فتيس 6 غيار للفيات 127

**amr_elrashidy** · 18-05-2009 04:54 PM

سؤال ...اولا هل فى حد بيقدر يصلح بوش الفتيس ولا يستحسن نغير الفتيس كله...و هل ينفع نركب فتيس 6 غيار مكان واحد 5 غيار بدون اضافات او تركيبات ..و هل فى 127- 6 غيار ولا هى هى الفيورا ال 6غيار

**Ashraf_Ashraf** · 20-05-2009 11:50 AM

انا عمرى ماسمعت عن فتيس 127 6 غيار ومعتقدتش انه اتعمل اصلا ( ولا انت تقصد 5 امامى وواحد خلفى لو ده يبقى تقدر تغيره ومافيش اى تعديل )
اما بالنسبه الى بوش الفتيس فى فتيسات بتقبل التصليح وتغير رمان البلى والاساور وبترجع زى الاول واللى يقدر يقولك كده الميكانيكى بس حط فى اعتبارك ان 90% من قطع الغيار فى السوق بقت مضروبه يعنى ممكن تصلح وماتخدتش النتيجه اللى كنت بتتمناها قارن بين تكاليف الاصلاح وتمن فتيس استيراد وقرر
وبالتوفيق

**sab3aawy** · 30-05-2009 10:26 PM

الفتيس ال 6 غيار لل 127 وال 128 مصطلح يستخدمه الفنيين فى مصر ويقصد به الفتيس ذو الخمسة غيار امامى وواحد خلفى وهما الفتيسين الخاصين الفيورا وال128 جراند لوكس 1300

يمكن تغيير فتيس ال 127 الى فتيس الفيور بدون مشاكل، لكن اعتقد انه لابد من تغيير العصاية كذلك لو المارشدير فيها بنظام السوستة لأنها هتعاكس مع الخامس

**ahmed1981** · 31-05-2009 12:16 AM

لو الفتيس فيه مشاكل أنصحك تغيره بواحد إستيراد

أنا صرفت على فتيس إحدى الثمانيتين وعشرين اللي عندي حوالي 700 جنيه على مراحل
مره إصلاح تروس ومرة غوايش ومرة حلة
وفي الآخر برضه مش 100%
وندمان إني لم أشتري واحد إستيراد على التجربة وخلاص

**Maged_Samy** · 22-06-2009 05:40 PM

انا مغير الفتيس عندى 6 غيار والعربية مرتاحة معايا جداً وصوتها واطى وبتريحنى اوى مع السرعات العالية والسغر وكمان بتوفر فى البنزين وحرارة الموتور وعلى فكرة مفيش اى مشاكل والمارشدير عندى سوستة . هات فتيس بتاع فيورا 1984 فيما فوق وبيركب عادى جداً جداً بدون ايه مشاكل , ركب على ضمانتى