حد يفيدني بالله عليكم

**princeapollo** · 19-05-2009 02:19 PM

السلام عليكم ورحمه الله وبركاته
بعد اذنكم يا جماعه انا لسه مشتري عربيه لادا 2107 موديل 91 لقيت زيت عن الموتور من تحت لما سألت ميكانيكي قالي ده القياس بتاع الزيت بيرمي زيت بره وواحد تاني قالي تبخير وفيه خرطوم مش وجود وكمان لما بدوس دبرياج بسمع صوت ونه ياريت تفيدوني

**samirayad** · 19-05-2009 04:34 PM

السلام عليكم ورحمه الله وبركاته

وعليكم السلام ورحمة الله وبركاته

لقيت زيت عن الموتور من تحت لما سألت ميكانيكي قالي ده القياس بتاع الزيت بيرمي زيت بره وواحد تاني قالي تبخير وفيه خرطوم مش وجود

ده كده معنى كلامهم أن فيه تفويت من الشنابر للكرتير

وكمان لما بدوس دبرياج بسمع صوت ونه ياريت تفيدوني

دى بلية الدبرياش (وكده حتعوز تعمر الدبرياش )......طالما حتحل علشان البليه......وممكن تخليه يرشلك مزيل صدأ على منطقة البليه من عند شوكة سحب البليه على أساس تجرب الأول قبل ماتغير البليه

**princeapollo** · 19-05-2009 05:08 PM

طيب ده كده يا باشمندس محتاجه عمره ولا ايه
وايه معني تفويت من الشنابر للكرتير علشان انا مش فاهم معلش

**princeapollo** · 19-05-2009 05:13 PM

وحاجه تانيه معلش الموضوع ده يتكلف كام لو تقدر تدلني

**samirayad** · 19-05-2009 05:25 PM

المشاركة الأصلية كتبت بواسطة princeapollo

طيب ده كده يا باشمندس محتاجه عمره ولا ايه
وايه معني تفويت من الشنابر للكرتير علشان انا مش فاهم معلش

على كلامهم محتاجه طقم شنبر .........ومعنى التفويت للكرتير ....يعنى غازات الأحتراق بتاعة الغرف فيه نسبه بتهرب للكرتير لتحت ( علشان الشنبر خف )......ويفضل أنك تتابع مقاس الزيت شويه وتجرب سحب العربيه قبل الشروع فى تغيير طقم الشنبر ( علشان تبقى مطمن لكلامهم برضه ) وحيبان معاك وممكن تستشير صديق برضه يكون عارف فى الكلام ده

المشاركة الأصلية كتبت بواسطة princeapollo

وحاجه تانيه معلش الموضوع ده يتكلف كام لو تقدر تدلني

.....[gdwl]على حسب الحاله[/gdwl] ( لو شنبر بس وسيلات صبابات وجوان رأس سلندر وروديه بالمره .......أعتقد مش حتعدى 200 جنيه خامات .....وقول 100 مصنعيه ) على فكره ده كلام تقريبى ..............وحنشوف برضه رأى الزملاء ........

**princeapollo** · 19-05-2009 05:37 PM

مستوي الزيت مش بيقل عندي والعربيه بتجيب معايا 120 وسحبها كويس جدا

**samirayad** · 19-05-2009 05:40 PM

يبقى أنسى كلامهم ......واحكم وضع عصلية القياس وتابع الآداء فتره وشوف.............وحاول تشوف خرطوم بدل اللى مش موجود (لأن ده بتاع الفايظ وخلى الميكانيكى يركبه ).