معلش توضيح بسيط عايز أشاركم فيه لأني لاحظت الخلط بين أنواع و مسميات الأوتوماتيك الخاص بفيات.

نظام الناقل في فيات هو Dualogic مش (easytronic or tiptronic) و القصة هنا مش بس إسم تجاري إنما إبتكار مش موجود غير في فيات و أوبل و بي إم و الألماني النضيف عام.

الأنظمة الأخري هي في الأصل اوتوماتيك جيربوكس بمعنى أخر تحتوي علي ( Torque converter) و هو الوحدة المسؤلة عن نقل الحركة بين المحرك و الجيربوكس في السيارات الأوتوماتيك و هنا يحدث الفقد في الطاقة حيث أنه أقل كفائة من الكلاتش (الاسطوانة و الدسك التقليدية) في نقل الحركة.

و هنا يظهر إبتكار فيات حيث أن نظام دويلوجيك يحتوي علي كلاتش مما يحافظ علي عزم السيارة تماما مثل المانوال. من الأخر هو نظام مانوال بس كمبيوتر العربية هوة إلي بيدوس دبرياج و ينقللك من غير متشوف حاجة (مافيش دواسة دبرياج).

مش بس كدة الكمبيوتر دة بيعرف إنت نازل منزل ولا طالع مطلع و يظبط الغيار طبقا للوضع الأمثل.

كمان بيحسبلك أكثر غيار كفائة من حيث الأداء و استهلاك الوقود و ينقلك.

الكبير كبير و فيات كبيرة.

النظام ده في مصر في الجراند بونتو و اللنيا و ال500 و البرافو الأوتوماتيك.