[all1=#ff0000]بسم الله الرحمن الرحيم [/all1]

اولا : انا اسمى علاء و دى اول مشاركة ليا فى اى منتدى .. طول عمرى بخش منتديات بس مش بشارك بس علشان خاطر عيون نايل موتورز و كل اعضائها انا حبيت اعمل المشاركة دى .

انا معايا اوبل فيكترا 1997
طبعا جبتها العربية كانت عاملة 100.000 كم و فابريقة برة و جوة و الكلام ده من حوالى سنتين و نص .

و بدأت مشوار طويل معاها عند الميكانيكية .
اولها كان بالتكيف اللى عرفت انه مش كويس فى الاوبل او ضعيف و كمان بيسخن العربية .. غيرت الكمبريسور و الشجرة و الساعتين
و الشجرة دى مرة كبستها منفعتش روحت مغيرها .
شوية و دخلت فى شوية حاجات
1- خرطوم باور ضرب -- بوظ طرمبة الباور
2- ماشى على 170 خير كده حصلت حاجة فى الموتور
( كستبانات + جميع الجوانات + صبابات + بوجيهات )
3- غيرت الرادياتير و كنت عارف انه بايظ من و انا جايبها
4- كوبلن + تيل فرامل +تيش + طنابير + كاوتش كبالن
5- بستمين
6- حساس ايدل + المياه + TPS

المهم يعنى دى شوية حاجات من اللى انا عملتها و فى حاجات طبعا مش فاكرها
و شوية و لقيت مشكلة الميه اللى بتاخد هواء و قصة طويلة معاها
المهم خلصت كل ده و صرفت على العربية دى اكتر من 15000 جنيه
لانى كنت بعمل الحاجة صح و بحب اجيب الحاجة كويسة
بس دلوقتى لقيت تكلفة العربية وصلت 65000ثمنها + 15000تصليح يعنى 80000 و بعد ده كله سمعت ان الاوبل دلوقتى (( سوقها واقع)) ده علشان مشاكلها الكتير و التكنولوجيا المعقدة اللى فيها اللى انا مش عارف بصراحة ايه لزمتها و فعلا انا اقتنعت ان كل العربية ما كانت بسيطة كل ده ما كان اريح كتييير

فوجئت ان دلوقتى ان سعر اى عربية اوبل الموديل ده ماتزيدش عن 55000 او 50000 بسعر الكورولا العيون
و بصراحة واحد صاحبى اوى معاه كورولا عيون 1998 و بصراحة عربيتى كل يوم عند الميكانيكية و الكورولا لبساطتها ربنا يحميهالو ولا مرة رحنا بيها فى حتة

بصراحة و من الاخر و باختصار فى تجربتى مع الاوبل
لو بنصح حد هيجيب عربية و احنا يعتبر لسة فى بداية الموسم و كله بيشترى عربيات
بلاااااش الاوبل
مع العلم انى بحب عربيتى دى جدا و بحترمها جدا حتى مع مشاكلها الكتيرة و ربنا يقدرنى لحد ما تتضبط تماما ...

ارجو التعليق من اخوانى بالمنتدى ..