الزيت

**m_s_h_a** · 20-05-2009 09:27 AM

علاقة الموتور والزيت انا كنت فى التوكيل بغير زيت وفلتر وهناك مش بيستخدموا غير موبيل وانا كنت واخد معايا زيت شيل المهندس قاللى ان فورد بتقول ان موبيل افضل وخاصة للمواتير المصنوعه من الالومونيوم خلانى بصراحه شكلى هرجع للموبيل انتم ايه رايكم نديها موبيل ولا شيل

**aYaBooY** · 20-05-2009 02:39 PM

شوف يا ملك
كلة موصي بزيت موبيل مكتوبة تقريبا على كل العربيات الي شوفتها مش بس فورد
و عمري ما شوفت او سمعت عن عربية مكتوب عليها نوصي بزيت شل مثلا
و مسمعتش عن توكيل في المحروصة عنده زيت غير الموبيل ليه انا معرفش
بس موضوع الزيت للعربية ديه مش حاجة خاصة بالفورد ديه حاجة عامة
انت محتاج تحط زيت تخليقي للموتور طول ما الموتور خلوصة بحالتها
و بعد لما الموتور يقدم يعني يكون ماشي بتاع 180 الف مثلا تبداء تغير لنوع زيت معدني
الكلام ده قريتة في القسم التعليمي هنا و سمعته مرة تانية من الميكانيكي بتاعي و بعد زمن يبداء الموتور يخف
تبداء تحط اضافات مثل زيت الشنبر مع نوع زيت معدني تقيل بس
يعني انت المشكلة مش في موبيل او غيرها المشكلة في نوع الزيت
التخليقي بيكون تمنة عالي و مدة طويلة مثل موبيل1
و المعدني بيكون مسافاته من 5000 لـ 1000 كيلو و طبعا تمنة قليل
اتمني يكون ردي فادك و اتمني لو كان غلط حد يصححلى كلامي

**theking_y** · 20-05-2009 03:15 PM

أنا مرة كنت بجيب حاجة من عند سامى فخرى وسألته أغير زيت للعربية نوعه إيه
قالى أغير زيت شيل
بس أنا بغير زيت فى موبيل (برتاحله)

**Egy** · 21-05-2009 02:03 PM

Believe me, there is no difference...
But i prefer S h e l l
It's recommended by a lot of companies like Peugeot

**ahmad--ezzat** · 21-05-2009 04:12 PM

شيل عمرة الافتراضى اكتر ..وموبيل اصلا فى مصر بقا معظمة مضروب..

انا عن نفسى برزع زيت التعاون وماشى زى الفل :)

**auto5truck** · 21-05-2009 07:03 PM

لأ يا جماعة مع أحترامى لأرائكم جميعاً
فالزيت بيضاف أية مواد بترفع من كفاءة أداءة و بالتالى كفاءة أداء المحرك مث مقاومة البرى و التبخر و مواد تعمل على تنظيف الأسطح و هكذا.

كون فية زيت مضروب فى البنزينات ده لا يعنى أن زيت موبيل وحش لكن يخلينا ندور علية فى أماكن موثوق فيها,
و هو فى الحقيقة أن زيت موبيل أعلى كفاءة فى الأداء حتى الأن و خاصة موبيل 1 لأنه مصنع و ليس معدنى.

و أعتماد التوكيلات لنوع زيت معين بيجى نتيجة أتفاقيات تجارية ما بين هذه الشركات بعضها و بعض.