بنزين 95 ولا بنزين 92؟؟

**_hany_** · 18-05-2009 01:50 AM

انا يا شباب عايز أستشيركو في موضوع البنزين،

انا من أول ما اشتريت العربيه قلت أدلعها عشان أول خلفتي، ففولتها لحد دلوقتي تفويلتين 95 و ماشي بيها حوالي 700 كيلو، و العربيه اداءها ما شاء الله عالي جدا، بس انا بفكر انزل لبنزين 92، فهل ده يأثر على الموتور أو هيقلل أداء العربيه؟
مستني آراءكم..

**beggo** · 18-05-2009 03:19 AM

no it wan't effect your engine or the performance, but if you want my advise keep on using 92

**beggo** · 18-05-2009 03:20 AM

no it wan't effect your engine or the performance, but if you want my advise keep on using 92

**M.Mosaad** · 18-05-2009 09:22 AM

هو طبعا اعتقد هيقلل اداء العريه شوية بس في الكانالوج بيوصوا ب 90 كمان

**عمرو عمارة** · 18-05-2009 10:10 AM

هو تقريباً مش هتحس بفرق جامد عشان الموتور ما شاء الله قوي

**hhhmmmzzzz** · 18-05-2009 03:44 PM

بنزين92جميل بس مشكلتك انك جربت95فى الاول
انا كنت شايف انك تحط92الاول وبعد كدة95 عشان تحس بالفرق
دلوقتى ممكن تحس بفرق اداء مش فى صالح العربية
وفى الاول والاخر نصف البنزين اللى موجود فى البلد بيغشوه ومين عارف ولا مين يدور(حاول بقدر الامكان التمويل من بنزينة معتاد عليها)
بس انا شايف92 بيقضى الغرض على اكمل وجه وفرق جنيه تقريبا كتير فى اللتر الا اذا كانت عندك مناسبة (فرح او سفر مثلا)وعايز تعمل حركات وكدة

**_hany_** · 18-05-2009 04:36 PM

شكرا يا شباب على الردود.
انا هجرب ال 92 و هشوف ايه الاخبار و أقلكو..

**MoToRiZeR** · 18-05-2009 05:05 PM

عن تجربة .

مش هتحس بأي فرق غير إن 95 بيدي نعومة أكتر للموتور و بيهدي صوته شوية .
إنما أصلاً العربية تاخد 90 بدون مشاكل ( هتلاقي مكتوب كدة في الكتالوج و علي باب التانك )

و لذلك يفضل تستخدم 92 لأن أصلاَ البنزين عندنا مغشوش فعلاَ
انا غيرت فلتر البنزين في الكليو لأن حسيت السحب مات و الراجل اما طلعه عامل زي ما يكون غطا بلاعة مش فلتر بنزين .. بلاوي زرقة فيه .

تجربة ال 95 كانت في السيريون .