التوكيل و صيانة الالف

**nonalaziza** · 19-05-2009 03:05 AM

اولا
احب ابلغ تعازي للمهندس محمد الشافعي msh2179 في وفاة والده ربنا يرحمه يارب ويسكنه فسيح جناته وتكون اخر الاحزان ان شاء الله.
ثانيا
احب احكي عن تجربتي الاولي مع التوكيل انا رحت النهارده 18/5 علي حسب الميعاد المحدد علشان اعمل صيانه الالف و اركب فرش للعربيه
رحت في ميعادي 9 بالظبط سلمت العربيه وقابلت المهندس تامر محمد راجل زوق بجد قولتله علي كل اللي شاغلني في العربيه وكانت في حاجات قلقاني منها بس هو طمني جدا العربيه شوفتها من اول ما دخلت والناس فعلا بتراعي ضميرها جدا بس الراجل بتاع الفرش يعني نسبيا بطئ شويه
بس في المجمل الصيانه مش خدت نص ساعه واتشيك علي كل حاجه.
بس الحلو مايكملش اللي حصل اني استعجلت واستلمت العربيه من اللي جبهالي وفيه خدش في المرايه والباب وانا بصراحه كنت محتاجه العربيه و هي دي الغلطه الخدش دا و الخبطه هايخلوني ارش الباب كله وكانت في خربوش في الرفرف اللي قدام وخربوش في الباب اللي وره الخرابيش دي تقلايبا هاتكلفني 1500 بعد التركيب والضريبه
بس شكلي مش هعملها دلوقتي
دي حاجه
تاني حاجه بوظت اليوم انهم مش رضيوا اجيب انذار واركبه عندهم دي حاجه ضايقتني جدا وخالتني احلم باليوم اللي تخلص فيه فترة الضمان
بصراحه دي بجد اللي مش حلوة
ونفسي بجد تتغير او علي الاقل هما يعرضوا انواع اكتر لاني فعلا بحتاج الانذار جدا جدا وياريت نعرف نقنعهم بدا
لكن الصيانه ممتازة المقابله فوق الممتازه
وياريت الحلو يكمل

**_hany_** · 19-05-2009 04:21 PM

هو الانذار بتاعهم فيه مشلكه؟
أصلي كنت ناوي أركبه في صيانة الألف..

**nonalaziza** · 19-05-2009 04:44 PM

هو مش الانذار اللي انا عايزاه هو ريموت للعربيه لكن انا كنت عايزه انذار علشان لو اتخبطت او زجاج اتكسر و عموما ممكن تسال حد ركبه هناك

**_hany_** · 19-05-2009 05:22 PM

انا كنت فاكره كده برضه، انذار عادي يعني، ياريت حد ركبه يوضحلنا الموضوع ده.

**MoToRiZeR** · 19-05-2009 07:01 PM

الفكرة في الإنذار بتاع التوكيل إنه مش بيشتغل غير لو حد دور العربية بدون ما تطفيه

يعني هو مش بيقتنع إن العربية بتتسرق غير لو حد حاول يدورها و يمشي بيها
و لو حد كسر الإزاز و نفض العربية مش هيشتغل و هيسيبه يشتغل في هدوء !

فا طبعاَ كدة يبقي زي قلته .. لأن المتداول و المنتشر في مصر أكتر إن الناس بتكسر االإزاز و تسرق كاسيت العربية أو أي حاجة تانية متسابة فيها .

نونا .. مبروك علي الصيانة و الخدش يا ريت تجربي معاه البولش هيقلله شوية .
يا تري الفرش سعره كام بالتركيب و إيه رأيك في جودته و جودة التركيب ؟

و تعازيي الخاصة للمهندس محمد الشافعي .

**nonalaziza** · 20-05-2009 02:36 PM

انا جربت البولش بعد لما رجعت وعرفت السعر بس مش قلت قوي في طريقه موجودة في موضوع ان شاء الله احاول اجربها هي في اللينك داhttp://www.nilemotors.net/Nile/showthread.php?t=76119
هو التركيب جيد جدا والجوده جيده جدا اذا خدنا في اعتبارنا حاجات زي ان دا الفرش الاصلي بتاع العربيه عليه لوجو العربيه ان التركيب كان بحرفه اكتر علي عكس مانروح لواحد يتعامل بشده مع العربيه ولو اضطر يفك مسمار او حاجه تحس ان المسمار اتبري
بشكل عام الخدمه والجوده كويسه جدا
لكن هي في حبة ملحوظات لازم تذكر للامانه
هما مش عندهم الوان كتير و خامات كتير يعني في جلد ودا متوفر منه لونين الاسود والرمادي الغامق والقطيفه متوفر من الاسود والرمادي الغامق او الفاتح
ودي نقطه مش في صالحهم لاني بصراحه كان نفسي في الوان تانيه خالص بس مش مشكله
بس الخامه كويسه جدا جدا والتركيب كويس تحس انه فرشها الاصلي واحلي حاجه انك ممكن تشوفه الاول قبل التركيب
ولو حضرتك حابب ممكن اصورهالك
تقريبا الفرش اتكلف 450 انا مش معايا الفاتورة بصراحه بس هي في الحدود دي بالتركيب
ارجو اني اكون فيدتك