إحكي عن تجاربك مع السيريون ؟
انا من كام يوم عملت سفرية بالسيريون كدة كان فيها إفترا عليها شوية لكن الحمد لله كانت قدها و قدود .
هي مكانتش طويلة بس العربية مهمدتش طول اليوم .
اليوم كان كالتالي : إسكندرية رايح جي في نفس اليوم .. مع لف في إسكندرية طول اليوم .. يعني أخدنا الكورنيش كله من أوله لأخره رايح جي حوالي 3 مرات .. مع التكييف طوال الوقت + راكب في العربية 5 .. لأن قولنا نطلع بعربيتين و بعدين قولنا بدل ما إتنين يطلعوا لوحديهم قلتلهم خلاص نطلع كلنا في عربيتي يالاااااا .
الإيجابيات :
1) مبدئياَ الناس كانت قاعدة مستريحة جداَ في العربية .. السيريون يا جماعة فعلاَ من أوسع سيارات مصر .. انا إتفاجأت إنها أوسع من النوبيرا ! و شوف دي قد إيه و دي قد إيه !
2) السحب أقل طبعاَ لأن العربية محملة جامد و تكييف طول الوقت .. بس محستش إن الموتور بيقولي كفاية حرام عليك .. لأ العربية ما شاء الله مبتقولش لأ !
3) إستهلاك البنزين ! انا فولت من إمارات مصر و انا رايح .. محطتش بنزين تاني غير و انا راجع من الجامعة تاني يوم ! إسكندرية رايح جي و لف و مشوار الجامعة تاني يوم بتانك واحد .. يا بلاش .. إجمالي الكيلومترات حوالي 600 .. 620 .. مع التكييف و 5 محملين في العربية .. متوسط السرعة 90- 100 ليس أكثر .
السلبيات :
1) انا حسيت العفشة نعمت جداَ و بقت تمام بس الثبات قل ! يعني مكنتش حاسس إن متحكم في العربية زي ما أكون راكب لوحدي أو انا و حد كمان .. و كنت باخد بالي و أهدي في الملفات أو و انا بتجاوز سيارة .. مش عارف إزاي مع إن المفروض وزن العربية زاد .. و كمان حسيت إن العربية بقت مندفعة للأمام أكثر من الأول و محتاجة ضغطة فرامل أقوي، و لأن الأوزان ورا كانت أكبر بكتير من اللي قدام و كمان كان فيه شنطتين صغيرين كدة .. فا كنت حاسس إننا هنتقلب علي ورا أو انا فجأة هشوف السما و انا سايق :)
2) حكيت في مطب :( .. بس فيه تلاتة ورا يعني برضه كتر خيرها .
3) الشنطة لو كانت أكبر سنة كان يبقي عظيم .
ده تجربة مع السيريون بحيادية شديدة .. و انا كان ليا تجربة شبيهة قبل كدة معاها الصيف اللي فات .
كانت القاهرة - إسكندرية - بورتو مارينا - إسكندرية تاني- لف جوا إسكندرية - القاهرة في يوم واحد .. مش فاكر الإجمالي كام بس كان رقم محترم يعني !
يا ريت الجميع يشاركنا بتجاربه .
كفايـــة عليها قوى انـــــــك راكبها شرف ليها.
بسم الله الرحمن الرحيــــــم
محمود باشـــا . تحيتى لك واحشنى والله من زماااااااااااان طبعا فاهم هههههههههه .
العربية يكفيها فخرا انك راكبها وأنا عارف انك جامد فى السواقة .
عن تجاربى معها وهى مو 2007 glx أنا دائم السفر الى الأسكندرية لكن عن الطريق الساحلى وما أدراك
ما هو الطريق الساحلى فى الماضى كنت أخذ الطريق من دمياط الى الأسكندرية فى ساعتين الأن فى ثلاث
ساعات ويمكن أكثر لية بقى ؟ هيئة الطرق تقوم من سنتين باصلاح الطريق من جمصة الى بلطيم تكسير ودبش
وبلاك ومطباط ودقشوم تركوة كى نستعدلة بعربياتنا ولا تستطيع أن تسير فى هذة المسافة بأكثر من خمسة كيلو
ناهيك عن عربيات النقل والترلات القادمة من الميناء يعنى لازم تبقى أراجوز وانت سايق وبصراحة شديدة لم تخذلنى
أبدا .كثيرا ما أقابل مفاجآت فى الطريق لكن الsbs و ebd مثل السد العالى ويعطينى ثقة شديدة فى نفسى والسيارة
وحدث عن وسعها من الداخل ومرونتها فى الملفات بسم الله ما شاء الله ربنا يبارك لكل من أمتلكها .
حبيب قلبى أبو عبد الله. منور الموضوع وقريبا سأتصل بك كى نتفاهم فى الموضوع اياة؟ بس أرتاح شوية ..:36_1_50[1]:
تحيـــــــــاتى