عرض للطباعة
:whtauwant:انا باذن الله نوىت اشتري خلاص......بس مش عارف اشتري اية :)...........الفكرة ان انا عاىز HONDA CIVIC......و كالعادة مشكلة كل شاب مصرى والدى مش موافق و بىقول LANCER EX SHARK
ال LANCER EX SHARK.....هتكون كاملة....يعنى سقف و زىنون و كل حاجة
ال HONDA CIVIC.....طبعا هاتىجى زي ما هى بلا اي زىادة
ممكن اعرف اختار اىة و اية رأىوكو فلعربىتىىن معا كامل الاحترام.
بصراحة الهوندا سيفيك احلى بكتير
جدا رغم قلة الامكانيات الى فيها لانك هتجيب اول فئة
بس لو عايز امكانيات كتير هات تانى فئة خليجى
وهتلاقى سعرها زىى الالنسر شاؤك اعلى فئة
اما فيما تتميز الهوندا سيفيك على الشارك هو كالاتى
1-الثبات الهوندا تكتسح ثبات جامد جدا
2-السرعة القصوى الهوندا تكسب فية ناس جابت بيها 226 كم/س
3-التسارع الهوندا تكسب بردة لان تسارعها فى 10 ثوانى فقط
4-كشكل الهوندا تجسب من وجهة نظرى
انا بحس وهى ماشية انها حاجة كدة غريبة على الطريق
مش عارف اوصفلك احاساى بس لما بشوفها بفضل ابص عليها
رغم انها عندنا
وكمان انا هشترى واحدة بس رغم كدة بحب ابص عليها
فبجد لو عايز تشترى خليك فى الهوندا احسسن بكتير من الشارك
العربيتين كويسين والحمد لله العربيتين عندنا
السيفيك بتاعتي واللانسر بتاعت الشغل (واحدة مانيوال والتانية اوتو )
سحب الاوتوماتيك في اللانسر ضعيف جدا مش عارف ليه انما المانيوال معقولة
أقصى سرعة للانسر 210 بالعافية وثباتها كويس جدا .
انا مش هرشحلك حاجة عشان ماحدش يقول ده متحيز لعربيته ولا حاجة انما انا هوضح شوية نقاط :
الموتور = سيفيك
عفشة وثبات = سيفيك
صالون ومساحات ركوب = اتلاتنين زي بعض ولكن خامات صالون السيفيك أفضل
اعادة بيع = لانسر (مع اني شايف السيفيك الجديدة ماسكة سوق شوية)
اعتمادية = الاتنين كويسين جدا وعمليين
كماليات مقابل السعر = لانسر
اجمالا كل واحدة لها مميزات وممكن تقرا الموضوع بتاعي
http://nilemotors.net/Nile/showthread.php?t=75518
وتحدد ... وبعدين في النهاية استخير ربنا وبالتوفيق
سيفيك طبعا فى كل حاجة من اول ماعرفناها ومافيش عربية من نفس الفئة تقدر تغلبها
اللانسر ماتور ضعيف جدا اتزان كويس لحد 140 خامات رخيصة مقارنة بالسعر متهيالى كفاية عليها اوى 100 الف جنية وكمان ضيقة جدا وماتورها صوتة عالى مقارنة بالسيفيك
انت غاوي سواقه ...ركيب يعني ...يبقى سيفيك
عاوز زينون و فتحة و جنط و كده تبقى لانسر
الانسر ثباتها أقل من الهوندا بسبب ارتفاعها و ظهرها العالي
شنطتها صغيرة حبتين و خاماتها الداخلية جنب السيفيك " تبقى عرة" زي السيراتو كده
الهوندا ثبات و موتور و شكل و صالون بس واطية حبتين
بص ... اركب دي و اركب دي
و لما تجيب الهوندا افتكرني
على فكرة ياحمداقتباس:
المشاركة الأصلية كتبت بواسطة Ahmed Samy
حكاية ان الشنطة عالية دة بيدى ثبات اكبر
وانا متاكد من الكلام دة
مبن الى قالك المعلومة الغلط دى
ولو عايز تتاكد من كلامى فى واحد معانا اسمة evoo
بيفهم فى الايرو ديناميك
اقتباس:
المشاركة الأصلية كتبت بواسطة fadi ezzat
الشنطة العالية مش لازم تدي ثبات أكتر ...
هو ارتفاع الشنطة عن المقدمة بيدي دفع للأسفل ..بس الكلام ده بيدي تأثير على السرعات العالية
وممكن تعويضه بسبويلر مع خلفية منحدرة لتقليل مقاومة الهواء و الحصول على down force مناسبة
انما الارتفاع ده كله ...مع الجناح ...هو حمل زايد على الموتور بسبب المقاومة الأكتر للهواء مقابل زيادة طفيفة في الثبات مش هاتبان الا في سرعة كبيرة و تقيلة على الموتور بتاعها ...
المشكلة اللي باتكلم عنها هي ان الشنطة ارتفاعها عن مركز ثقل العربية (اللي هو المفروض كل ما كان أقرب للأرض كل ما كان أحسن) بيخلي في تركز للوزن في الخلف و بارتفاع و ده (وخصوصا مع التحميل) بيزود التورك في الملفات ...
و كتير من اللي جربو العربية (و أنا منهم) حسينا بكده في الملفات بسرعات كبيرة نسبيا ..ان العربية ثابتة بس الشنطة نفسها تاخدنا و تلف ...
معلومتى مش غلط و ما باسمعهاش ...انا بافهمها
ههههههههه ماشى يادكتوراقتباس:
معلومتى مش غلط و ما باسمعهاش ...انا بافهمها
بس الكلام الى حضرتك بتقولة فى الالعاب فقط
هقولك ازى الكلام دة لو انت بتعمل دريفت
لكن لو انت بتلف عادى صدقنى مشش هتحس بالكلام دة
وقولك مثل يوضحك كلامى الى فوق
نتفرض مثلا انك طلعت بالعربية طلعة جامدة اوى
هتلاقى اية الى حصل
هتلاقى العربية وطيت من ورا وانت اتحدفت لورا صح ولا غلط
معنى كدة انك لما بتود بنزين جامد والطلعة تكون جامدة الهواء بيضعط على الشنطة من ورا
وكلما زاد سمك الشنطة زاد معاة الضغط
مثال تطبيقى بقى
لو افترضنا اننا جبنا كورة وضغطنا عليها بصباع واحد براحة
وجينا نحركها هتترك بكل سهولة وهتروح يمين وشمال
لكن لو ضغطنا جامد على الكورة هتيجى تحركها يمين وشمال
هتلاقى الكورة ثابتة فى مكانها وصعب تتحرك
اعتبر بقى صوابعك دى هيا الهواء
وشوف اساسا الهواء بيضغط فين على العربية
هتلاقى ان الهواء اساسا بيضغط على الشنطة
فكل لما الشنطة تكبر تلاقى ضغط الهواء عليها اكبر
بس اختراق للهواء اصعب واستهلاك بنزين اكبر
بس بيعادلة قوة دفع من الخلف بسبب الهواء
بيزق العربية من ورا ويخليها تجرى اسرع
وبيتعادلو تقريبا لكن بردة الاختراق بيبقى اصعب شوية كل اما الشنطة تزيد
يارب يكون قصدك وصللك
واضح ان مجال دراستك مش متعلق يالفيزياء و الميكانيكا قد كده ...
انا مش باتريق ...انا باتكلم بجد لأن مشاركتك فيها بعض القصور
اقتباس:
ههههههههه ماشى يادكتور
بس الكلام الى حضرتك بتقولة فى الالعاب فقط
سيبنا من الحتة دي...
ده بسبب القصور الذاتي مش بسبب مقاومة الهواء ...اقتباس:
نتفرض مثلا انك طلعت بالعربية طلعة جامدة اوى
هتلاقى اية الى حصل
هتلاقى العربية وطيت من ورا وانت اتحدفت لورا صح ولا غلط
معنى كدة انك لما بتود بنزين جامد والطلعة تكون جامدة الهواء بيضعط على الشنطة من ورا
اقتباس:
وكلما زاد سمك الشنطة زاد معاة الضغط
ايه اللي جاب السمك ...؟
ضغط الهوا بيتناسب مع مساحة السطح ..و درجة الميل ...
السمك مالوش اهمية تذكر.
لو كان شرح فكرة down force يبقى انت بادئ معايا من تحت قوي ...اقتباس:
مثال تطبيقى بقى
لو افترضنا اننا جبنا كورة وضغطنا عليها بصباع واحد براحة
وجينا نحركها هتترك بكل سهولة وهتروح يمين وشمال
لكن لو ضغطنا جامد على الكورة هتيجى تحركها يمين وشمال
هتلاقى الكورة ثابتة فى مكانها وصعب تتحرك
اعتبر بقى صوابعك دى هيا الهواء
تكبر دي قصدك (توسع) ولا (تعلى) ؟اقتباس:
وشوف اساسا الهواء بيضغط فين على العربية
هتلاقى ان الهواء اساسا بيضغط على الشنطة
فكل لما الشنطة تكبر تلاقى ضغط الهواء عليها اكبر
بس اختراق للهواء اصعب واستهلاك بنزين اكبر
بس بيعادلة قوة دفع من الخلف بسبب الهواء
بيزق العربية من ورا ويخليها تجرى اسرع
وبيتعادلو تقريبا لكن بردة الاختراق بيبقى اصعب شوية كل اما الشنطة تزيد
قوة الدفع الخلفية مابتجيش من الشنط الرأسية الخلفية
بتيجي من اخلفيات المائلة لأنها بتستخدم inclined plane effect يعني الهوا و هو بيضغط لتحت بيضغط على سطح مائل و ده بيسبب دفع الكتلتين في اتجاه ميل كل منهم ...و بكده الهوا يترمي لورا و يسمح لهوا من قدام ييجي مكانه بدون خلخلة أو تأخير و ده بيزيد قدرة العربية على (شق) كتلة الهواء
ومن الناحية التانية كتلة العربية تتدفع للأمام و ده بيريح الموتور و يوفر في طاقتها لجر أعلى و سرعة أكبر ..
الكلام ده في الخلفيات المائلة
http://www.buminteractif.com/images/...Design-Edi.jpg
انا فى كلمة السمك قصدى يعنى ارتفاع الشنطة
وكلمة تكبر
قصدى توسع وترتفع الى اعلى
احبتى فى الله شكرا لكما جزيل الشكر على تلك المعلومات القيمة التى قدمتومها لنا ولكنكما تركم صلب الموضوع واشعر ان الراجل ما زال فلى حيرة فى المقارنة بين السيارتين و بقى مهتم بالشنو وعرضها وارتفاعها اكثر من السيارة نفسها .. المهم
اخى فى الله لابد من المقارنة بين السيارتين مقارنة فعلية عادلة ترشد وتفيدك فى اخيتار السيارة الاصلح لك من كل الاحوال وسوف اظهر لك بعد جوانب المقارنة التى على اساسها يمكنهك المفاضلة وسامدك برايى الشخصى فى النهاية
اولا : الشكل - يرجع اولا واخيرا الى الزوق ولا يؤثر فى امكانيات السيارة او قدرتها ولكنه شكل جمالى يعتمد اولا واخيرا على الذوق طالما ان السيارتين من نفس الفئة ولكن الهوندا خطوطها انسيابية رقيقة وناعمة اما الانسر ففيها حدية وشراسة وهجومية ولك القرار لان هذا ذوق
ثانيا : الموتور - تتميز الهوندا بقوة موتورها وشدة نعومته وهدؤه وقوة تسارعه والاختلاف ليس بكبير جدا بين الهوندا والنسر لكنه ملحوظ تماما فموتور الهوندا اعلى امكانيات بكثير واعلى تسارع واكثر هدوئا .
ثالثا : العفشة والثبات - بصراحة لا مقارنة بين الاثنين تماما فى هذا الموضوع لان فعلا الهوندا اكثر ثباتا خاصة فى السرعات العالية بعد 120 وال140 وهو ما يهمنا ولكن للحقيقة رغم الثبات العالى جدا للهوندا الا انها قريبة من الارض مما يضايق قليلا فى بعض شوارع مصر الجميلة والحقيقة النسر اعلى قليلا من الهوندا لكن كما قلت الثبات لا مقارنة نهائيا.
رابعا : التابلوه والصالون - بالنسبة للسيفيك ايضا لا مقارنة تماما تابلوها اجمل بكثير عدادات ومؤشرات السرعة والبيانات اعلى قيمة بكثير جدا ..ترتيب الزراير فى التابلوه وسهولة استخدامها اعلى بكثير الماتيرال المستخدمة فى الهوندا بصراحة اعلى بكثير من النسر الا انهما يتاسوا فى عيب قاتل وهو عدم راحة الراكب فى الخلف لان الكنبة الخلفية ضيقة شوية خاصة ولو قائد السيارة طويل او ضخم والاتنين فيهم نفس العيب لكن مجملا الهوندا اقيم بكثير جدا فى التابلوه والصالون
خامسا : الوكيل والصيانة وقطع الغيار - الوكيل بالنسبة للهوندا اقوى من متسوبيشى ولا مجال للشك فى هذا الا ان مصاريف صيانة الوكيل لا تختلف كثيرا فى الاثنين وكذلك قطع الغيار متوفرة فى الاثنين ولا تفاوت كبير فى الاسعار بين الاثنين تفيدك فى اتخاذ القرار
سادسا : سعر اعادة البيع والاعتمادية - ارى ان الاثنين فى تساوى تقريبا رغم ان النسر قد تكون هناك سرعة فى بيعا مقارنة بالسيفيك لاقبال الشباب عليها لكن سعر اعادة البيع والاعتمادية للسيارة قد يتساوى مع السيرتين نسبة وتناسب طبعا
اخيرا :: متعة القيادة لا شك بصراحة وبدون تحيز الهوندا تعطيك متعة قيادة عالية جدا بالنسبة للنسر سواء كنت محترف او هاوى ودرجة عالية من الاطمئنان لثباتها فى المنحيات وفى السرعات العالية وانبهار باضواء التابلوه ليلا ونعومة وهدوء الموتور وقوة تسارعه ....راى الشخصى الهوندا سيفيك والقرار لك بعد الاسخارة ان شاء الله ووفقك الله الى ما يحب ويرضى