اقتباس المشاركة الأصلية كتبت بواسطة ahmed _abo samra مشاهدة المشاركة
سؤال حضرتك جميل وانا هرد عليك
طبعا فيه كثير غيرى هيوافق على تغييره لان هيتمتع بالراحه المطلقه عند تغيير النقلات
ولكن انا بالنسبالى مش هوافق
اول ما نزل الفتيس الايزى ترونيك فى الاوبل بصراحه عجبتنى الفكره قوى انا الواحد يحصل على قوى المانيوال وتوفيره فى استهلاكه للبنزين وفى نفس الوقت فى الزحام مش هتغير النقلات زى المانيوال
علشان كدا فكره ال mmt بالنسبالى هو ان استهلاك العربيه للبنزين هيبقى اقل وتسارع يضاهى السيارات المانيوال ده غير ان الفتيس فكرة عمله هو مانيوال يعنى (معمر ) عن الاوتوماتيك العادى ويستحمل اكثر من الاوتوماتيك العادى ده غير ان الفتيس بالنسبالى بعد ما تعودت عليه وخصوصا باستخدام es الفرق بينه وبين الاوتوماتيك العادى يكاد لا يذكر لدرجة اى حد بيكون راكب معايا بالسياره مش بيحس بالنقل اطلاقا
وده طبعا مجرد راىء شخصى مش حاجه عامه يعنى
تحياتى
علشان اللى ميعرفش يعرف

العربية فيه 3 اوضاع للسواقة بالفتيس

كل اللى بيتكلم على الفتيس بيتكلم على وضع e ان ممكن تحس بنتشه والعربية بتكون على الرابع او الخامس بسرعة صغيرة وبغض النظر عن اختلاف الاراء فى الطريقة ديه بين مؤيد ومعارض

ونسينين تماماً انه فى وضعين للسواقة بالفتيس غير e ومحدش اتكلم عليهم كلمة

الفتيس على es
ودا زى الاتوماتيك العادى فى كل حاجة لكن عزمة احسن

الفتيس على m
ودا زى المانيوال العادى بس بدل ما تدوس دبرياج وتنقل عصاية الفتيس
تتضغط على الدراعات + او -

عايز تسوق مانيوال عادى استخدام m
عايز تسوق زى الاتوماتيك العادى استخدم es
عايز توفر فى البنزين استخدام e

المفروض كل واحد بيستخدم الطريقة للى تناسب سواقته