اخر انجازات غبور (ابورواش)

**thegreatnileman** · 29-09-2007 02:13 PM

مش حطول عليكم
رحت غيرت الزيت والفلتر عند الالف كيلو

امبارح ببص كده على مقياس الزيت لاقيته معدى الحد الاقصى بحوالى نصف سم

طلعت على واحد بتاع زيوت متخصص بس وفضينا الزيت كله واعدنا ه تانى اتضح انه كان فيه زيادة نصف كيلو بالكمال والتمام انا مشيت 3000كم على الوضع ده ياترى فى ضرر يكون حصل والواحد لما بيحصل معاه كده فى التوكيل يروح فين دى حاجة ........

احمد :x

**tarekkasaby** · 02-10-2007 01:02 PM

كالعادة لا جديد انا بردة لما قريت عن مشاكل الزيت فى المنتدى و انا بعمل صيانة الالف نبهت على المهندس فى الموضوع ده فبصلى بصة غريبة نظام "انت حاتعرفنا شغلنا" و قالى ماتقلقش المهم لاقيتهم مزودين الزيت برده فضلت ادور علية علشان ..............................
طبعا مالاقتهوش كل الناس اشتكت من الموضوع دة

**Dr Ahmed** · 02-10-2007 01:08 PM

طيب وليه غيرت الزيت كله؟؟؟

أنا حصلت معايا - مش فى التوكيل - والولد اللى غير الزيت مصمم بغباء ان كله تمام ومستعد لمعركة علشان يثبت كده!!
اتصرفت وعملت شفاط يدوى مخصوص بأنبوبة طويلة ودخلته من فتحة المقياس وشفطت حوالى 250 سم من شل هيلكس ألترا ..
بصراحة أنا تقريبا يئست إنى أشوف فنى محترف.

**eng_mkhalaf** · 02-10-2007 03:10 PM

المشاركة الأصلية كتبت بواسطة Dr Ahmed

اتصرفت وعملت شفاط يدوى مخصوص بأنبوبة طويلة ودخلته من فتحة المقياس وشفطت حوالى 250 سم من شل هيلكس ألترا ..

يعنى يا دكتور عملت منظار للموتور بتاع العربية :lol: :lol: :lol: :lol:

**Dr Ahmed** · 02-10-2007 04:32 PM

يعنى يا دكتور عملت منظار للموتور بتاع العربية

عسل :lol: :lol: :lol:

لأ عملتله بذل :lol: :lol: :lol:

**Sharky** · 02-10-2007 09:39 PM

بصراحة أنا تقريبا يئست إنى أشوف فنى محترف

+1

**ayman_elkholy** · 03-10-2007 03:22 AM

دى موصيبه ياجماعه التوكيل نفسه مش عارف مقاس الزيت طيب لو مشكله كبيره فى العربيه يحلها الزاى
يسبها تتحرق ويقول ده اخرنا فيها ولا ايه

**PAYOO** · 03-10-2007 04:11 PM

المشاركة الأصلية كتبت بواسطة ayman_elkholy

دى موصيبه ياجماعه التوكيل نفسه مش عارف مقاس الزيت طيب لو مشكله كبيره فى العربيه يحلها الزاى
يسبها تتحرق ويقول ده اخرنا فيها ولا ايه

في حاجه أسمها مش عارف برضه يا باشمهندس ؟ دا اصغر عيل في أسوء ورشه عارف أن كل موتور وله مقاس زيت

بس تقول أيه بقى في الأهمال وعدم الأحساس بالمسؤلية

**thegreatnileman** · 03-10-2007 07:11 PM

وعملت شفاط يدوى مخصوص بأنبوبة طويلة

انا حاولت اعمل كده اشتريت جهاز جولو كوز وجربت بيه بس منفعش اصل مكان المقياس تقريبا بيبدا مدور وينزل من تحت على مستطيل

بس انا بعشق الافكار العبقرية والناس اللى بتحب تشغيل الدماغ

**thegreatnileman** · 03-10-2007 07:17 PM

بصراحة أنا تقريبا يئست إنى أشوف فنى محترف

انا قعدت عشر سنين تقريبا باتعامل مع ميكانيكى فى العباسية وانا فاكر ان ده نمر 1
وبعدين كل ما ابعت له زميل ليه يرجع يشتم فيه ومش عاجبه
وبعدين اعدت افكر وافكر اشمعنى عربياتى ماشيه معاه تمام
لاحد ماعرفت السبب

عارفين ايه السبب

انى انا اللى كنت باشخص المشكلة اللى فى العربيه واروح ليه (علشان وقتى ضيق) اقول له غير ده او شيل ده او خد ركب ده وهو كان استاذ فك وتركيب لكن لما تسيبه يدور على حل لمشكله فى العربية يبق بالحظ

مافيش صنايعية فى مصر