ما شاء الله
واضح ان الجميع متفق تماما مع العربيه
ربنا يديكو خيرها ويكفيكو شرها كلكو ان شاء الله
ان اراد ربنا سبحانه وتعالى قريبا اكون منضم ليكم
دعواتكم
عرض للطباعة
ما شاء الله
واضح ان الجميع متفق تماما مع العربيه
ربنا يديكو خيرها ويكفيكو شرها كلكو ان شاء الله
ان اراد ربنا سبحانه وتعالى قريبا اكون منضم ليكم
دعواتكم
انا جربت سيريون 2008 1300 اوتوماتيك وانطباعى عنها كالأتى
1 - العربيه واسعه فى الطول وقاعده مريحه جدا بس متاخدش 3 فى الكنبه اللى ورا بس الناس بتقعد ورجليها مستريحه يعنى فى الطول اوسع من النيسان صنى بس فى العرض طبعا صغيره
2 - سحبها ممتاز لانسبه ل 1300 واوتوماتيك مقارنه باللانسر ال1300 الاوتوماتيك
3 - العربيه عجبنى امكانياتها مقارنه بسعرها وأنا احطها كمنافس قوى للياريس
ما يعيبها من ((وجهه نظرى)) سوء التقفيل الداخلى الذى لا يرقى لمستوى تقفيل باقى العربيات اليابانى
استاذ يحيي مع احترامي لحضرتك انا الحمد لله امتلك صني 2008 اتوماتيك وسيريون 2008 اتوماتيك
مبرتحش نهائي في النيسان من ناحيه صالونها الناشف جدااااااا:T_thum1[1]:
باور تقيل نسبيا وتقيل اوي بالنسبه للباور بتاع السيريون
تقفيل متوسط ده كفايه حضرتك ان العدادات عندي دلوقتي بقيت فيها تراب من جوه مش عارف ازاي انا كان معايا لانسر 1999 قعدت معايا 9 سنين ومفيش ذره تراب دخلت العدادات
صالون السيريون اوسع واريح وبياخود 4 مرتاحين وده والله العظيم عن تجربه 4 في الكنبه اللي وره
تقفيل السيريون حلو بس متوسط الفخامه بالاضافه اللي ان عيبها كثره الاجزاء البلاستيكيه والكليبسات اللي طبعا في شوارع مصر المقرفه دي بيعمل اصوات احيانا
بس طبعا النيسان ليها مميزات برده زي موتورها القوي وشكلها الفخم من بره بس طبعا
وارجوا انك متضايقش من كلامي
شريف
يا جماعة انا امبارح جاي من العين السخنة و اللي راح هناك يعرف الملفات الصعبة اللي هناك بصراحة العربية عجبتني جدا ثبات حلو قوي في الملفات امبارح جبت 140 (بس قبل الملفات) محسيتش اني ماشي بالسرعة دي غير لما عيني جت على العداد بس طبعا هديت علطول
و الكنبة اللي ورا تشيل تلاتة مرتاحين جدا او اتنين و شنط و برضه الاتنين يقعدو مرتاحين
بجد انا بشكر الاخوة اللي نصحوني بالعربية دي في المنتدى و ربنا يبارك لكل اصحابها
لكن ليا سؤال بخصوص الاوفر درايف هوا المفروض يكون شغال علطول ؟ و استعمله ازاي ؟
بصراحة انا ركبتها مع " قريبة " ليا موديل 2007 - 1300
ملحقتش احكم عليها اوي بس واضح جدا فرق الوسع بينها و بين اي سيارة اخرى . يعني من برة شكلها صغير بس لما تركب فعلا التصميم الداخلي ممتاز - المحرك ناعم جدا و صوته هادئ كعادة الياباني
جودة التقفيل افضل الف مرة من النيسان.
الخامات المستخدمة سيئة في راي ( الياريس احسن في الحتة دي )
اكتر حاجة بتغيظني فيها العدادات الي عاملة زي الاتاري !
وان السيارة بصفة عامة موجهة ناحية " الشباب او صغار السن " بينما كانت ممكن تاخد شكل واقعي اكتر مثل الياريس مثلا .
كلام كريم مظبوط
دايهاتسو يا اخواني لها نظام في تشغيلها ماشيه عليه
واي واحد بيفكر يركب دايهاتسو لازم يبقى عارف الكلام ده
دايهاتسو عربيات رخيصة الثمن بالنسبة لأمكانياتها وقليلة التكلفة سواء بنزين او صيانة
وعلشان كده مش هتلاقي فيها رفاهيات عاليه ومش هتلاقي خامات عالية الا في حجات تعتبر مهمة في العربيه
يعني مش هيرخصوها لدرجة انها تبقى عربيه سيئة
او عمرها الأفتراضي يقل عن الياباني
ولكن هيا معادلة صعبة من رايي
انك توصل باهدافك لما تريد وفي نفس الوقت تجد لنفسك سوق ومشتريين لعربيتك
يبقى دايهاتسو عربيات تنتج للأقتصادية في التشغيل والصيانة والشراء
وفي نفس الوقت تكون سيارات عملية للمدينة
وليست فارهة للرفاهية
امبارح كنت راجع من المنصوره وواحد راكب مرسيدس موديل قديم كان نور الستوب بتاعه مش شغال، المهم كنت ماشي وراه و سايب مسافه كويسه، و فجأه لقيت المسافه بينا بتتقلص، اتاريه ضرب فرامل شديده و تقريبا وقف!!
المهم المسافه كانت أقل من 20 متر مش عارف كام بالظبط، و انا كنت ماشي على 100. فضربت فرامل على الآخر، و الحمد لله العربيه وقفت على آخر لحظة، انا قلت في اللحظه دي خلاص العربيه ضاعت، بس الحمد لله الفرامل أسعفتني،
لما ضربت فرامل كنت حاسس بهبد و رزع و حديد بيخبط في بعضه، بفترض ان ده ال abs. بس الصوت خوفني الصراحه، هل الصوت ده عادي؟؟