عاوز دفندر امامي

**Adham** · 28-09-2007 10:32 PM

عاوز اشتري دفندر امامي لسيارة 4*4
وممكن طقم كامل بالاعتاب و الخلفي
حد يعرف مكان بيبيعهم بسعر كويس؟؟ و في رينج كام؟ يعني السعر الكويس فيهم كام
انا عاوزهم لفرونتيرا , يعني بتاع الشيروكي بيبقى مسطح قوي عليها , يفضل زي بتاع الماتريكس او الباجيرو

لو مستعمل و حالتة كويسة برضة ماشي

وشكرا ليكم مقدما

**اسلام المصرى** · 28-09-2007 11:49 PM

أنا أعرف بس يا أستاذ أدهم واحد فى وسط البلد فى شارع معروف أول ماتخشه على أيدك اليمين كذا محل ورا بعض وعندهم كل حاجة ولو ماعندوش يعملك وبالنسبة للسعر للأسف ماعنديش فكرة لم أتعامل معهم من قبل بس ناس كتير راحت هناك وركبت وانبسطت :) وطبعا لازم تفاصل , أكيد حد من الأخوة هنا فى المنتدى مجرب و ممكن يفيد حضرتك أكتر منى , وربنا يوفقك حضرتك ويكفيك شر الطريق.

**عاشق الفولفو** · 29-09-2007 03:23 AM

واحد فى وسط البلد فى شارع معروف

هو اسم الشارع(( معروف)) !! ياريت لو تقول لي العنوان بالظبط وم شكوور

**اسلام المصرى** · 29-09-2007 03:44 AM

أيوه يا سيدى الفاضل :) هو أسم الشارع "شارع معروف" اللى على اول ناصية يمين موجود فيه محل كشرى أبو طارق :) من كوبرى 6 اكتوبر حضرتك هتنزل منزل رمسيس على ايدك اليمين هتلاقى معرض الرواس بتاع اللانسر وبعديه اول شارع يمين تخش فيه اول ماتخش الشارع هتلاقى على ايدك اليمين اكصدامات نيكل .......الخ متعلقة أشكال و احجام ذى ما أنت عايز وطلبك عندهم ان شاء الله , لو تهت أسال اى حد شارع معروف فين 1000 واحد هيدلك عليه :)

**عاشق الفولفو** · 29-09-2007 06:18 AM

معلش اصل انا مش دايس اوي في وسط البلد
الف شكر ياباشا :) انا كدة وصلت

**Adham** · 29-09-2007 05:56 PM

أيوة ايوة انا عديت مرة من هناك و انا داخل شامبليون من أول شارع رمسيس و انت جاي من التحرير
لقيت واحد عالشمال سألتة على دفندر امامي معلقة عالحيطة قام قاللي 1050 قمت سايبة و ماشي :P

انا مش شايف ان دة سعر طبيعي لدفندر امامي