الموضوع: فكرة تعديل مكيف الميجان !

المشاركة الأصلية كتبت بواسطة ramy_tantawi

عموماً انا مش منتظر ان التبريد يكون اسرع بصوره جامده اوي بس معلش خلليني اتقل على حضرتك بما انك مجرب الموضوع ده وأسألك شوية أسئله.

هل بعد التعديل ده لو شغلت المكيف مروحه فقط الهواء بيطلع عادي مش سخن ؟
2-هل بعد التعديل ده لما بتمشي في زحمه فتره طويله بتحس ان في صهد وسخونه جايه من عند رجليك ؟ الموضوع ده لو كان موجود هل اختفى دلوقتي ؟
3-المشكله الاكبر تبريد الموتور قل لما اتلغى السخن ليه ؟ انا مش فاهم الفكره دي بصراحه لان لو فرضنا حتى ان مقصود من وصلة الخرطوم الداخليه دي تبريد اسرع للموتور فا ده هايكون مرتبط بتشغيل المكيف اعتقد ......لان طول مانا مش مشغل المكيف ايه هيفرق في درجة حرارة الموتور ؟ اقصد ايه زاد يخللي الموتور تبريده اسرع ؟

ارجوا اني ما اكنش تقلت على حضرتك في الاسئله ...

الفكره التانيه بقى هو التعديل نفسه انا مش فاهمه .......دلوقتي اللي بيعمل الموضوع ده مين ؟ فني تبريد وتكييف ولا ميكانيكي ولا ايه ؟ وهل بيفك الكويل الداخلي اللي هو ورا الكونسول عندنا كده ويشيل منه الخرطوم ولا ايه ؟ ......طيب لما بيعمل كده الخرطوم الداخل للكابينه ده بيروح فين بعد كده ! لو حد من حضراتكم شاف التعديل بيتعمل قدام عينه رجاءً وصفه لنا وجزاكم الله كل خير .

يا باشا أنا سعيد جداً بالرد علي أي سؤال حتي نفيد ونستفيد:
1- لو المروحة أشتغلت لوحدها الهواء فعلاً بيكون سخن قليلاً لكن أبرد من قبل التعديل.
2- أنا الحمد لله معنديش حكاية الصهد دي ولا قبل ولا بعد التعديل.
3- أنا أعني أن درجة حرارة مياة التبريد في الردياتير بتنزل شرطة بعد 6 دقائق بعد التعديل في حين أنها كانت بتنزل نفس الشرطة بعد 3 دقلئق فقط قبل التعديل وهذا لأننا لاغينا دورة تبريد مياه الردياتير الأضافية كما ذكرت