انا كنت اتعاملت مرة مع الصعيدى و هو كويس فعلا بس كان كشفلى على التكييف و غسل سربنتينة و قاس الشحن .هو قالى ان التكييف كويس لكن انا حاسس انه بردة ضعيف.
عرض للطباعة
كشفت من زمان ولا قريب
هتتحل ان شاء الله لآن السربنتينه لو مش نضيفه هيكون ده سبب اساسى لضعف الهواء
النقطه دى مش متأكد منها بس اعتقد انها ممكن تتنضف من غبر ما تحتاج شحن ممكن تسأل واحد بتاع تكييف ام تنتظر رد احد الزملاء يكون عنده علم بالنقطه دى
احنا بنتكلم على السربنتينه الداخليه يا باشا و فى الانوس تحديدا عندنا مشكله ان مفيش فلتر ليها و هو ده اللى بيسبب الرائحه الغير مستحبه للتكييف والسربنتينه دى زى مستشارنا ممدوح مقال علشان توصلها لازم تفك درج التبلوه لآنها اسفل الدرج وهتفك 17 مسمار :dzey: و مكانها مقرف جدا يعنى ملهاش دعوه اطلاقا بسربنتينه الريدياتير
انا مكنتش ناوى احكى تجربتى مع المراكبى عشان استاذ ممدوح ميزعلش لكن بعد الكلام ده لازم احكيها
بدايه انا اعرف المراكبى من زمان لانى ساكن فى جسر السويس يعنى قبل ما الاستاذ ممدوح يجيب سيرته ثانيا انا اؤكد احترامى وثقتى الشديده فى استاذ ممدوح واذا كان المراكبى ليه دقات 000 ده ملوش علاقه بمحبتنا واحترامنا للاستاذ ممدوح التى نتمنى الا يشوبها شائبه
نيجى للحكايه عندنا سياره مرسيدس زلمكه موديل 88 اشتراها والدى الله يرحمه من حوالى سنه وكان تكييفها مفيش تبريد رغم ان صاحب العربيه وده قريبنا يؤكد انه غير الكومبريسور بتاعها بواحد استيراد لكن التكييف يشتغل يومين بعد الشحن وبعدين بالسلامه
ولما اشترينا العربيه نصحت والدى بالذهاب الى المراكبى لحل المشكله بس انا مكنتش فاضى ومرحتش معاه طلع ان صاحب المحل يعرف والدى وقاله استريح يا معلم كل حاجه هتبقى تمام بس التكييف عايز كمربيسور استيراد فوالدى قاله اشتريه منين قاله عندنا واحد زى الجديد بكام ب 1000 جنيه ومع فك وتركيب ولوازم تانيه دفع والدى 1350 جنيه واشتغل التكييف كويس وبعد 3 ايام بالظبط رجع زى الاول مفيش تبريد نهائى اتصل بالمراكبى بالتليفون قاله مفيش مشكله تعالى نشوف فيه ايه راحله وغيرله مش عارف ايه وبعد يومين بالسلامه مفيش تبريد وساعتها والدى كان لازم يسافر بالعربيه ومكانش عنده وقت اتصل بالمراكبى وقاله على اللى حصل قام قاله ولايهمك تعالى نشوف ايه تانى والدى قاله لا انا مسافر اجيلك بعد رجوعى غاب والدى شهر فى الصعيد والسيارة بدون تكييف وبعد رجوعه من السفر رفض يروح تانى للمراكبى بس اخويا اخد العربيه وراح بيها المراكبى قاله العربيه عايزه كذا وكذا قاله ماشى المهم التكييف يبقى كويس بعد كده جه وقت الحساب قاله المطلوب 160 جنيه قامو شدو مع بعض وزعقو واخويا قاله انا خلاص زهقت ومش هجيلك تانى واعطاه فقط 50 جنيه ومشى وصدقونى يا حضرات بعدها بيومين برضه التكييف بالسلامه واخد اخويا العربيه عشان يصلح التكييف عند حد تانى لكن للاسف قالوله ان الكومبريسو ده قافش وعايز يتغير
انا اسف للاطاله لكن انا بصراحه بطلت اتعامل مع المركبى
ثانيا اياكم حد منكم يركب كومبريسور مستعمل
ثالثا لاتثق فى اى قطعة غيار مستعمله حتى لو اللى هيبيعهالك اخوك
.
اكيد حتفرق... لان الوساخة بتسد الممرات اللى فى التلاجة و تقاوم مرور الهوا
معتقدش انها لازم تتفك برة... انا نضفتها عن طريق فك الغطا التحتانى فقط و فيه ناس بتفك التابلوة خالص... بس موفتش حد فكها برة فى لانوساقتباس:
وسؤال تانى انا اعرف ان تنضيف السربانتينة الداخليه بيبقى عن طريق فكها خارج العربية وغسلها بالماء والحكاية دى هتكون محتاجة شحن فريون جديد ؟
MMamdouh