين يا ريت تفيدونا يا ايها المتخصصون او من لديه خبرة وشكرا

ممكن تكون الطلمبه مع الحر باظت حاول تجرب طلمبه بتاعة حد معرفه وان كان فعلا العيب منها غيرها

لان الموضوع ده ليه جوااااااااااانب وبيبان بالعبيييييط واسألوني انا