العربية أكسنت 1500 موديل 2000
العربية لما آجى أشغل التكييف وآجى اهدى عشان مطب او إشارة ألاقى العربية بطلت بسبب التكييف إلى شغال
أنا عندى الآر بى إم بيكون على 0.9 ولما بشغل التكييف بيكون على 0.6 مش المفروض إنه يرجع تانى على 0.9 بسبب تشغب جزء يزود عدد لفات الموتور
أرجو الإفادة من الخبراء
بنسبة كبيرة اوي مشكلة كهربا ودب حلها سهل متقلقش
فيه جزء موجود تحت الكربيراتير ( مش متذكر اسمه ) مسئول عن تعلية الار بي ام ليعطى عزم للموتور عند تشغيل التكييف ... غالبا هذا الجزء عندك محتاج مراجعة
نظف الايدل كنترول مبدائيا و لو ما اتظبتطش راجع على حساس تعليه السياره اثناء تشغيل التكييف
اخى الفاضل الكلام اللى هقوله ده من تجربه وهو الكلام المظبوط انا معايا دلوقتى النترا 2008 وكان معايا قبلها اكسنت موديل 1998 وحدث انه فى فترة كنت لما اشغل التكييف وانا واقف الاقى ال ار بى ام بيقل جدا واحس انا الماتور بيرج العربية ولو العربية ما بطلتش لازم وانا واقف افضل ازود بنزين علشان ما تبطلش وكنت اشغل التكييف وانا ماشى ودايس على البنزين علشان تفضل دايرة ، ولماكنت بهدى أو اقف الاقى العربية بطلت يعنى تقريبا نفس مشكلتك ورحت لكهربائى ولميكانيكى ومفيش فايدة رحت قلت مبدهاش قمت رحت التوكيل وكشف على العربية بالكمبيوتر وطبعا الكمبيوتر كشف العيب والمهندس قالى حساس السلنسيه عايز يتغير بس هو غالى شوية سألته سعره كام قالى فى حدود 900 جنية رديت غالى شوية دا غالى قوى عموما شكرا دفعت ساعتها 75 جنيه نظير الكشف بس مشيت وانا عارف العيب فين بس يا عم أخذت بعضى ورحت على سوسو دا واحد مشهور قوى فى شارع فيصل فى الطوابق لقطع الغيار الاستيراد يابانى المانى كورى بتاع كله واشتريت واحد بعد فصال 175 جنيه وادانى استعمال لمدة 3 ايام ممكن اغيرة فى خلال تلك المدة فقط وكان برضه فى عيب ورجعته وخد واحد ثانى ومشيت بالعربية زى الفل لغاية ما بعتها وهى تمام التمام . طبعا انا اسف على الرغى ده بس حبيت اقلك التجربة وعلى ضمنتى روح غير الحساس ده هو شكله مدور و مكانه فوق الماتور وواصل بين خرطومين . مع الشكر عاطف عامراقتباس:
المشاركة الأصلية كتبت بواسطة ahmedbakr50
العربية كانت 1300 و لا 1500اقتباس:
المشاركة الأصلية كتبت بواسطة tefeamer
ماهو حساس السلانسيه دى اللى انا بقول عليه الايدل
طمنا عملت إيه :)
100000 شكر للأخ tefeamer
أنا هروح أراجع الموضوع ده
طيب الميكانيكى يتأكد إزاى من إن حساس السلانسيه بايظ ولا شغال قبل ما أجيب واحد
وليه سؤال تانى للأخ tefeamer
هل الموضوع ده هوه إلى مف6روض يخلى عداد الآر بى ام يثبت على نفس الدرجة لما أشغل التكييف
ولا حاجه تانيه
عشان أنا حلية فصل العربية مؤقت بإنى رفعت الآر بى ام لحد 1 عشان لما شغل التكييف بينزل لحد 6 من غير ميفصل العربية انا عارف إن ده حل مؤقت يعنى سؤالى حساس السلانسيه هوه المسئول عنه رفع الآر بى إم عند تشغيل التكييف
اولا الميكانيكى لا يمكن يعرف الحساس تالف من عدمه لان القصة دى شغل التوكيل الكمبيوتر اللى بيعرف الخلل موجود فين بناءً على القراءه اللى بيشفها .
ثانيا الحساس طبعا هو اللى بيظبط ال ار بى ام عند تشغيل الماتور او لو ماشى على سرعة هادية جدا او على مطب والحل اللى انت عملته هيعالج الموضوع بس خلى بالك هياكل معاك بنزين لانك كدة عليت استهلاك البنزين ده علاوة على ان صوت الماتور بيبقى عالى وانت واقف افضل لك غيره وارجع اضبط ال ار بى ام على الصح مع الشكر عاطف عامر
شوف ميكانيكى كويس عند جهاز كشف الاعطال
وليه ميكانيكى كويس روح يا عم التوكيل وادفع 75 جنيه كشف وهو هيقلك العيب فين ، ولوعايز رأى غير الحساس عند واحد بيبيع استيراد وجربة وانت واقف وظبط ال ار بى ام وركبه لانه تركيبه سهل جدا وشغل التكييف العربية بطلت يبقى العيب مش منه العربية اتظبطت يبقى خلاص وعلى فكرة تشغيل التكيف والعربية واقف بتحس بيه فى الماتور بس بيبقى حاجة خفيفة جدا لاكن لو لقيت ال ار بى ام بيقل اوى والعربية بتترج لكن مبتطلتش يبقى العيب مش من الحساس (مع الشكر عاطف عامر)
طيب ليه استفسار للأخ عاطف عامر : 1- هو مكان مركز الخدمة إلى حضرتك كشفت فيه وأنا ساكن فى حلوان إذا ليك توصية لمكان قريب
2- هوه مكانه فين بالضبط عشان عديت على ميكانيكى حسسنى إنى بسأله على شىء مش موجود انا عربيتى موديل 2000 - 1500 سى سى
مركز الخدمة فى اول طريق مصر الاسماعيلية اسمه اوتو ماجد ، ب مش لازم الفرع ده اسأل على فرع صيانة تبع الهيونداى وقلت لك بلاش تروح لميكانيكى وروح التوكيل ، مكانه فوق الماتور على طول بس طبعاً ناحية الزجاج هو لونه فضى وهو فى وسط بين خرطومين . عاطف عامر
إلى الأخ العزيز عاطف عامر
أود أن أشكرك شكراً جزيلاً على معلوماتك التى أفادتنى كثيرا
رحت لكهربائى معرفة وقولتله يبصلى على حساس السلانسيه وبالفعل كان الخرطوم مسدود ونظفنا الحساس
والعربية بقت زى الفل - الآر بى إم ثابت حتى لو مشغل التكييف
فوجب الشكر لك أخى العزيز
ربنا يجازيك خير يا أستاذ/ عاطف عامر
اخى الفاضل لا شكر على واجب والحمد لله ان قدرت افيدك وتحت امرك (عاطف عامر)
من فضلك خرطوم اية اللى كان مسدود؟
فيه خرطوم طالع من حساس السلانسيه وواصل بفلتر الهواء
وأنا حاططلك صورة فيها سهم يشير إلى الخرطوم
ملف مرفق 8106
شكرا--------
لا شكر على الواجب
بس ممكن تقول هوه عندك نفس المشكلة إلى كانت عندى؟؟
نفس المشكلة كانت عندى فى الكرولا 92 بسبب سلك فلت من الحساس المذكور وتم تركيب السلك تانى وانتهت