الموضوع: فيات Dualogic مش أى أوتوماتيك

المشاركة الأصلية كتبت بواسطة ahmed taha

معلش توضيح بسيط عايز أشاركم فيه لأني لاحظت الخلط بين أنواع و مسميات الأوتوماتيك الخاص بفيات.

نظام الناقل في فيات هو dualogic مش (easytronic or tiptronic) و القصة هنا مش بس إسم تجاري إنما إبتكار مش موجود غير في فيات.

الأنظمة الأخري هي في الأصل اوتوماتيك جيربوكس بمعنى أخر تحتوي علي ( torque converter) و هو الوحدة المسؤلة عن نقل الحركة بين المحرك و الجيربوكس في السيارات الأوتوماتيك و هنا يحدث الفقد في الطاقة حيث أنه أقل كفائة من الكلاتش (الاسطوانة و الدسك التقليدية) في نقل الحركة.

و هنا يظهر إبتكار فيات حيث أن نظام دويلوجيك يحتوي علي كلاتش مما يحافظ علي عزم السيارة تماما مثل المانوال. من الأخر هو نظام مانوال بس كمبيوتر العربية هوة إلي بيدوس دبرياج و ينقللك من غير متشوف حاجة (مافيش دواسة دبرياج).

مش بس كدة الكمبيوتر دة بيعرف إنت نازل منزل ولا طالع مطلع و يظبط الغيار طبقا للوضع الأمثل.

كمان بيحسبلك أكثر غيار كفائة من حيث الأداء و استهلاك الوقود و ينقلك.

الكبير كبير و فيات كبيرة.

النظام ده في مصر في الجراند بونتو و اللنيا و ال500 و البرافو الأوتوماتيك.

الإيزى ترونيك هو الدولوجيك ... أو بمعن أدق هو السيلسبيد إللى نزل فى الألفا روميو 156 لأول مرة ..
و أوبل بتصنعه بالتعاون مع فيات ...
و السيلسبيد إطور تحت إسم دوالوجيك ....

و النظام ده يوجد فى مصر فى الجراند بونتو فقط ....
منزلش فى مصر فى أى عربية فيات تانية ... و المفروض هينزلوه

أضيف الى ذلك, ان ذلك الابتكار الذى غير وجه علب التروس من ابتكار شركة ماجنيتى ماريللى التابعة لفيات (فرع فيات لتطوير التقنيات المتقدمة), و نزل فى الأول فى سباقات الفورمولا واحد, ثم قررت فيات نقله الى الطرقات العادية لأول مرة مع الالفاروميو 156 سيلسبيد.
و بدأت شركات كثيرة منها بى ام دبليو و اوبل فى تطوير علب تروس متشابهة بالتعاون مع فيات, و فتيس بى ام دبليو تم تطويره بالتعاون مع فيات تماما و من النسخة الأولى من سيلسبيد.
و لم تقف فيات عند ذلك, فقامت بتطوير نسخة ثانية تعمل باسطوانتين بدلا من واحدة مما ارتفع بسرعة النقل الى 1/60 من الثانية و 1/100 فى الثانية (لكى نتخيل الموقف, العين ترى بسرعة 1/24 من الثانية, يعنى لو افترضنا اننا طلعنا الفتيس ده بره و اتفرجنا عليه و هو بينقل مش هنشوف الاسطوانة بتتحرك و انما بينقل بطريقة سحرية!), و الفتيس ده موجود فى فيرارى كاليفورنيا الجديدة.

المشاركة الأصلية كتبت بواسطة amrbakly

علي فكرة يا شباب هو في الأساس إختراع مرسيدس في أول اية كلاس نزلت تقريبا من 10 سنين

كانت مانيوال و بدون دبرياج

انا طول عمري كنت بسأل السؤال دة

لية لزمة الدبرياج اساسا ؟

ممكن ببساطة تخلي الدبرياج شغال أوتوماتيك و انت مش دايس علي اي دواسة و معتقدش انه معقد تكنولوجيا كدا، لأن كل ما تدوس علي اي دواسة بدرجة اكبر كل ما الدبرياج يفصل اكتر لحد ما يفصل خالص

بس السؤال للناس اللي معاها عربيات بالنظام دة، هل في عربية بالنظام دة بتكون فراملها مش اية بي اس؟

لأني اعتقد ان الفكرة دية تضعف الفرامل بما ان الدبرياج بيفصل اوتوماتيك

و للعلم الفتيس اللي موجود في الجراند بونتو فية اوتوماتيك و مانيوال

بس الأتوماتيك بتاعة إن و أر يس مفيش فية بي و لا إل و لا اي حاجة تانية

لا مرسيدس لم تصنع مثل هذا النظام البتة,
اللى موجود فى مرسيدس شبيه بالTiptronic, و ده نظام عملته بورش, و هو عبارة عن فتيس اوتوماتيك عادى شغال بمحول عزم مش اسطوانة دبرياج, و لا صلة له بالنظام اللى بنتكلم عنه, و موجود منذ زمن بعيد.
السيلسبيد فى الفاروميو 156 كان اول تطبيق لهذا النظام,
Alfa Romeo's Selespeed in 1999 was the first sequential transmission in a "normal" car, derived from the
Ferrari system
http://en.wikipedia.org/wiki/Electro...l_transmission