وفاة محمد علاء حسنى مبارك حفيد السيد الرئيس

**الطنطاوي** · 19-05-2009 09:41 AM

لله في خلقه شئون

اللهم ارحمه وارزقه أهلا خير من أهله ودارًا خيرًا من داره

**abzoabzo** · 19-05-2009 09:41 AM

المشاركة الأصلية كتبت بواسطة horas3000

انا لله و انا اليه راجعون
الله يرحمة و يصبر اهلة

اللهم لا شماتة بس الجملة ده مهمه اوي
اتمني انها تكون بداية لتطهير البلد من الاغذية الفاسدة و خلافة

تفتكر

ولا حياة لمن تنادى

**JAM** · 19-05-2009 09:54 AM

المشاركة الأصلية كتبت بواسطة mada121977

سبحان الله
شوف بقى كام طفل مات بالسرطان علشان الاغذيه الفاسده والمبيدات المسرطنه اللى دخلوها الحراميه وكام طفل مات بالفشل الكلوى علشان المياه الملوثه وكام طفل مات بسبب حوادث الطرق وكام طفل مات بسبب الاهمال الطبى فى المستشفيات وكام وكام وكام ...
ياريت بقى يكون فيه عظه وعبره من وفاه الطفل ويحسوا بالناس المغلوبه على امرها شويه

متفق معاك فى كل كلمة

**Dr_Ahmed_Abdelghany** · 19-05-2009 09:54 AM

هى فين الشماتة دى اللى البعض شايفها؟
مافيش أى مشاركة فيها أدنى شماتة
بلاش كل حاجة تتاخد بحساسية

**Hossam_Hassan** · 19-05-2009 10:38 AM

- مستشفى الجلاء مغلقة علشان هتستقبل الجثمان
- الجنازة من ال رشدان و بيجهز دلوقت
- موضوع التسمم الغذائى ده صعب للغاية علشان ادارة التأمين الغذائى ما بتفوتش الناموسة

حاجة بقى مدايقانى جدا، عامل فى المخزن عندنا تعب فى الفجر، ولاده جريوا بيه على مستشفى الجلاء علشان كان عامل عملية تركيب دعامة فى القلب هناك، دلوقت المستشفى مقفولة و الدكتور اللى جاى يشوفه مش عارف يدخله و هو مش عارف يطلعله و تعبان جدا و محدش فاضى يعمله حاجة، ربنا يستر عليه علشان خاطر ولاده الغلابة.

**egyptianmafia** · 19-05-2009 10:46 AM

المشاركة الأصلية كتبت بواسطة Hossam_Hassan

- مستشفى الجلاء مغلقة علشان هتستقبل الجثمان
- الجنازة من ال رشدان و بيجهز دلوقت
- موضوع التسمم الغذائى ده صعب للغاية علشان ادارة التأمين الغذائى ما بتفوتش الناموسة

حاجة بقى مدايقانى جدا، عامل فى المخزن عندنا تعب فى الفجر، ولاده جريوا بيه على مستشفى الجلاء علشان كان عامل عملية تركيب دعامة فى القلب هناك، دلوقت المستشفى مقفولة و الدكتور اللى جاى يشوفه مش عارف يدخله و هو مش عارف يطلعله و تعبان جدا و محدش فاضى يعمله حاجة، ربنا يستر عليه علشان خاطر ولاده الغلابة.

how do you know this....it is not like they will even allow anyone in the hospital...

**mido777** · 19-05-2009 10:52 AM

البقاء لله

ربنا يرحمه ويجعله سبب لدخول اهله الجنه

**Yarisawy** · 19-05-2009 11:07 AM

وفاة حفيد الرئيس مبارك
أكد مراسل بي بي سي في القاهرة نبأ وفاة الحفيد الأكبر للرئيس المصري حسني مبارك.

وكانت أنباء قد ترددت منذ يومين عن تعرض محمد علاء مبارك(13 عاما) لأزمة صحية حادة.

وكان مقررا أن تصل حرم الرئيس المصري سوزان مبارك إلى لندن منذ يومين في زيارة لتسلم العضوية الشرفية في جمعية الأطباء الملكية البريطانية.

وقال السفير المصري في لندن حاتم سيف النصر لمراسل وكالة أنباء الشرق الأوسط إنه تلقى تكليفا من قرينة الرئيس المصري بالاعتذار لقرينة رئيس وزراء بريطانيا والجمعية الملكية عن عدم تمكنها من المشاركة في حفل التكريم لاضطرارها للبقاء في مصر.

ويذكر أن علاء هو النجل الأكبر للرئيس المصري وهو بعيد عن الحياة السياسية بخلاف شقيقه الأصغر جمال أمين لجنة السياسات بالحزب الوطني الديمقراطي الحاكم.

---------------------------------------------------------------------