بصو يا جماعة أنا عارف إن فيه ناس مش حتوافقني علي اللي أنا بقوله ده في مصر ( بس أنا دماغي مش مصري قوي )

أنا معايا ميجان 2006 و زي الفل معايا و الحمد لله .. بس ولاد الحلال من ساعة ماشتريتها و هما بيحبو يحطو توقيعاتهم كإهداء يعني من حبهم فيا
فتلاقي فورمة ابن البواب و بنت بتاعة الخضار غير اللوحات الفنية لابن صاحب فرن العيش الافرنجي !
الأمانة هي مافيهاش لا خبطة ولا رشة .. و حاولت المع كمباوند و بولش مافيش فايدة .. غير إن لونها الأسود خلاص دخل علي فيراني و تحس انها بتلم التراب من كتر ما هي مش ناعمة قصدي ملساء يعني

فقررت اني أرش العربية ..
أولا مافيش أي معجون حيدخل في العربية
ثانيا أنا مش حبيعها دلوقتي و كمان يمكن لو جبت جديدة بعد سنتين تلاتة أديها لمراتي
ثالثا مش قادر اتعايش مع شكلها و لونها الحالي

بس برضه مش عايز لو في يوم من الأيام اتباعت حد يقوللي ( دي مرشوشة ) فهل حد يعرف حد يعمل الموضوع ده بحرفنة ؟ و تتكلف كام ؟ و البوية نجيبها منين بالضبط ؟
ساعدوني ينوبكم ثواب